पन्हाळा शाहुवाडी तालुक्यातील मुख्याध्यापकांची सहविचार सभा उत्साहात संपन्न.

कोल्हापूर / प्रतिनिधी

   लोकराजा राजर्षी छत्रपती  शाहू महाराज  स्मृतिशताब्दी कृतज्ञता महोत्सवाच्या यशस्वीतेसाठी व शैक्षणिक वर्ष २०२२ / २३ च्या शैक्षणिक नियोजनासाठी कोल्हापूर जिल्ह्यातील खाजगी सर्व व्यवस्थापनाच्या माध्यमिक शाळांच्या मुख्याध्यापकांची  माध्यमिक शिक्षणाधिकारी  यांचे मार्फत तालुकानिहाय खाजगी व्यवस्थापनाच्या माध्यमिक शाळांच्या मुख्याध्यापकांची सहविचार सभा पन्हाळा तालुक्यातील देवाळे हायस्कूल व ज्युनियर कॉलेज देवाळे येथे पन्हाळा व शाहूवाडी तालुक्यातील मुख्याध्यापकांची सहविचार सभा संपन्न झाली.  देवाळे विद्यालयाचे मुख्याध्यापक जी.डी.भोसले  यांनी स्वागत केले.प्रास्ताविक उपशिक्षणाधिकारी गजानन उकिर्डे  यांनी केले .

     माध्यमिक शिक्षणाधिकारी एकनाथ अंबोकर  यांनी लोकराजा राजर्षि शाहू महाराज स्मृतिशताब्दी कृतज्ञतापूर्वच्या निमित्ताने घेण्यात  येणाऱ्या विज्ञान प्रदर्शन, कथाकथन स्पर्धा, प्रश्नमंजुषा स्पर्धा, वक्तृत्व स्पर्धा, तसेच ग्रंथप्रदर्शन या संदर्भाने माहिती दिली.तसेच ग्रंथप्रदर्शनास द्यावयाच्या भेटीचे तालुका निहाय नियोजन सांगितले. पुढील शैक्षणिक वर्षाचे नियोजनाच्या अनुषंगाने शाळा सिद्धी स्वच्छ विद्यालय पुरस्कार, विविध पत्रके परिपत्रके, आधार कार्ड अपडेशन, महाराष्ट्र लोकसेवा हक्क, अधिनियम-२०१५ च्या कलम तीन मधील पोटकलम एक अन्वये लोकसेवा घोषित करणे याचे मार्गदर्शन केले. शिष्यवृत्ती परीक्षा, नवोदय परीक्षा, एनटीएस, एनएमएमएस शिष्यवृत्ती संदर्भामध्ये नियोजन करणे यासाठी                    सर्व मुख्याध्यापकांना मार्गदर्शन केले.

     सभेसाठी पन्हाळा तालुक्यातील  ६३ व शाहूवाडी तालुक्यातील  ४६ असे  एकूण १०९ मुख्याध्यापक बंधू-भगिनी उपस्थित होते.सहविचार सभे प्रसंगी उपशिक्षणाधिकारी बी. डी. टोणपे,  सहाय्यक शिक्षण उपनिरीक्षक अजय पाटील,शाहूवाडीचे गटशिक्षणाधिकारी एन.एस. शेळके, मुख्याध्यापक संघाचे तालुका स्तरावरील अध्यक्ष एस. आर. पाटील, मुख्याध्यापक संघाचे सहसचिव ए. एम. रणदिवे व सर्व शिक्षक संघटनांचे प्रतिनिधी उपस्थित होते. आभार मुख्याध्यापक एच. वाय. शिंदे यांनी मानले.

    फोटो 

माध्यमिक शिक्षणाधिकारी एकनाथ अंबोकर  पन्हाळा शाहूवाडी तालुक्याच्या मुख्याध्यापकांच्या  सहविचार सभेत बोलतांना.