हेरले /प्रतिनिधी
हेरले गावाला पाणीपुरवठा करणाऱ्या 11 के.व्ही. हेरले गावठाण वाहिनीचा कंडक्टर तुटून पाणी पुरवठा बंद पडलेला होता.3 फूट पाण्यामध्ये महावितरणच्या हेरले शाखेतील कनिष्ट अभियंता संदिप कांबळे यांच्या मार्गदर्शनाखाली कर्मचाऱ्यांनी प्रयत्नाची पराकाष्टा करून तुटलेली उच्चदाब वहिनी जोडून गाव पाणी पुरवठा चालू केला.
उच्चदाब वाहिनी तूटल्यामुळे हेरले गावातील पाणीपुरवठा बंद होता. ४ दिवस होत असलेल्या पावसामुळे नदीच्या पाणी पातळीत भरपूर वाढ झालेली आहे. तसेच कंडक्टर तुटून पडलेल्या ठिकाणी अडीच ते तीन फूट नदीचे पाणी असल्यामुळे वायर ओढण्यास अडचण निर्माण होत होती. सदर ठिकाणी 3 फूट पाण्यामध्ये महावितरणच्या हेरले शाखेतील कनिष्ट अभियंता संदिप कांबळे यांच्या मार्गदर्शनाखाली अक्षय भोसले, संतोष जाधव,अशोक काळे, विशाल हराळे, प्रदीप कांबळे या कर्मचाऱ्यांनी तुटलेली उच्चदाब वहिनी जोडून गाव पाणी पुरवठा चालू केला. या त्यांच्या उत्कृष्ट सेवेबद्दल गावातून त्यांचे
कौतुक होत आहे.
फोटो
हेरले: कनिष्ट अभियंता संदिप कांबळे यांच्या मार्गदर्शनाखाली नदीच्या तीन फूट पाण्यात महावितरण कर्मचारी तुटलेली उच्चदाब वहिनी जोडतांना.
