हेरले / प्रतिनिधी
हेरले (ता. हातकणंगले) येथील कन्या शाळा हेरले ,केंद्र शाळा हेरले, शाळा नंबर 2 हेरले, उर्दू शाळा हेरले, यांच्या संयुक्त विद्यमाने सरपंच राहुल शेटे, उपसरपंच महंमदबख्तियार जमादार ग्रामपंचायत सदस्य अमित पाटीलसह सर्व नूतन ग्रामपंचायत सदस्य यांचा सत्कार शाळेच्या संकुलात करण्यात आला. यावेळी शिक्षक समितीचे जिल्हाध्यक्ष व शिक्षक बँकेचे चेअरमन अर्जुन पाटील, शाळा नंबर दोन चे मुख्याध्यापक विठ्ठल ढवळे, केंद्रशाळेचे मुख्याध्यापक रावसो चोपडे, कन्या शाळेचे मुख्याध्यापक प्रभाकर चौगुले, उर्दू शाळेच्या मुख्याध्यापिका रिजवाना खान तसेच चारही शाळेतील सर्व शिक्षक, शिक्षिका उपस्थित होते.
यावेळी सरपंच राहुल शेटे, उपसरपंच महंमदबख्तियार जमादार व ग्रामपंचायत सदस्य यांनी शाळेसाठी आम्ही कोणताही निधी कमी पडू देणार नाही अशी ग्वाही दिली.शाळा ही समाजाच्या विकासाचे माध्यम असून शाळेची प्रगती झाली तर आपोआप गावाची प्रगती होते. तसेच शाळेच्या व विद्यार्थ्यांच्या विकासासाठी ग्रामपंचायतीच्या वतीने नेहमी मदत व सहकार्य राहील अशा प्रकारचे आश्वासन सत्कार प्रसंगी दिले.
फोटो
हेरले येथे प्राथमिक शाळेत सरपंच राहुल शेटे, उपसरपंच महंमदबख्तियार जमादार
व ग्रामपंचायत सदस्य यांचा सत्कार करतांना प्राथमिक शिक्षक बँकेचे चेअरमन शिक्षक नेते अर्जुन पाटील व अन्य मान्यवर.
No comments:
Post a Comment