कोगनोळी - येथील जागर सोहळयात हेडम खेळविताना भाविक
(छायाचित्र - अनिल पाटील, कोगनोळी)
-------------------------
कोगनोळी, ता. 17 ः येथील हजारो भविकांचे श्रध्दास्थान आसलेल्या अंबिका देवीचा जागर व नवरात्रोत्सव सोहळा उत्साहात संपन्न झाला. बुधवार (ता. 17) जागर सोहळयानिमित्त दर्शनासाठी भविकांनी गर्दी केली होती.
सकाळी आठ वाजता देवीची आरती करून सजविलेल्या पालखीतून छत्रपती शिवाजी महाराज चौक, महादेव गल्ली, लोखंडे गल्ली, पी ऑन्ड पी सर्कल, मगदूम गल्ली, माळी गल्ली अशी भव्य सवाद्य मिरवणूक काढण्यात आली. सर्वत्र दुतर्फा रांगीळी व पुष्पवृष्टी करण्यात आली.
अंबिका मंदिरासह गांवातील विविध मंदिरावर आकर्षक विद्यूत रोषणाई करण्यात आली होती.माजी मंत्री वीरकुमार पाटील, तालूका पंचायत सदस्य प्रितम पाटील, माजी जिल्हा पंचायत उपाध्यक्ष पंकज पाटील,माजी मंडल पंचायत अध्यक्ष शरद पाटील(काका), योगेश पाटील, अतुल कुलकर्णी, सी. के. पाटील, के. डी. पाटील, अनिल चौगुले, आप्पासाहेब मगदूम, अशोक मगदूम आदीच्या उपस्थित आरती करण्यात आली.
या मिरवणूकीत बिरदेव पालखी व अश्वाचा समावेश होता.पालखी मिरवणूक गांवातील प्रमुख मार्गावरून मंदिराजवळ आल्यावर अश्व, पालखी मानकरी यांनी धावत जावून मंदिर प्रदक्षिणा घेतली. यावेळी वालंग व हेडम खेळविण्यात आले. रात्री 12 वाजता मान्यवरांच्या उपस्थित आरती झाल्यावर पालखी मंदिर प्रदक्षिणा घेतली. यावेळी फटाक्याची आताबाजी करण्यात आली. देवीला नैवेद्य दाखवून सा दिवसाचे उपवास सोडण्यात आले.
या सात दिवसात अंबिका भक्त मंडळाच्यावतिने संगीत सोंगी भजन यासह अन्य कार्यक्रमांचे आयोजन करण्यात आले होते. मंदिरात सुरेश गुरव, बाळासो गुरव, नंदू गुरव, संजू गुरव, अशोक गुरव यांच्याकडून देवीची वेगवेगळया रूपात पुजा बांधण्यात आली होती.
देवीच्या जागर सोहळयास मुंबई, पुणे, कोल्हापूर, निपाणी, संकेश्वर, सांगली, सातारा, चिक्कोडी सह पंचक्रोशीतील भाविकांनी दर्शनासाठी गर्दी केली होती.
No comments:
Post a Comment