हेरले /प्रतिनिधी
मौजे वडगांव (ता हातकणंगले येथे मराठा आंदोलनाच्या पार्श्वभुमीवर सकल मराठा समाजाला आरक्षण मिळण्यासाठी व उपोषणकर्ते मनोज जरांगे पाटील यांना पाठींबा देण्यासाठी कॅन्डल मार्चच आयोजन करण्यात आलं होत. यावेळी सर्वप्रथम छ.शिवाजी महाराज यांच्या प्रतिमेस अभिवादन करून गावातील मुख्य रस्त्यावरून निषेध फेरी काढण्यात आली . संपूर्ण गावातून फेरी काढून या कॅन्डल मार्चची सांगता झेडा चौक येथे करण्यात आली . यावेळी सकल मराठा समाजाचे कार्यकर्ते तसेच ग्रामपंचायतचे व विविध संस्थाचे पदाधिकारी उपस्थित होते. तसेच गावातील विविध समाजाच्या वतीने सकल मराठा समाजाच्या आंदोलनाला पाठींबा देण्यात आला . यावेळी राजकीय पुढाऱ्यानां गावामध्ये येण्यास बंदी करण्यात आली .
