हेरले / प्रतिनिधी
गेल्या ३ ते ४ दशकापासून गावातील एकही विद्यार्थी शिक्षणा पासून वंचीत राहू नये या उद्देशाने १५ जून १९८५ साली स्थापन केलेल्या लोकसेवा शिक्षण संस्था प्रणित बालावधूत हायस्कूलची मुहर्तमेढ रोवलेल्या सदाशिव चौगुले व सोनाबाई चौगुले या दांपत्याचा भव्य नागरी सत्कार लोकसेवा शिक्षण संस्थेच्या वतीने बालावधूत हायस्कूलच्या प्रांगणात करण्यात आला.
सत्कार प्रसंगी सदाशिव चौगुले म्हणाले की, भविष्यातील काळाची गरज ओळखून स्थापन केलेल्या या हायस्कूल मधील कित्येक विद्याथी डॉक्टर , इंजिनिअर , शिक्षक, उद्योगपती , आशा विविध क्षेत्रामध्ये आपली गुणवत्ता सिध्द केली आहे. याचा मला सार्थ अभिमान असून मला मिळणाऱ्या पेन्शन मधील मी हायस्कूल साठी एक लाख आकरा हजार एकशे आकरा रुपयेचा धनादेश प्रधान करित आहे. सदर रकमेचा धनादेश संस्थेच्या वतीने स्विकारण्यात आला . यावेळी माजी विद्यार्थी व शिक्षकांनी आपली मनोगते व्यक्त केली.
यावेळी अँड. विजयकुमार चौगुले, कराळे सर , नारायण संकपाळ, कोळेकर सर, श्रीकांत सावंत, रावसो चौगुले, उपसरपंच सुनिल खारेपाटणे , ग्रां. प . सदस्य सुरेश काबरे, रघूनाथ गोरड , स्वप्नील चौगुले, अविनाश पाटील , अमोल झांबरे, महादेव शिंदे, आण्णासो पाटील ,अमर थोरवत , मुख्याध्यापक आर. बी. पाटील, शिक्षक ,शिक्षकेत्तर कर्मचारी यांच्यासह विविध क्षेत्रातील मान्यवर मोठ्या संख्येने उपस्थित होते. स्वागत व प्रास्ताविक अंजली पाटील यांनी केले तर आभार संस्थेचे सचिव संजय चौगुले यांनी मानले.
फोटो
लोकसेवा शिक्षण संस्थेस एक लाख आकरा हजार एकशे आकरा रुपयेचा धनादेश प्रधान करतांना चौगुले परिवार
