हेरले / प्रतिनिधी
स्थानिक उद्भवणाऱ्या आजारावर नियंत्रण ठेवण्यासाठी गावातील अतिजवळचे उपचार करणारे प्राथमिक आरोग्य उपकेंद्र हे २४ तास मोफत सेवा देत असते. त्यामुळे गावातील पुरुष , महिला , शालेय विद्याथी ,यांनी मोफत आरोग्य सेवेचा लाभ घ्यावा असे उद्गार लोकनियुक्त सरपंच कस्तुरी पाटील यांनी काढले . त्या मौजे वडगाव (ता. हातकणंगले) येथील शौमिका महाडिक यांच्या निधीतून व आरोग्य विभाग विशेष दुरुस्ती अंतर्गत योजनेतून मंजूर कामाच्या उदघाटन प्रसंगी प्रमुख पाहुण्या म्हणून बोलत होत्या . तर कार्यक्रमाच्या अध्यक्षस्थानी माजी सरपंच सतिश चौगुले होते .
यावेळी प्राथमिक आरोग्य उपकेंद्रातील निवासी समुदाय आरोग्य अधिकारी डॉ. पंकज पाटील यांनी आरोग्याच्या बाबतीत सविस्तर माहिती दिली . या उपकेंद्रामध्ये चालू वर्षी ३५०० रुग्णांची तपासणी करण्यात आली . त्यामध्ये १४२ ब्लडप्रेशर , मधुमेह तपासणी व इतर आजारांवर मोफत औषधे देण्यात आली. तर १२ रुग्णांचे एक्स रे काढण्यात आले 'सध्या शौमिका महाडिक यांच्या निधीतून मंजूर ५ लाख रुपये निधी मधून उपकेंद्राच्या आवारात बहुउद्देशीय आरोग्य भवन होणार असून रक्तदान शिबिरे , योगा शिबिरे , अशा विविध शिबिरासाठी लाभदायक ठरणार आहे .
यावेळी उपसरपंच सुनिल खारेपाटणे , माजी उपसरपंच व विद्यमान सदस्य सुरेश कांबरे, रघूनाथ गोरड, स्वप्नील चौगुले, सविता सावंत , ' सुनिता मोरे , सुवर्णा सुतार , दिपाली तराळ , माजी सरपंच रावसाहेब चौगुले , आजमुद्दीन हजारी , शपीक हजारी , अविनाश पाटील, प्रकाश चौगुले , महादेव जाधव ,दिलावर हजारी , यांच्यासह आरोग्य विभागातील कर्मचारी व ग्रामस्थ उपस्थित होते .
फोटो
प्राथमिक आरोग्य उपकेंद्र येथे बहुउद्देशीय हॉलच्या शुभारंभ प्रसंगी सरपंच कस्तुरी पाटील उपसरपंच सुनिल खारेपाटणे सुरेश कांबरे व इतर मान्यवर
