शिरोली/ प्रतिनिधी
येथील ग्रामपंचायतीच्या उपसरपंचपदी माजी आमदार महादेवराव महाडिक यांच्या गटाचे अविनाश अनिल कोळी यांची एकमताने निवड करण्यात आली.निवड सभेच्या अध्यक्षस्थानी लोकनियुक्त सरपंच सौ. पद्मजा कृष्णात करपे या होत्या.
गुरुवारी सकाळी माजी आमदार महादेवराव महाडिक यांनी अविनाश कोळी यांच्या नावाची घोषणा केली. त्यानंतर सकाळी अकरा वाजता अविनाश कोळी यांनी उपसरपंच पदासाठी नामनिर्देशनपत्र दाखल केले. शिवसेना तालुकाप्रमुख बाजीराव पाटील यांनी सुचक म्हणून सही केली.
उपसरपंच निवडीपुर्वी महाडिक गटाने शिरोली फाटा ते छत्रपती शिवाजी महाराज पुतळा दरम्यान भव्य मिरवणूक काढली. रस्त्याच्या दुतर्फा भव्य रांगोळी साकारण्यात आली होती. तसेच या मिरवणुकीत धनगरी ढोल, ताशा,लेझीम पथक सहभागी झाले होते. यावेळी पंचायत समिती माजी सभापती डॉ. सौ. सोनाली पाटील, सरपंच सौ. पद्मजा करपे, डॉ. सुभाष पाटील, कृष्णात करपे बाजीराव पाटील यांनी हालगीच्या तालावर लेझमीचा ठेका धरला.
माजी आमदार अमल महाडिक यांच्या हस्ते छत्रपती शिवाजी महाराज पुतळ्यास पुष्पहार अर्पण करून सरपंच व उपसरपंच कार्यालयाचे उद्घाटन करुन प्रवेश केला. तसेच शिवाजी महाराज सभागृहात भाजपचे पदाधिकारी सतिश पाटील यांनी भ्रष्ठाचारमुक्त कारभार करण्याची सर्व सदस्यांना शपथ घेतली.
यावेळी प्रकाश कौंदाडे, विजय जाधव, सौ. कमल कौंदाडे , सौ. मनिषा संकपाळ, सौ. सुजाता पाटील, सौ. धनश्री खवरे, सौ. कोमल समुद्रे, कु. हर्षदा यादव, धनाजी पाटील, दिपक यादव, सुरेश पाटील, राजेश पाटील, सदाशिव संकपाळ, श्रीकांत कांबळे यांच्या सह सर्व सदस्य, विविध संस्थांचे पदाधिकारी कार्यकर्ते मोठ्या संख्येने उपस्थित होते.
आभार डॉ. सुभाष पाटील यांनी मानले.
