हेरले /प्रतिनिधी
मौजे वडगाव (ता . हातकणंगले) येथील स्वयंभू कला क्रिडा व सांस्कृतिक मंडळ प्रणित आर्यन्स ग्रुप यांच्या वतीने गणेश चतुर्थी निमित्य खास महिलांसाठी आयोजित करण्यात आलेला के . के. भाऊजी यांचा खेळ पैठणीचा कार्यक्रम प्रचंड उत्साहात संपन्न झाला .
होममिनिस्टर खेळ पैठणीचा या कार्यक्रमाचे निवेदन के. के . भाऊजी यांनी केले. या कार्यक्रमामध्ये बहुसंख्य भगिनींनी सहभाग घेतला . महिलांसाठी करमणूक व मनोरंजनात्मक विविध खेळ घेण्यात आले . महिलांना घरगुती कामातून विरंगुळा मिळावा आणि एकदिवस मनोरंजन व्हावे यासाठी होममिनिस्टर स्पर्धा घेण्यात आली . या स्पर्धेत महिला उत्स्फूर्तपणे सहभागी झाल्या होत्या
या कार्यक्रमातील प्रथम क्र . व पैठणीच्या मानकरी सौ.मंजूळा चौगुले यांनी बहुमान पटकाविला द्वितीय क्र . अमृता सावंत तर तृतीय क्र . शैलजा तराळ यांनी पटकाविला तसेच उत्तेजनार्थ म्हणून सविता सावंत यांना देण्यात आले . या कार्यक्रमामध्ये महिलांचा उत्साह प्रचंड विलोभनीय होता .
