हेरले / प्रतिनिधी
श्री हनुमान देवस्थान ट्रस्ट हेरले
(ता. हातकणंगले) यांच्या वतीने
श्री हनुमान जन्मोत्सव साजरा करण्यात आला. श्री हनुमान जयंती विविध धार्मिक कार्यक्रमांनी थाटामाटात व भक्तीपूर्ण वातावरणात मोठ्या उत्साहात साजरी करण्यात आली.
बुधवारी रात्री श्री भजनी मंडळ यांच्या वतीने गुंडोपंत कुलकर्णी यांच्या मार्गदर्शनाखाली भजनाचा कार्यक्रम संपन्न झाला. गुरुवार पहाटे पाच वाजता पुजारी राजू गुरव, वसंत गुरव, गुंडोपंत गुरव यांनी पूजा, मंत्रपठन, पुष्पाजंली अर्पण करून व अभिषेक भूपाल रुईकर, नंदकुमार माने, विजय कारंडे, संतोष भोसले यांच्या हस्ते घालून धार्मिक कार्यक्रम संपन्न होऊन सकाळी हनुमान जन्मोत्सोव सोहळा संपन्न झाला.
फुलांनी सजविलेल्या पालखीमध्ये हनुमतांची मुर्ती व गदेची पूजा करून
श्रीहनुमान मंदिररास तीन प्रदक्षिणा घालण्यात आल्या. 'श्री रामभक्त हनुमान की जय' या जयघोषात पालखी सोहळा संपन्न झाला. दुपारनंतर महाप्रसादाचे वाटप करण्यात आले. या सोहळ्यात हनुमान भक्त मोठ्या प्रमाणात सहभागी झाल्याने मंदिर परिसरात मोठी गर्दी झाली होती. रांगेन जाऊन भक्तांनी दर्शन घेतले.
या हनुमान जयंती सोहळ्याच्या कार्यक्रमाचे संयोजन भुपाल रुईकर, विजय कारंडे , संतोष भोसले, नंदकुमार माने, विजय पाटील, पांडुरंग शिंदे, अमोल कारंडे, पांडुरंग डांगे, दत्ता भोसले, सुनील कारंडे, बाळ चौगुले, जयसिंग गडकरी, मंदार गडकरी आदींनी केले.
No comments:
Post a Comment