पेठवडगाव / प्रतिनिधी
वडगाव विद्यालय वडगावमध्ये सहावीत शिकणारा कु.अथर्व अजित लाड याने शिष्यवृत्ती परीक्षेसोबत विविध स्पर्धा परीक्षेत घवघवीत यश मिळवले.
पाचवी शिष्यवृत्ती परीक्षेत २६४ गुण संपादन करून जिल्हा गुणवत्ता यादीत ४६ क्रमांक पटकाविला. मंथन प्रज्ञा शोध परीक्षेत राज्यात दहावा क्रमांक मिळविला ,चंद्रपूर सैनिक स्कूलमध्ये राज्य गुणवत्ता यादीतून निवड आदी शासकिय स्पर्धा परीक्षेत यश मिळविले. त्यास या यशामध्ये विद्यालयाचे मुख्याध्यापक व कौन्सिल सदस्य लक्ष्मण उर्फ बाळ डेळेकर , उपमुख्याध्यापक सुधाकर निर्मळे, पर्यवेक्षिका सौ. आर. आर. पाटील, परीक्षा विभाग प्रमुख डी. ए. शेळके, तंत्रविभाग प्रमुख ए. एस. आंबी , संस्थेचे मुख्य लिपिक के. बी. वाघमोडे , वरिष्ठ लिपिक अतुल पाटील , जेष्ठ शिक्षक डी. एस. कुंभार यांची प्रेरणा मिळाली तर शिक्षिका सौ. एस. जे. क्षीरसागर, सौ. एस.एस. माने, सौ. एस. एस.चव्हाण , सौ. ए. ए. गुरव यांचे मार्गदर्शन लाभले. या यशाबद्दल अथर्व लाडचे व त्यांच्या पालकांचे विविध स्तरातून अभिनंदन होत आहे.
