हेरले / प्रतिनिधी
हेरले (ता. हातकणंगले) येथील राजकीय दृष्ट्या महत्वाच्या समजल्या जाणाऱ्या
श्री छत्रपती शिवाजी विकास सेवा संस्थेच्या नुकत्याच झालेल्या सार्वत्रिक निवडणूकित श्री छत्रपती शिवाजी महाराज स्वाभिमानी आघाडीने १३-० धुव्वा उडवत विजय संपादन केला होता.विजयी संचालक मंडळाच्या पहिल्या सभेत निवडणूक निर्णय अधिकारी मिलींद ओतारी यांनी काम पाहिले.या सभेत चेअरमन पदी अशोक मुंडे तर व्हा चेअरमनपदी कपिल भोसले यांची सर्वानुमते निवड करण्यात आली.
यावेळी आघाडीचे नेते माजी सभापती राजेश पाटील, माजी चेअरमन उदय चौगुले, कृष्णात खांबे, शशिकांत पाटील, सुनील खोचगे, नितीन चौगुले, संजय पाटील, राजेंद्र कदम, स्वप्नील कोळेकर, शांतादेवी कोळेकर, सुजाता पाटील आदी संचालक उपस्थित होते.नवनिर्वाचित चेअरमन व्हा.चेअरमन यांचा सत्कार करण्यात आला.सचिव नंदकुमार माने, रवी मिरजे, अमित नाईक, अक्षय इंगळे यांचे सहकार्य लाभले.
शेतकरी हितासाठी प्रयत्नशील राहणार
गत ५ वर्षात शेतकरी सभासद हिताचे निर्णय सभासद यांनी दाखवलेले प्रेम व विश्वास याची पोच पावती म्हणून
श्री छत्रपती शिवाजी महाराज स्वाभिमानी आघाडीला मतदारांनी भरघोस मताधिक्याने निवडून दिल्याबद्दल मनापासून आभार व्यक्त करतो व शेतकरी सभासद मतदारांचा विश्वास पात्र राहून शेतकरी हितासाठी आमचे चेअरमन व्हा.चेअरमन व संचालक प्रयत्नशील राहणार आहेत.
राजेश पाटील माजी सभापती
पॅनेलं प्रमुख श्री छत्रपती शिवाजी महाराज स्वाभिमानी आघाडी
फोटो कॅप्शन
हेरले : नुतन चेअरमन अशोक मुंडे व व्हा.चेअरमन कपिल भोसले यांचा सत्कार करताना माजी सभापती राजेश पाटील व माजी चेअरमन उदय भोसले.
