गुरुवर्य भाऊसाहेब पाटील महाराज यांची कालिदास संस्कृत विद्यापीठ किर्तन शास्त्र विभाग सदस्यपदी निवड

हेरले / प्रतिनिधी

दि.25/5/21

  वारकरी संप्रदायातील भीष्माचार्य म्हणून ओळखले जाणारे गुरुवर्य भाऊसाहेब पाटील महाराज  यांची कविकुलगुरू कालिदास संस्कृत विद्यापीठ रामटेक नागपूर महाराष्ट्र या विद्यापीठाच्या वतीने किर्तन शास्त्र विभाग सदस्यपदी निवड झाली आहे. 

                          स्वामी शिवानंद अध्यात्मिक केंद्र 

शेकिन हासुर बेळगाव या मठाचे ते सध्या मठाधिपती म्हणून कार्य करीत आहेत.कर्नाटक महाराष्ट्र गोवा या राज्याच्या वारकरी महासंघाचे ते अध्यक्ष म्हणून काम पहात आहेत. वारकरी साहित्य संमेलनाचे तिसरे  अध्यक्षपदीही त्यांनी भूषवलं होते.सध्या वारकरी साहित्य संमेलनाच्या विश्वस्त पदी ते काम करत आहेत. महाराष्ट्र कर्नाटक गोवा आधी राज्यांमध्ये गेली पन्नास वर्षापासून ते वारकरी संप्रदायासाठी किर्तन व प्रवचनाच्या माध्यमातून समाजप्रबोधनाचे काम अहोरात्र करीत आहे. आत्तापर्यंत त्यांना अनेक सामाजिक, धार्मिक, शैक्षणिक,राजकीय स्तरातून अनेक पुरस्कारांनी सन्मानित करण्यात आलेले आहे. कविकुलगुरू कालिदास युनिव्हर्सिटी नागपूर यांच्या वतीने किर्तन शास्त्र या विभागांमध्ये सदस्य या पदावर त्यांची नियुक्ती झाल्यामुळे वारकरी संप्रदायातून फार मोठ्या प्रमाणात  समाधान व आनंद व्यक्त होत आहे.