हेरले प्रतिनिधी
मौजे वडगाव ( ता. हातकणंगले ) येथील उपसरपंचपदी सुभाष आकिवाटे यांची बिनविरोध निवड करण्यात आली . जिल्हाधिकारी यांचे आदेशा नूसार सरपंच काशीनाथ कांबळे यांचे अध्यक्षतेखाली व ग्रामविकास अधिकारी विठठल कांबळे यांच्या उपस्थितीत नुतन उपसरपंच निवडीसाठी ग्रामपंचायतीची विशेष सभा झाली . यावेळी सुभाष अकिवाटे यांचा एकमेव अर्ज आल्याने त्यांच्या नावाची घोषणा केली . यावेळी कार्यकर्त्यांनी गुलालाची उधळण व फटाकयांची आतषबाजी करूण आनंद व्यक्त केला .
उपसरपंच किरण चौगुले यांनी आपल्या पदाचा राजीनामा सरपंच काशीनाथ कांबळे यांच्याकडे सुपूर्द केला होता . राजीनामा ग्रामपंचायतीच्या मासिक बैठकीत सर्वानुमते मंजूर करण्यात आला .यानंतर विशेष सभेत नुतन उपसरपंच सुभाष आकिवाटे यांचा एकमेव अर्ज आल्याने त्यांची बिनविरोध झाल्याची घोषणा केली .
यावेळी सरपंच काशीनाथ कांबळे , माजी उपसरपंच किरण चौगुले , ग्रामविकास अधिकारी विठठ्ल कांबळे , ग्रामविकास अधिकारी ए आर विरकर , ए. एस.आय. निवास पवार ,अवधूत मुसळे , अविनाश पाटील , वैशाली गोरड , माधूरी सावत , सुनिता मगदूम , सरिता यादव , सरताज बारगीर , आश्विनी लोंढे , मायावती तराळ ,यांच्यासह ग्रामपंचायत सदस्य व कार्यकर्ते उपस्थित होते .
