हेरले / प्रतिनिधी
राजश्री छत्रपती शाहू महाराज शासकीय वैद्यकीय महाविद्यालय व सीपीआर रुग्णालयास नेत्र चिकित्सा शास्त्र विभागाकरिता नॅट फाउंड्रीचे सुरेन्द्र जैन यांच्या वतीने एक हजार चष्मे प्रदान करण्यात आले. राष्ट्रीय अंधत्व निर्मूलन कार्यक्रमांतर्गत रुग्णांना मोतीबिंदूच्या शस्त्रक्रिया नंतर आवश्यक असणारे चष्मे दिले जातात. महिन्याला सुमारे तीनशे मोतीबिंदू शस्त्रक्रिया सीपीआर मध्ये केल्या जातात. काही महिने हे चष्मे शासनाकडून प्राप्त न झाल्यामुळे रुग्णांची गैरसोय झाली होती. त्यामुळे नॅट फाउंड्री कोल्हापूरच्या वतीने देणगी स्वरूपात एक हजार चष्मे देणार असल्याचे जाहिर केले. त्यानुसार मंगळवारी आमदार राजेश क्षीरसागर यांच्या उपस्थितीत चष्मे प्रदान करण्यात आले. यावेळी सुरेंद्र जैन यांनी शासनाकडून निधी प्राप्त होईपर्यंत सदर चष्म्यांचा पुरवठा ग्नॅट ट फाउंड्रीकडून केला जाईल असे जाहिर केले.
यावेळी शिरोली मॅन्युफॅक्चरर्स असोसिएशनचे अध्यक्ष राजू पाटील, गोशिमाचे अध्यक्ष स्वरूप कदम, कोल्हापूर इंजिनिअरिंग असोसिएशनचे अध्यक्ष बाबासाहेब कोंडेकर, उपाध्यक्ष कमलाकर कुलकर्णी, महाविद्यालयाचे अधिष्ठाता डॉ. एस. एस. मोरे, डॉ. अनिता साहेबानावार, वैद्यकीय अधीक्षक डॉ. शिशिर मिरगुंडे, नेत्ररोग विभागाच्या डॉक्टर पाटील, देणगी समिती सचिव महेंद्र चव्हाण उपस्थित होते.
..............
फोटो..
कोल्हापूर , सीपीआर रुग्णालयास नॅट फाउंड्रीचे सुरेन्द्र जैन यांच्या वतीने चष्मे देताना आमदार राजेश क्षीरसागर, शेजारी आशा जैन, राजू पाटील, बाबासाहेब कोंडेकर आदी.
...........................................
