कोगनोळी ः येथे अंबिका देवीच्या नवरात्र उत्सवानिमित्त सरगम संगीत सोंगी भजनातील कला सादर करताना कलाकार
----------------------------------------
कोगनोळी, (अनिल पाटील) ता. 16 ः
येथील ग्राम दैवत अंबिका देवीच्या नवरात्र उत्सवनिमित्त श्री. अंबिका भक्त मंडळ व व्यापारी यांच्यावतिने मंदिराजवळ सोमवार ता. 15 रोजी कुर्ली ता. निपाणी येथील सरगम संगीत सोंगी भजनाचा कार्यक्रम झाला.
अंबिका गॅसचे मालक युवराज कोळी यांच्या हस्ते उदघाटन झाले. संजय डूम, योगेश उर्फ बंडा चौगुले तुकाराम पाटील,बाबासो पाटील(जनाप) आदी उपस्थित होते.
बाळासाहेब तोरनाळे, भिमराव चव्हाण, युवराज खोत, सुरेश माळी, भागवंत अंबी, मुकूंद यादव, संतोष पाटील, अलिल मेंथे, चंद्रकांत ठाणेकर, गजाजन माळी, संकेत सुतार, महादेव मगदूम, नवनाथ जैन्याळकर,तुकाराम डोंगरे यांनी गणेश दर्शन, भारूड,लोक गीते, भक्ती गीत, समाजप्रबोधन नाटक, किर्तन , आदीसह अन्य कला सादर करून रसिकांना मंत्रमुग्ध केले.
यावेळी बोलताना बाळासाहेब हुपरे म्हणाले, आजच्या 21 व्या शतकात टीव्ही, सिनेमाच्या जमान्यात ग्रामिण लोककला लोप पावत चालल्या आहेत. कुर्ली (ता. निपाणी) सारख्या खेडे गांवातून युवकांना संघटीत करून सरगम संगीत सोंगी भजनाची स्थापना केली आहे. शासनाने लोककला प्रसार होण्यासाठी व टिकण्यासाठी प्रयत्न केले पाहिजे. कार्यक्रम पार पाडण्यासाठी शामराव पाटील, विजय आलासे, राजू इंगवले, संभाजी जगदाळे, दत्ता परिट, जितू चिंचणे आदींनी परिश्रम घेतले.
------------------------------------------------
No comments:
Post a Comment