कोल्हापूर /प्रतिनिधी
सुमंगलम हा पंचमहाभूत लोकोत्सव या कार्यक्रमानिमित्य नियोजनासाठी
संघटना प्रतिनिधींची बैठक बुधवार दि. १८ जानेवारी २०२३ रोजी दु. ३.०० वाजता माध्यमिक विभागाकडील शिक्षक, शिक्षकेत्तर / मुख्याध्यापक सर्व संघटना (माध्यमिक) अध्यक्ष सचिव, जिल्हास्तर व तालुकास्तर व मुख्याध्यापक संघाचे सर्व पदाधिकारी यांची बैठक मुख्याध्यापक संघ कोल्हापूर येथे आयोजित केली आहे.
परमपूज्य स.स. श्री. काडसिध्देश्वर स्वामीजी सिध्दगिरी मठ कणेरी यांच्या मार्गदर्शनाखाली श्री क्षेत्र सिध्दगिरी मठ कणेरी महासंस्थान कोल्हापूर येथे दि. २० ते २६ फेब्रुवारी २०२३ या कालावधीत सुमंगलम हा पंचमहाभूत महोत्सव आयोजित करण्यात येणार आहे. देशविदेशातून या महोत्सवात सामाजिक, सांस्कृतिक, धार्मिक तसेच शैक्षणिक अशा सर्व क्षेत्रातील लाखो लोकांना आमंत्रित केले आहे. यामध्ये शिक्षण क्षेत्राचा मोठा सहभाग असणार आहे.
यासाठी लाखो विद्यार्थ्यासह शिक्षण क्षेत्रातील सर्वांचे महोत्सवात प्रत्यक्ष सहभागी असणे आवश्यक आहे. महोत्सवातील नियोजनासाठी बुधवार दि. १८ जानेवारी २०२३ रोजी दु. ३.०० वाजता माध्यमिक विभागाकडील शिक्षक, शिक्षकेत्तर / मुख्याध्यापक सर्व संघटना (माध्यमिक) अध्यक्ष सचिव, जिल्हास्तर व तालुकास्तर व मुख्याध्यापक संघाचे सर्व पदाधिकारी यांची बैठक मुख्याध्यापक संघ कोल्हापूर येथे आयोजित केली आहे. तरी सदर बैठकीसाठी संघटनांच्या पदाधिकाऱ्यांनी उपस्थित रहावे असे आवाहन जिल्हा परिषद कोल्हापूर शिक्षण विभागाचे माध्यमिक शिक्षणाधिकारी एकनाथ आंबोकर यांनी केले आहे. प्रसिद्धी पत्रक विस्तार अधिकारी आर.व्ही. कांबळे यांनी दिले आहे.
