हेरले प्रतिनिधी
आदर्श गुरुकुल विद्यालय व जुनिअर कॉलेज पेठ वडगाव '5 स्टार शाळा' नामांकन प्राप्त झाली आहे. तर ग्रीन व्हॅली पब्लिक स्कूल व गुरुकुल प्राथमिक विद्यालय या शाळा जिल्हा परिषदचा 'स्वच्छ विद्यालय पुरस्कार २०२२' या जिल्हा स्तरीय पुरस्काराने सन्मानित झाल्या असून तर राज्यस्तरीय पुरस्कारासाठी निवड झाली आहे.
स्वच्छ विद्यालय अभियान अंतर्गत जिल्हास्तर पुरस्कारप्राप्त शाळांना प्रमाणपत्र वितरण कार्यक्रम शाहू स्मारक भवन येथे संपन्न झाला. पुरस्कार वितरण कार्यक्रम जिल्हा परिषदेचे मुख्य कार्यकारी अधिकारी संजयसिंह चव्हाण ,शिक्षणाधिकारी (प्राथमिक) आशा उबाळे , डायट प्राचार्य शेख, माध्य. शिक्षणाधिकारी आंबोकर यांच्या उपस्थितीत पुरस्कार वितरीत करण्यात आले.
या पुरस्काराचे वेळी ग्रीन व्हॅली पब्लिक स्कूलचे मुख्याध्यापक आर.बी.शिवई,ग्रीनचे प्रशासक एम. एच चौगुले, आदर्श गुरुकुल प्रशासक एस .जी .जाधव, गिरीगोसावी मॅडम, पी.एस. पाटील सर, भांगरे सर व साै. एम .एस. पाटील उपस्थित होते.
या पुरस्कारासाठी आदर्श गुरुकुल संकुलाचे संस्थापक अध्यक्ष तथा कोजिमाशि पतसंस्थेचे चेअरमन प्राचार्य डॉ. डी. एस. घुगरे ,सचिवा तथा मुख्याध्यापिका सौ. एम.डी.घुगरे याची प्रेरणा लाभली. तसेच अनिवासी प्रमुख एस.ए.पाटील, संकुलातील सर्व शिक्षक बंधू- भगिनी, शिक्षकेतर कर्मचारी यांचे मोलाचे सहकार्य लाभले.
फोटो :जिल्हा परिषदेचा 'स्वच्छ विद्यालय पुरस्कार २०२२' हा जिल्हास्तरीय पुरस्कार स्वीकारताना ग्रीन व्हॅली पब्लिक स्कूलचे मुख्याध्यापक आर.बी.शिवई व शिक्षक, शिक्षिका
