परीक्षा पे चर्चा या राष्ट्रीय उपक्रमात सहभागी होण्याची विद्यार्थी ,शिक्षक व पालक यांना संधी

हेरले / प्रतिनिधी

       माननीय प्रधानमंत्री नरेंद्र जी मोदी यांच्या संकल्पनेतून साकार झालेला विद्यार्थी, शिक्षक व पालक यांच्या सोबतचा संवादात्मक परीक्षा पे चर्चा या अनोख्या कार्यक्रमाची सातवी आवृत्ती तालकटोरा स्टेडियम ,नवी दिल्ली येथे फेब्रुवारी /मार्च 2024 मध्ये आयोजित करण्यात येत आहे. या उपक्रमात सहभागी होणाऱ्यांची नोंदणी करण्यासाठी व निवड करण्यासाठी 12 डिसेंबर 2023 पासून https://innovateindia.mygov.in/ppc-2024/ही लिंक उपलब्ध करून देण्यात आली आहे. या लिंक वर ऑनलाईन पद्धतीने बहुपर्यायी प्रश्नांच्या द्वारे इयत्ता सहावी ते बारावी मध्ये शिकणारे विद्यार्थी, शिक्षक व पालक यांच्याकरिता स्पर्धा आयोजित केली आहे. ही स्पर्धा ऑनलाइन पद्धतीने 12 डिसेंबर 2023 ते 12 जानेवारी 2024 पर्यंत खुली राहणार आहे. या स्पर्धेमध्ये सहभागी होणाऱ्या विद्यार्थी, पालक व शिक्षक यांना मा.संचालक, एन सी आर टी यांचे मार्फत सहभागी प्रमाणपत्र देण्यात येणार आहे.

      सर्व माध्यमाच्या इयत्ता सहावी ते बारावी मध्ये शिकणाऱ्या विद्यार्थी ,पालक व शिक्षक यांना याद्वारे आवाहन करण्यात येत आहे की ," *परीक्षा पे* *चर्चा*" या उपक्रमामध्ये सर्वांनी आपला सहभाग नोंदवावा व मुख्याध्यापकांनी या उपक्रमास आपल्या शाळेच्या संकेतस्थळावरून तसेच पालकांच्या व्हाट्सअप ग्रुपच्या माध्यमातून प्रसिद्धी द्यावी. असे आवाहन शिक्षणाधिकारी माध्यमिक डॉ. एकनाथ आंबोकर यांनी केले आहे.

सर्व खाजगी शाळांकरिता 1 कोटी 47 लाखाची बक्षिसे जिंकण्याची सुवर्णसंधी

कोल्हापूर/ प्रतिनिधी

"भारतरत्न डॉक्टर बाबासाहेब आंबेडकर आदर्श शाळा योजनेअंतर्गत मुख्यमंत्री माझी शाळा सुंदर शाळा "हे स्पर्धात्मक अभियान राज्यातील सर्व माध्यमाच्या सर्व व्यवस्थापनाच्या शाळाकरिता राबवण्यात येत आहे. पहिल्यांदाच खाजगी व्यवस्थापनाच्या शाळांचा यामध्ये सहभाग होणार आहे केंद्र, तालुका ,जिल्हा, विभाग व राज्य अशा एकूण पाच स्तरावरून ही स्पर्धा घेण्यात येणार आहे. प्रत्येक स्तरावर शंभर गुणांचे गुणांकन करून शाळांचे मूल्यांकन करण्यात येणार आहे हे मूल्यांकन दोन विभागात विभागलेले आहे

अ) विद्यार्थी केंद्रित उपक्रमांचे आयोजन व त्यामधील विद्यार्थ्यांचा सहभाग-साठ गुण

1)शाळा व परिसराचे सौंदर्यकरण दहा गुण 

2) विद्यार्थ्यांचा विविध उपक्रमातील, व्यवस्थापनातील व निर्णयातील सहभाग- पंधरा गुण

3) शैक्षणिक गुणवत्ता व व्यक्तिमत्व विकासासाठी आवश्यक अवांतर उपक्रम -दहा गुण

4) शाळेची इमारत व परिसर स्वच्छता- दहा गुण

5) राष्ट्रीय एकात्मते प्रोत्साहन देण्याबाबत उपक्रम -पाच गुण

6) विविध क्रीडा स्पर्धांचे आयोजन देशी  खेळांना प्राधान्य -दहा गुण

ब) शाळा व्यवस्थापनाकडून आयोजित विविध उपक्रम व त्यातील विविध घटकांचा सहभाग- चाळीस गुण 

1) आरोग्य -पंधरा   गुण    

2) आर्थिक साक्षरता व कौशल्य विकास -दहा गुण

3) भौतिक सुविधा व अध्ययन अध्यापनात सुलभता आणण्यासाठी कार्पोरेट संस्था कडून लोक सहभाग- तीन गुण

4) तंबाखू मुक्त शाळा, प्लास्टिक मुक्त शाळा व पोषणशक्ती अभियान उपक्रम -पाच गुण

5) विद्यार्थी केंद्रित उपक्रमांमध्ये माजी विद्यार्थी पालक यांचा सहभाग -पाच गुण 

तालुकास्तर ते राज्यस्तर प्रथम, द्वितीय व तृतीय क्रमांकाचे रोख रक्कम पारितोषिक देण्यात येणार आहे . प्रथम ,द्वितीय व तृतीय क्रमांकासाठी अनुक्रमे तालुकास्तरावर 3 लाख, 2 लाख व 1लाख ,जिल्हास्तरावर 11लाख ,5 लाख व 3लाख, विभाग स्तरावर 21 लाख ,11लाख व 7लाख तर राज्यस्तरावर 51 लाख 21 लाख व अकरा लाख अशा भरघोस बक्षिसांची घोषणा करण्यात आली आहे शासनामार्फत केंद्र स्तरावर केंद्रप्रमुख, तालुकास्तरावर गटविकास अधिकारी ,जिल्हास्तरावर मुख्य कार्यकारी अधिकारी ,विभाग स्तरावर शिक्षण उपसंचालक व राज्यस्तरावर  शिक्षण आयुक्त यांचे अध्यक्षतेखाली समिती गठीत करून प्रत्येक स्तरावर मूल्यमापन करण्यात येणार आहे याबाबत महाराष्ट्र शासनाने दिनांक 30 नोव्हेंबर 2023 रोजी शासन निर्णय निर्गमित केला आहे.  सर्व शाळांनी आपले स्तरावरून स्वमूल्यमापन करून केंद्र स्तरावरील स्पर्धेकरिता तयारी करणे बाबत याद्वारे शिक्षणाधिकारी माध्यमिक डॉ. एकनाथ आंबोकर यांनी आवाहन केले आहे.

शाळा घडवा लाखोंची बक्षिसे मिळवा - मुख्यमंत्री माझी शाळा सुंदर शाळा' अभियान.

कोल्हापूर / प्रतिनिधी

  कोल्हापूर जिल्हयात सर्व व्यवस्थापनाच्या व सर्व माध्यमांच्या शाळेमध्ये भारतरत्न डॉ. बाबासाहेब आंबेडकर शाळा योजनेतंर्गत जिल्हयात 'मुख्यमंत्री माझी शाळा सुंदर शाळा' अभियान राबविण्याचे राज्यशासनाने शालेय शिक्षण व क्रीडा विभाग यांचेकडील शासन निर्णय क्र. मुमंअ २०२३/प्र.क्र. ११४/एसडी ६ दिनांक ३० नोव्हेंबर २०२३ च्या आदेशाने निश्चित केले आहेत.      

     या अभियानातून शाळेची गुणवत्ता वाढवून लाखोंची बक्षिसे मिळवण्याची संधी शाळांना मिळणार आहे. या संदर्भात सर्व व्यवस्थापनाच्या व सर्व माध्यमांच्या शाळेमधील गुणवत्ता, सुविधा, पटसंख्या व अन्य उपक्रमांवरून मुल्याकन केले जाणार आहे. तालुका, जिल्हा आणि विभाग स्तरावर जाणाऱ्या शाळांना प्रत्येक स्तरावर लाखों रूपयांची बक्षिसे घोषित करण्यात आलेली आहेत. विद्यार्थ्यांच्या शैक्षणिक गुणवत्ता वाढीसोबत अध्ययन, अध्यापन व प्रशासनात आधुनिक तंत्रज्ञानाच्या वापरास प्रोत्साहन देणे, शिक्षणासाठी पर्यावरण पुरक व आनंददायी वातावरण निर्मिती करणे, क्रोडा, आरोग्य व स्वच्छतेचे महत्व अधोरेखित करणे राष्ट्रप्रेम व राष्ट्रीय एकात्मता याबाचत विद्यार्थ्यांना प्रोत्साहन देणे, व्यवसायिक शिक्षणाचे महत्व पटवून देणे, व्यक्तीमत्वाच्या जडणघडणीसाठी विद्यार्थ्यांच्या अंगभूत गुणांना प्रोत्साहन देणे, शिक्षक, विद्यार्थी, पालक माजी विद्याध्यांमध्ये शाळेविषयीची भावना निर्माण करणे आदी उदिष्टे साध्य करण्यासाठी हे अभियान राबविले जाणार आहे. विद्यार्थी केंद्रीत उपक्रमाचे आयोजन व त्यातील विद्यार्थ्यांचा सहभाग याला ६० गुण, शाळा व्यवस्थापनाकडून आयोजित उपक्रम व त्यातील विविध घटकांचा सहभाग याला ४० गुण असे १०० गुणांपैकी एखादी शाळा किती गुण पटकावते, त्यानुसार शाळेची बक्षिसासाठी निवड केली जाणार आहे. शासकीय व स्थानिक स्वराज्य संस्थांच्या शाळा एका गटात तर दुसऱ्या गटात खाजगी व्यवस्थापनांच्या शाळा अशा दोन गटांत शाळांचे मुल्यांकन केले जाणार आहे.

   राज्य स्तरावर प्रथम येणाऱ्या शाळेला ५१ लाख मिळणार,या अभियानात तालुका स्तरावर अव्वल ठरणाऱ्या शाळेसाठी पहिले बक्षिस ३ लाखांचे, दूसरे २ लाखांचे तर तिसरे बक्षिस १ लाखाचे दिले जाणार आहे. जिल्हा स्तरावर बक्षिसांची रक्कम अनुक्रमे ११ लाख, ५ लाख व ३ लाख राहिल. तर विभाग स्तरावर झेप घेणा-या शाळेला पहिले बक्षिस २१ लाख, दुसरे बक्षिस ११ लाखांचे आणि तिसरे बक्षिस ७ लाखांची रक्कम दिली जाणार आहे. तसेच राज्यातून अव्वल म्हणून निवडल्या जाणाऱ्या शाळेला पहिले ५० लाख, दुसरे बक्षिस २१ लाख आणि तिसरे बक्षिस म्हणून ११ लाख रुपये मिळणार आहेत. अशी माहिती प्रसिध्दी पत्रकाद्वारे प्रसिद्धीस जिल्हा परिषद, कोल्हापूरच्या प्राथमिक शिक्षणाधिकारी मीना शेंडकर यांनी दिली.

हातकणंगले व शिरोळ तालुका मुख्याध्यापकांची सह विचार सभा संपन्न

हातकणंगले/ प्रतिनिधी

माध्यमिक व उच्च माध्यमिक शाळांच्या मुख्याध्यापकांनी विद्यार्थी व शिक्षकांमध्ये कौशल्य विकसित करावी त्याचबरोबर स्वतः अपडेट होऊन शाळेत सातत्याने छोटे छोटे उपक्रम राबवण्यासाठी सतत प्रयत्नशील राहावे. असे प्रतिपादन

महाराष्ट्र राज्य माध्यमिक व उच्च माध्यमिक शिक्षण मंडळ, कोल्हापूर विभागीय मंडळाचे सचिव डी. एस. पोवार यांनी केली.

  महाराष्ट्र राज्य माध्यमिक व उच्च माध्यमिक शिक्षण मंडळ, कोल्हापूर विभागीय मंडळ यांच्या वतीने

 सातारा, सांगली, कोल्हापूर आदी जिल्ह्यातील  सर्व मान्यता प्राप्त माध्यमिक शाळा, कनिष्ठ महाविद्यालयांच्या मुख्याध्यापक, प्राचार्य यांची सहविचार सभा विषय

इ.१० वी व इ.१२ वी फेब्रु. मार्च २०२४ परीक्षेच्या कामकाजाबाबतच्या सूचना व मार्गदर्शनासाठी  दि.१३ डिसेंबर २०२३ ते दि.२ जानेवारी२०२४ या कालावधीत आयोजित करण्यात आल्या आहेत. त्या पार्श्वभूमीवर  कोल्हापूर विभागीय मंडळ, कोल्हापूर यांच्या वतीने कुंभोज (ता. हातकणंगले) येथील रयत गुरुकुल पब्लिक स्कूल सभागृहात शिरोळ व हातकणंगले तालुक्यातील मुख्याध्यापंकांची व प्राचार्यांची सहविचार सभा आयोजित केली होती त्या प्रसंगी बोलत होते.

   विभागीय सचिव डी. एस. पोवार पुढे म्हणाले शाळेत जीवशास्त्र शिकवीत असतोच त्याचबरोबर विद्यार्थ्यांना जीवनशास्त्र शिकवणे सद्यस्थितीत महत्त्वाचे ठरत आहे. शाळेमध्ये प्रत्येक वर्षी वार्षिक पारितोषिक समारंभाचे आयोजन केले जाते. यावेळी प्राथमिक स्वरूपात यशस्वी विद्यार्थ्यांचे प्रमुख पाहुण्यांच्या हस्ते कौतुक केले जाते. यावेळी बहुसंख्य विद्यार्थ्यांचे कौतुक करणे वेळे अभावी राहून जाते. म्हणून  प्रत्येक महिन्यास यशस्वी कार्य केलेल्या व यशस्वी ठरलेल्या विद्यार्थ्यांचे त्या त्या महिन्यातच सर्वांच्या समोर कौतुक केल्याने विद्यार्थ्यांमध्ये स्फूर्ती निर्माण होऊन सर्व यशस्वी विद्यार्थी मनस्वी आनंदी होतात. मुख्याध्यापकांनी काय करावे याचे चिंतन करून आपली भूमिका सकारात्मक पद्धतीने सतत बदलत ठेवावी. आपल्या सहकारी शिक्षकांच्या शैक्षणिक विविध कार्यातील उत्तम कार्याची दखल घेत त्यांचे सर्वांच्या समोर कौतुक करावे. तसेच त्यांना  शाबासकी द्यावी यामुळे त्यांच्यामध्ये एकतेची भावना निर्माण होऊन सदैव उत्तमोत्तम शैक्षणिक कार्य करण्याची भावना जागृत राहते.

  या सहविचार सभेस सहाय्यक सचिव संजय चव्हाण, उपशिक्षणाधिकारी गजानन उकिर्डे, वरिष्ठ अधिक्षक दीपक पोवार, सुभाष दुधगांवकर, मनोज शिंदे, सुधिर हावळ या  अधिकारी वर्गांनी मार्गदर्शन केले.

   दहावी व बारावी विद्यार्थ्यांची विलंब, अतिविलंब, अतिविशेष विलंब शुल्कासह परीक्षा फॉर्म भरवण्याच्या तारखा,गुणपत्र दुरुस्तीसाठी उपाययोजना, १७ नंबर फॉर्म भरणे, तोंडी परीक्षा संदर्भात इंटरनल, एक्सट्रनल एक्झामिनर त्यांची माहिती देणे, या परीक्षेचे गुण कसे भरावे, लोककला, चित्रकला, एनसीसी, स्काउटगाईड, खेळाडूंचे क्रीडा प्रस्ताव आदी विषयांचे अतिरिक्त गुण मिळविण्यासाठी कसे प्रस्ताव करावेत, दिव्यांग विद्यार्थी यांना लिखाणासाठी

 किती जादा वेळ देणे व शुगर असलेले विद्यार्थी त्यांना आहारासाठी वेळ या संदर्भात माहिती, पुनर गुणांचे मूल्यांकन, परीक्षा नियामक, केंद्र संचालक एक्झामिनर, मॉडरेटर, चीफ मॉडरेटर आदींच्या देयकांची माहिती, परीक्षा प्रवेश पत्र आदी मुद्दयांची माहिती देण्यात आली.

  या सहविचार सभेस मुख्याध्यापक संघाचे इरफान अन्सारी, जितेद्र म्हैशाळे, मनोज शिंदे, श्रीशैल मठपती, पी. डी. शिंदे, मुख्याध्यापक खंडेराव जगदाळे, उपमुख्याध्यापक सुधाकर निर्मळे आदीसह हातकणंगले तालुक्यातून १५२ मुख्याध्यापक व ६६ प्राचार्य व शिरोळ तालुक्यातील ८१ मुख्याध्यापक व ३१ प्राचार्य असे एकूण माध्यमिक शाळांचे २३३ मुख्याध्यापक व कनिष्ठ महाविद्यालयाचे ९७ प्राचार्य उपस्थित होते. सूत्र संचालन सागर माने यांनी केले.

 फोटो 

हातकणंगले व शिरोळ तालुका मुख्याध्यापकांच्या सह विचार सभेत बोलतांना कोल्हापूर विभागीय शिक्षण मंडळाचे सचिव डी. एस. पोवार व अन्य मान्यवर.

मौजे वडगाव ते हेरले रस्ते कामाचा शुभारंभ

हेरले /प्रतिनिधी  

खासदार धैर्यशील माने यांच्या फंडातून 30 लाख रुपये रकमेच्या मौजे वडगाव ते हेरले या अत्यंत खराब झालेल्या रस्ते कामाचा शुभारंभ मौजे वडगावचे जेष्ठ नेते श्रीकांत सावंत यांच्या हस्ते करून प्रत्यक्ष कामास सुरुवात करण्यात आली .

         मौजे वडगाव व हेरले (ता हातकणंगले) येथील गेली १५ वर्षे प्रलंबित आसणाऱ्या तसेच मौजे वडगाव व हेरले ग्रामस्थांची मागणी आसणाऱ्या रस्ते कामाची सुरुवात खा . धैर्यशील माने यांच्या निधीतून करण्यात आली. सदरचा रस्ता अत्यंत खराब झाला होता. त्यामुळे किरकोळ आपघाताचे प्रमाण वाढले होते . तसेच वाहन धारकांना वाहन चालवितांना त्रास सोसत तारेवरची कसरत करावी लागत होती .  हेरले व हातकणंगले कडे जाताना पर्यायाने मौजे वडगाव फाट्याकडून जावे लागत होते . तसेच या रस्तेकामासाठी विविध दैनिकातून बातम्याच्या आधारे पाठपुरावा केला होता. सध्या रस्त्याचे काम जलद गतीने चालू असून लवकरच वाहतुकीसाठी खुल्ला होणार आहे. त्यामुळे मौजे वडगावातून हेरले व हातकणंगले कडे जाणाऱ्या वाहन धारकातून समाधान व्यक्त होत आहे.

           यावेळी संजय गांधी निराधार योजनेचे अध्यक्ष झाकीर भालदार , सरपंच कस्तुरी पाटील , उपसरपंच सुनिल खारेपाटणे, तंटामुक्त अध्यक्ष मधुकर आकिवाटे, ग्रा पं सदस्य सुरेश कांबरे , रघुनाथ गोरड , स्वप्नील चौगुले, सविता सावंत, सुनिता मोरे, सुवर्णा सुतार, दिपाली तराळ, ग्रामसेविका भारती ढेंगे , सतिश वाकरेकर , अविनाश पाटील, अमोल झांबरे, सुभाष वाकरेकर , कृष्णात राऊत , यांच्यासह ग्रामस्थ मोठ्या संख्येने उपस्थित होते .

फोटो 

मौजे वडगाव ते हेरले रस्ता कामाचा शुभारंभ करतांना सरपंच , उपसरपंच , ग्रा.प . सदस्य व विविध संस्थेचे पदाधिकारी .

कोल्हापूर बोर्डाच्या विभागीय सचिवपदी सुभाष चौगुले .

हेरले / प्रतिनिधी

      कोल्हापूर बोर्डाच्या विभागीय सचिव पदी सुभाष चौगुले यांची नियुक्ती झाली असून ते सोमवार दिनांक १८ डिसेंबर रोजी पद भार स्वीकारणार आहेत.

  सुभाष चौगुले हे कोल्हापूर जिल्ह्यातील मळगे खुर्द चे असून त्यांचे प्राथमिक शिक्षण जिल्हा परिषदेच्या मळगे खुर्द येथील प्राथमिक शाळेत झाले.माध्यमिक शिक्षण मळगे विद्यालय मळगे बु. येथे झाले. देवचंद कॉलेज ,अर्जुन नगर बी एस सी पर्यंतचे शिक्षण पूर्ण केले.शिवाजी विद्यापीठ येथे एम एस सी व आदर्श कॉलेज ऑफ एज्युकेशन पुणे येथे बी एड चे शिक्षण पूर्ण केले.

  त्यानंतर यशवंतराव चव्हाण मुक्त विद्यापीठ,नाशिक मधून एम एड ही पूर्ण केले.

 सन 2013 मध्ये एम पी एस सी मार्फत शिक्षणाधिकारी म्हणून त्यांची निवड झाली.

   तत्पूर्वी मेन राजाराम ,ज्युनियर कॉलेज कोल्हापूर येथे १४ वर्षे प्राध्यापक म्हणून त्यांनी नोकरी केली.जिल्हा परिषद सिंधुदुर्ग चे शिक्षणाधिकारी(निरंतर) म्हणून दोन वर्षे व कोल्हापूरचे प्राथमिक शिक्षणाधिकारी म्हणून ३ वर्षे काम पाहिले .

   २०१८ मे पासून कोल्हापूर शिक्षण उपसंचालक कार्यालयात सहाय्यक शिक्षण संचालक म्हणून कार्यरत होते.

  त्यांनी शिक्षण क्षेत्रात केलेल्या कामाचा अवकाही मोठा आहे.

   कोल्हापूर जिल्हा परिषदेच्या १८५० शाळेमध्ये त्यांनी ई लर्निग सेवा उपलब्ध करून दिल्या . कोल्हापूर जिल्ह्यातील शाळा सिध्दी उपक्रमात 'अ' श्रेणीतील शाळांची सरासरी संख्या राज्यात अव्वल आणली.स्वच्छ शाळा पुरस्कार योजनेत १०० टक्के  सहभाग नोंदविणारा कोल्हापूर जिल्हा देशात अव्वल.(२०१७/१८).

    इयत्ता ५वी व ८वी शिष्यवृत्तीत कोल्हापूर जिल्हा अव्वल.

  शाला बाह्य विद्यार्थ्यांना मुख्य प्रवाहात आणण्यासाठी विशेष परिश्रम,जिल्ह्यातील ४८  विद्यार्थ्यांची इस्रोला (थुंबा) विमानाने भेट.

  अशा विविध शैक्षणिक कामात त्यांनी उत्तम ठसा उमटवला आहे.

    एस एस सी,एच एस सी विभागीय बोर्डाचे सचिव म्हणून त्यांची नुकतीच नियुक्ती झाली असून शिक्षण व सामाजिक संस्था व व्यक्ती कडून त्यांचे अभिनंदन होत आहे.

विज्ञान प्रदर्शन विद्यार्थ्यांच्या सुप्तगुणांना दिशा देणारे व्यासपीठ : माजी आमदार संजय घाटगे

कोल्हापूर /प्रतिनिधी

विज्ञान प्रदर्शन हे ग्रामीण भागातील विद्यार्थ्यांच्या सुप्तगुणांना दिशा देणारे एक व्यासपीठ आहे. त्याचा उपयोग करून विद्यार्थ्यांनी राज्य व देशपातळीवर कागल चे नाव उंचवावे. विद्यार्थ्यांची कल्पनाशक्ती व वैज्ञानिक दृष्टीकोन विकसित करण्याचे काम झाले म्हणजे शासनाचा उद्देश सफल होईल तसेच बुद्धिमान व कष्टकरी मुलांच्यावरच देशाचे भवितव्य अवलंबून आहे. असे प्रतिपादन माजी आमदार संजय घाटगे यांनी केले.

   पंचायत समिती शिक्षण विभाग कागल व   मुरगुड विद्यालय ज्युनियर कॉलेज मुरगुड यांच्या वतीने मुरगुड येथे आयोजित ५१ व्या कागल तालुकास्तरीय विज्ञान प्रदर्शनाच्या उद्घाटनप्रसंगी प्रमुख पाहुणे म्हणून ते बोलत होते. कार्यक्रमाच्या अध्यक्षस्थानी शिक्षण प्रसारक मंडळ कोल्हापूरचे चेअरमन मंजिरीताई देसाई - मोरे होत्या.

अध्यक्ष भाषणात बोलताना मंजिरी ताई देसाई मोरे म्हणाल्या विज्ञानाच्या प्रगतीमुळे भारताची महासत्तेकडे वाटचाल सुरु असून, विद्यार्थ्यांमधून भविष्यातील शास्त्रज्ञ तयार व्हावेत अशी अपेक्षा आहे . ग्रामीण भागातील विद्यार्थ्यांमध्ये गुणवत्ता आहे शहरी भागातील सर्व सोयीनिमित्त शाळांमध्ये शिकणाऱ्या विद्यार्थ्यांच्या पेक्षा ते कायमस्वरूपी अग्रभागी आहेत याची नोंद शिक्षकांनी घेऊन त्यांना घडवण्याच्या दृष्टिकोनातून प्रयत्न करावा.

    गटशिक्षणाधिकारी डॉ . गणपती कमळकर यांनी प्रास्ताविक भाषणात कागल तालुक्यातील प्राथमिक माध्यमिक उच्च माध्यमिक क्षेत्रातील शैक्षणिक प्रगतीचा आढावा घेतला. 

    या कार्यक्रमाचे स्वागत प्राचार्य एस.आर.पाटील यांनी केले. माजी आमदार संजय घाटगे यांच्या हस्ते प्रदर्शनाचे उद्घाटन झाले. प्रदर्शनात तालुक्यातील प्राथमिक 22 , उच्च प्राथमिक 115, माध्यमिक व उच्च माध्यमिक 79, शिक्षक , प्रयोगशाळा परिचर गटातून 21 अशी   उपकरणांची मांडणी करण्यात आली. आहे. विज्ञान प्रदर्शनामध्ये आत्तापर्यंत सर्वोच्च उपकरण दाखल होण्याची ही पहिली वेळ आहे. दिवसभर तालुक्यातील विविध विद्यालयांतील विद्यार्थ्यांनी प्रदर्शन पाहण्यासाठी रांगा लावल्या होत्या. 

    कार्यक्रमास शिक्षण विस्तार अधिकारी आर .एस. गावडे, शामराव देसाई, उपमुख्याध्यापक एस.बी. सूर्यवंशी पर्यवेक्षक एस.डी.साठे अविनाश चौगले टी. ए. पवार ,जी .के. भोसले, सुरेश सोनगावकर, एकनाथराव देशमुख, बाळासाहेब निंबाळकर ,पाटील एन.पी.फराक्टे, जि.टी. निकम, के.वी पाटील, अमर रजपूत,आदींसह विज्ञानप्रेमी शिक्षक, विद्यार्थी बहुसंख्येने उपस्थित होते.आभार उपप्राचार्य एस.पी.पाटील यांनी तर अनिल पाटील यांनी सूत्रसंचालन केले.

शिक्षणातील विचारप्रवाहांचा उगम (Emergence of Trends in Education) 📝 डॉ अजितकुमार,पाटील.(पीएच डी )

 काही विचारप्रवाह हे छोट्या-छोट्या उपक्रमांतून सुरू होतात. उदा. सुरुवातीला महात्मा फुलेंनी स्त्री शिक्षणाची सुरुवात एक उपक्रम म्हणून सुरू केली. त्याचे महत्त्व पटल्यामुळे या कल्पनेचा स्वीकार मोठ्या प्रमाणावर केला गेला. त्यातून 'स्त्री शिक्षण' हा विचारप्रवाह रूढ झाला.

२. जुन्या उपक्रमांतून नवीन विचारप्रवाह: प्रत्येक वेळी नवीन उपक्रमातून किंवा कल्पनेतूनंच विचारप्रवाह येतात असे नाही तर कधी-कधी जुन्या कल्पना किंवा विचारच पुन्हा नव्याने येऊन नवे विचारप्रवाह म्हणून स्वीकारले जातात. उदा. मानवतावाद, पूर्ण आहार - शाकाहार, मूल्यशिक्षण इत्यादी विचार भारतामध्ये प्राचीन काळात रूढ होतेच. या शतकामध्ये पुन्हा नवविचार म्हणून पुढे आलेले दिसतात.

३. एका क्षेत्रातील उपक्रमापासून दुसऱ्या क्षेत्रात विचारप्रवाह आज प्रत्येक क्षेत्रात वेगवेगळे उपक्रम राबविले जातात. बऱ्याच वेळा शिक्षणाशिवाय अन्य क्षेत्रांतील एखादा उपक्रम यशस्वी झालेला आढळल्यास त्यातून नवीन शैक्षणिक विचारप्रवाहांचा उगम होतो. उदा. व्यवस्थापन क्षेत्रातील 'मार्केटिंग' किंवा उद्योगक्षेत्रातील 'प्रणाली उपागम' यांचा शिक्षणक्षेत्रामध्ये वापर.

४. संशोधनातून विचारप्रवाह : आज प्रत्येक क्षेत्रात वेगवेगळ्या बाबींतील संशोधनाचा विस्तार विचार करून वाढत आहे. अशा संशोधनातून एखाद्या उपक्रमाची यशस्विता सर्वत्र पटल्यावर त्यातून विचारप्रवाहांचा उगम होतो. उदा. मानसशास्त्रातील 'ताणतणाव', 'भावनिक बुद्धिमत्ता' या संकल्पनांचा शिक्षणक्षेत्रामध्ये समावेश.

५. आधुनिकीकरणातून विचारप्रवाह: आज प्रत्येक गोष्टीवर आधुनिकीकरणाचा प्रभाव होत असलेला आढळून येतो. या आधुनिकीकरणाच्या स्वीकाराशिवाय शिक्षणक्षेत्रालाही आपली प्रगती साधता येणार नाही. त्यामुळे आज संगणक शिक्षण व माहिती तंत्रविज्ञान या आधुनिक विचारप्रवाहांचा उगम झाला आहे.

६. बदलासाठी विचारप्रवाह: प्रगतीसाठी जशी गतीची आवश्यकता असते, तशीच गतीसाठी बदलाची आवश्यकता असते. म्हणून बदल हा प्रगतीचा अविभाज्य घटक आहे. सद्य:स्थितीतील विचारप्रवाहामध्ये बदल केल्याशिवाय प्रगती अशक्य आहे. या विचारातून विचारप्रवाहांचा उगम होतो. उदा. इयत्ता १ लीपासून इंग्रजी विषयाचे अध्ययन, माहिती तंत्रविज्ञानाचा महाविद्यालयीन अभ्यासक्रमामध्ये समावेश.

७. नावीन्यासाठी विचारप्रवाह: तोच तोचपणाचा कंटाळा, नावीन्याची आवड हा माणसाचा स्थायिभाव आहे. या भावातून इतरांपेक्षा काहीतरी वेगळे करून दाखविण्याच्या प्रवृत्तीतून प्रथम उपक्रमांची सुरुवात होते व त्यांची उपयुक्तता पटल्यानंतर त्यातून विचारप्रवाहांचा उगम होतो. उदा. अध्यापन पद्धतींऐवजी अध्यापन प्रतिमानांचा वापर, अध्यापनं सूत्रांऐवजी अध्यापनाच्या कौशल्यांचा शिक्षक-शिक्षणामध्ये विचार इत्यादी.

८. गरजांच्या पूर्ततेसाठी विचारप्रवाह : शैक्षणिक क्षेत्रातील अनेक उद्दिष्टे प्राप्त करण्याच्या गरजेतून विचारप्रवाहांचा उगम होतो. या विचारप्रवाहांच्या माध्यमातून गरजांची पूर्तता करण्याचे मार्ग शोधले जातात. म्हणूनच गरज ही शोधाची जननी आहे असे म्हटले जाते. उदा. नोकरी किंवा व्यवसाय करताना शिक्षण घेण्याची गरज भासली. त्यातून 'मुक्त शिक्षण', 'दूरस्थ / पत्रव्यवहाराद्वारा शिक्षण' या विचारांचा उगम झाला. ९. ज्ञानाच्या विस्फोटातून विचारप्रवाहांचा उगम : आजचे युग हे ज्ञानाच्या विस्फोटाचे युग आहे असे म्हटल्यास वावगे होणार नाही. अध्यात्मापासून-अंतराळापर्यंत प्रत्येक क्षेत्रात ज्ञानाचा प्रचंड विस्फोट झालेला आढळून येतो. या ज्ञान विस्फोटातून अनेक शैक्षणिक विचारांचा उगम होतो. उदा. संप्रेषणाची विविध साधने, संप्रेषण तंत्रविज्ञान इत्यादी.

१०. विज्ञान व तंत्रविज्ञानाच्या क्षेत्रातील प्रगतीमुळे विचारप्रवाहांचा उगम :

आज विज्ञान व तंत्रविज्ञान या क्षेत्रांत नवनवीन शोधांची भर पडली आहे. संगणक तंत्रविज्ञानाने जणू सर्व विश्व व्यापून टाकलेले आहे व त्यातून निर्माण झालेल्या गतीने अनेक नवविचारप्रवाहांचा जन्म झालेला आहे. यातून शिक्षणक्षेत्रही सुटलेले नाही. विश्वाच्या गतीबरोबर राहण्यासाठी आज अनेक शैक्षणिक विचारप्रवाहांचा उगम झालेला आढळून येतो. उदा. उपग्रहाद्वारे शिक्षण, इंटरनेट, चॅट ग्रुपचा वापर, On-line examination इत्यादी.

११. शिक्षण घेणाऱ्यांच्या वाढत्या संख्येमुळे विचारप्रवाहांचा उगम : वाढत्या लोकसंख्येबरोबर सामाजिक जागृतीच्या फलस्वरूपाने आज शिक्षण घेणाऱ्यांची संख्या प्रचंड प्रमाणात वाढली आहे. या वाढत्या संख्येच्या, विविध क्षेत्रांतील शिक्षण घेणाऱ्यांच्या सोईसाठी आज शिक्षणात मुक्त शिक्षण, दूर शिक्षण, पत्रव्यवहारांद्वारा शिक्षण,व्यवसायाभिमुख शिक्षण, मोबाईल शिक्षण यांसारख्या अनेक विचारप्रवाहांचा उगम झाला आहे. १२. बदलत्या सामाजिक परिस्थितीतून विचारप्रवाहांचा उगम : अनेक क्षेत्रांत झालेल्या ज्ञानाच्या प्रस्फोटामुळे समाजातील लोकांच्या जीवनाची गती वाढली आहे. प्रत्येक क्षेत्रातील स्पर्धेमुळे विद्यार्थ्यांच्या मनावरील मानसिक ताण वाढला आहे व एकंदर समाज या तणावाखाली वावरत आहे. त्याचे परिणामस्वरूप मानसिक संतुलन बिघडणे, आत्महत्या, गुन्हेगारी यांसारख्या समस्या निर्माण झाल्या आहेत. या समस्या निवारणासाठी शिक्षणक्षेत्रात अध्यात्म, नैतिक मूल्याशी संबंधित विचारप्रवाहांचा उगम झालेला आहे.

१३. राजकीय धोरणातून विचारप्रवाहांचा उगम : कोणत्याही देशातील शैक्षणिक ध्येय-धोरणांवर राजकीय धोरणांचा प्रभाव पडत असतो. त्यामुळे राजकीय धोरणे बदलली की शैक्षणिक धोरणात बदल होऊन नवीन विचारप्रवाहांचा जन्म होतो. आज शिक्षण क्षेत्रात आलेला कंत्राटी शिक्षक भरती हा प्रकार राजकीय ध्येय धोरणातून निर्माण झालेला विचारप्रवाह आहे असे म्हटल्यास वावगे होणार नाही.

१४. अनुभवातून विचारप्रवाह : प्रत्येक व्यक्ती आपल्या जीवनात विविध प्रकारच्या अनुभव विश्वातून जात असते. हे अनुभव त्या व्यक्तीपुरतेच मर्यादित न राहता जेव्हा उपक्रमाचे वा प्रयोगाचे रूप धारण करतात तेव्हा त्याच्या यशस्वितेवर ती कल्पना रुजत जाऊन विचारप्रवाहांची निर्मिती होते. उदा. सिल्व्हिया यांनी केलेल्या शैक्षणिक प्रयोगाचे मूळ बालपणी तिच्यावर झालेल्या संस्कारात व अनुभवात आहे. ज्याद्वारे त्यांनी विविध प्रयोग करून शिक्षणात एक वेगळा विचारप्रवाह पुढे आणला.

१५. ज्ञानाच्या जाळ्यातून विचारप्रवाहांचा उगम ज्ञान आयोगामध्ये

(Knowledge Network) संबंधात काही शिफारशी केलेल्या दिसून येतात. सुयोग्य मनुष्यबळ

शिक्षणातील विचारप्रवाहांचे स्वरूप

निर्मितीसाठी उच्च कोटीच्या मूलभूत शैक्षणिक सुविधा आणि स्रोतांची आवश्यकता आहे आणि त्यांची प्राप्ती होण्यासाठी 'ज्ञानाचे जाळे' ही संकल्पना अस्तित्वात येऊ पाहत आहे. यामधूनच नवविचारप्रवाह पुढे येत आहे. तो म्हणजे नेटवर्कची क्षमता वाढवून सर्व विद्यापीठे, ग्रंथालये, दवाखाने, प्रयोगशाळा एकत्र जोडणे ज्याद्वारे देशातील सर्व विद्यार्थी, संशोधक, अभ्यासक या सर्वांना ज्ञानसमृद्धी करता येईल.

मौजे वडगांव येथे विविध विकास कामांचे उद्‌घाटन व लोकार्पण

हेरले (प्रतिनिधी ) मौजे वडगांव  गाव माझ्या कुटूंबा सारखे असून मला मिळणाऱ्या विकास कामाच्या प्रत्येक निधीतील मौजे वडगावला भरिव निधी देत आलो आहे. व इथून पुढेही विकासकामाच्या निधीचा मौजे वडगावसाठी हिस्सा ठरलेलाच असतो . असे प्रतिपादन माजी आम. अमल महाडिक यांनी केले ते मौजे वडगांव (ता हातकणंगले) येथे विविध विकासकामांचे उदघाटन व लोकार्पण सोहळ्या प्रसंगी बोलत होते . तर कार्यक्रमाच्या अध्यक्षस्थानी लोकनियुकत सरपंच कस्तुरी पाटील होत्या .

           मौजे वडगांव येथे माजी आम. अमल महाडिक व जि प . च्या माजी अध्यक्षा शौमिका महाडिक यांच्या फंडातून प्राथमिक शाळा दोन नविन खोल्या बांधणे, दलित वस्तीसह विविध भागात RCC रस्ते ५० लाख , तसेच गटर्स , उपकेंद्र दुरुस्ती, प्राथमिक शाळा वर्गखोल्या दुरुस्तीसह ३३ लाख, आशा एकूण ८३ लाख रुपये रकमेच्या निधीतून झालेल्या कामाचे लोकार्पण व शुभारंभ करण्यात आला .

              यावेळी उपसरपंच सुनिल खारेपाटणे, ग्रा.पं. सदस्य सुरेश कांबरे, रघूनाथ गोरड, स्वप्नील चौगुले, तंटामुक्त अध्यक्ष मधुकर आकिवाटे ,नितिन घोरपडे, सविता सावंत, सुवर्णा सुतार , सुनिता मोरे , दिपाली तराळ , श्रीकांत सावंत, सतिश चौगुले, बाळासो थोरवत, धोडिराम चौगुले, सतिश वाकरेकर , विजय चौगुले, आनंदा पोवार,अमोल झांबरे , जयवंत चौगुले, प्रकाश कांबरे , आनंदा थोरवत , शप्पीक हजारी, आजमुदीन हजारी यांच्यासह ग्रामस्थ मोठ्या संखयेने उपस्थित होते .

फोटो 

मौजे वडगांव येथे RCC रस्त्याचे उद्‌घाटन करतांना माजी आम . अमल महाडिक व मान्यवर

१४ डिसेंबरच्या बेमुदत संपात शैक्षणिक व्यासपीठ पूर्ण ताकदीनिशी सहभागी होणार : शैक्षणिक व्यासपीठ अध्यक्ष एस. डी लाड.

कोल्हापूर / प्रतिनिधी

१४ डिसेंबर पासून सुरु होणाऱ्या महाराष्ट्र राज्य शासकिय व निमशासकिय कर्मचाऱ्यांच्या बेमुदत संपात पूर्ण ताकदीनिशी सहभागी होण्याचा महत्त्व पूर्ण निर्णय आज कोल्हापूर जिल्हा शैक्षणिक व्यासपीठाच्या सभेत एकमताने घेण्यात आला. सभेच्या अध्यक्षस्थानी शैक्षणिक व्यासपीठाचे अध्यक्ष एस. डी. लाड होते. सभा मुख्याध्यापक संघाच्या विद्याभवन सभागृहात संपन्न झाली.

     सर्व शासकिय, निमशासकिय कर्मचारी तसेच मुख्याध्यापक, शिक्षक व शिक्षकेत्तर कर्मचाऱ्यांना सेवा निवृत्ती नंतर जूनी पेन्शन मिळाली पाहिजे या प्रमुख मागणीसाठी मार्च २०२३ मध्ये ७ दिवसांचा बेमुदत संप केलेला होता. त्यावेळी मुख्यमंत्र्यांनी हा प्रश्न लवकरात लवकर सोडवू असे आश्वासन दिले होते. त्यासाठी एक समिती नियुक्त केली होती. गेल्या नऊ महिन्यात जुन्या पेन्शन बाबत कोणताही ठाम निर्णय न घेतल्याने तीव्र असंतोष सर्व कर्मचाऱ्यांत निर्माण झाला आहे. जुनी पेन्शन हक्काची असून ती मिळालीच पाहिजे म्हणून पुन्हा १४ डिसेंबर पासून बेमुदत संपात सहभागी होण्याचा निर्णय एकमताने घेण्यात आला. शैक्षणिक व्यासपीठ अंतर्गत असणाऱ्या प्राथमिक, माध्यमिक , उच्च माध्यमिक शिक्षक व शिक्षकेत्तर सेवकांच्या संघटना संपात सहभागी होत आहेत. संप काळात सर्व संपावरील कर्मचारी दररोज सकाळी ११ वाजता टाऊन हॉल कोल्हापूर येथे एकत्रित येऊन शासनाचा निषेध करतील.

         चौकट

संपात सहभागी होणाऱ्या सर्व शिक्षक व शिक्षकेत्तर सेवकांनी आपआपल्या मुख्याध्यापक / प्राचार्य यांना संपात सहभागी होत असेलेले पत्र द्यावे व मुख्याध्यापक / प्राचार्यांनी आपल्या संस्था चालकांना ते पत्र द्यावे. तसेच त्याची एक प्रत व्यासपीठास द्यावी असे आवाहन मुख्याध्यापक संघाचे चेअरमन सुरेश संकपाळ यांनी केले. शिक्षक आमदार जयंत आसगावकर यांनी नागपूर हून फोन वरून सर्वांनी संप यशस्वी करावा असे आवाहन केले.

      शिक्षक नेते दादा लाड, चेअरमन सुरेश संकपाळ, भरत रसाळे, बाबा पाटील, व्ही. जी. पोवार, प्रा. सी. एम. गायकवाड,सुधाकर निर्मळे, मिलींद बारवडे, सुदेश जाधव, काकासाहेब भोकरे, के. के. पाटील, एम. एन. पाटील, के. एस. पोतदार, आर. बी. पाटील, अरुण मुजुमदार, जयसिंग पोवार, सुरेश जाधव, श्रीधर गोंधळी, मनोहर पाटील, श्रीकांत पाटील, गजानन काटकर, संतोष आयरे, मनोहर जाधव, सुनिल कल्याणी, अनिल चव्हाण आदी प्रमुख पदाधिकारी उपस्थित होते.

      फोटो 

कोल्हापूर: शैक्षणिक व्यासपीठाच्या सभेत बोलतांना अध्यक्ष एस.डी.लाड शेजारी शिक्षक नेते दादा लाड, सुरेश संकपाळ व अन्य मान्यवर.

राष्ट्रीय खो खो स्पर्धेत अमृता बाबासो पाटीलला सुवर्णपदक

कोल्हापूर /प्रतिनिधी

 ३ ते ७ डिसेंबर 2023 यादरम्यान नाशिक येथे संपन्न झालेल्या शालेय राष्ट्रीय खो खो स्पर्धेमध्ये जिल्हा परिषद कोल्हापूर संचलित राजर्षी शाहू छत्रपती विद्यानिकेतन निवासी क्रीडा प्रशालेची खो खो ची विद्यार्थिनी कु. अमृता बाबासो पाटील हिला सुवर्णपदक मिळाले.

   या स्पर्धा  महाराष्ट्र शासनाच्या क्रीडा व युवक सेवा संचालनालय पुणे यांच्या आयोजनाखाली व भारतीय शालेय खेळ महासंघ यांच्या मान्यतेने घेण्यात आलेल्या होत्या.या स्पर्धेमध्ये पूर्ण भारतातून  २७ राज्यातील संघांनी सहभाग घेतला होता. महाराष्ट्राच्या संघाकडून खेळताना अंतिम सामना हा गुजरात संघाशी झाला अंतिम सामन्यांमध्ये कु. अमृता बाबासो पाटील हिने उत्कृष्ट आक्रमण करून विरुद्ध संघाचे  ७ गडी बाद केले व विजयश्री खेचून आणला या स्पर्धेतून भारतातील सर्वोत्कृष्ट आक्रमकचा पुरस्कार 

कु. अमृता बाबासो पाटील हिला  देण्यात आला.

  जिल्हा परिषद चे मुख्य कार्यकारी अधिकारी संतोष पाटील,  मुख्य वित्त अधिकारी, शिक्षणाधिकारी प्रशासनाधिकारी व प्रशिक्षक भिमराव भांदीगरे यांचे मार्गदर्शन लाभले.

 माध्यमिक शिक्षणाधिकारी डॉ.एकनाथ  आंबोकर, गटशिक्षणाधिकारी  करवीरचे

समरजीत पाटील,प्रशिक्षक भीमराव  भांदिगरे, मुख्य कार्यकारी अधिकारी संतोष पाटील, प्राथमिक शिक्षणाधिकारी मीना शेंडकर आदी मान्यवरांच्या हस्ते 

कु. अमृता बाबासो पाटील हिचा सत्कार करण्यात आला. अशी माहिती प्रसिद्धीस शिक्षण विस्तार अधिकारी आर. व्ही. कांबळे यांनी दिली.

     फोटो 

मुख्य कार्यकारी अधिकारी संतोष पाटील 

कु. अमृता बाबासो पाटील हिचा सत्कार करतांना शेजारी प्राथमिक शिक्षणाधिकारी मीना शेंडकर माध्यमिक शिक्षणाधिकारी डॉ.एकनाथ  आंबोकर, गटशिक्षणाधिकारी  करवीरचे

समरजीत पाटील,प्रशिक्षक भीमराव  भांदिगरे,आदी मान्यवर

भारतीय राज्यघटना व शिक्षण

कोल्हापूर : डॉ. अजितकुमार पाटील पी एच डी - मराठी

आपला भारत देश १५ ऑगस्ट १९४७ रोजी स्वतंत्र झाला. २६ नोव्हेंबर १९४९ रोजी भारताची राज्यघटना पूर्ण झाली व २६ जानेवारी १९५० पासून ती अंमलात आली. लोकशाहीचा आधार म्हणून आपण राज्यघटनेस ओळखतो, राज्याचे स्वरुप, मूल्यांचे स्वरुप निश्चित करणारे एकमेव साधन म्हणजे शिक्षण होय. स्वतंत्र भारताच्या नव्या स्वरुपास आकार देण्याचे कार्य शिक्षणाने केले आहे. भारतीय राज्यघटना स्वरुप भारतीय राज्यघटना ही एकूण ४ भागांत विभागली गेली आहे. यालाच भारतीय राज्यघटनेचे स्वरूप असे देखील म्हणता येईल. The Preamble (प्रतिज्ञा)

৭) Parts I to XXII २ (४४४ -rticles) (भाग १ ते २२)

अनुसुची (१ ते १२)

-n -ppendix (परिशिष्टे)Schedule (1 to 12)

यापैकी राज्यघटनेतील प्रास्ताविकांमधील प्रतिज्ञा ही महत्त्वाची आहे. कारण यावरुनच

राज्याचे स्वरुप समजते. The Preamble समानता असणे. (प्रास्ताविकातील प्रतिज्ञा)

We, the people of India, having solemnly resolved to constitute India into a soverign, Socialist, Democratic Republic to secure to all its citizens: Justice; social, economic Political; Liberty of thought, expression, belief, faith worship; Equality of status of opportunity; to promote among them all fraternity assuring the dignity of the individual the unity integrity of the Nation.

यावरुन यामध्ये असे म्हटले आहे की, भारताचे एक सार्वभौम, समाजवादी, धर्मनिरपेक्ष, लोकशाही गणराज्य घडविणे.

* सर्व नागरिकांस सामाजिक, आर्थिक व राजेतिक न्याय प्राप्त करुन देणे. सर्वांना विचार, अभिव्यक्ती विस्थापन, श्रध्दा व उपासना यांचे स्वातंत्र्य राहते.

* सर्वांना दर्जा व संधी प्राप्त करुन घेण्यासाठी

* सर्वामध्ये प्रतिष्ठा, राष्ट्रीय एकता व एकात्मता, अखंडता प्राप्त करणारी बंधुता प्रवर्तित करणे. हा भाग राज्यघटनेचा गाभा आहे यावरुन पूर्ण राज्यघटनेचा सारांश आपणांस मिळतो.

भारतीय राज्यघटनेतील शिक्षणविषयक तरतुदी व कलमे घटनेमध्ये शिक्षणासंबंधीची काही आढळतात त्यानुसारच शिक्षण पद्धती चालत असते करम 14 समान संरक्षण देण्यात येईल कायद्यापुढे सर्वजण समान असून सर्वांना कलम 15 हे दिलेले आहे. एक धर्म वंश जातो लिंग जन्म ठिकाण या कारणावरून कोणालाही भेदभावाची वागणूक मिळणार नाही सामाजिक दृष्ट्या व शैक्षणिक दृष्ट्या मागासलेल्यांसाठी विशेष सोयी करण्याबाबत बंधनकारक राहणार नाही .कलम 17 व्या 19 मध्ये राज्यघटनेने नागरिकांना दिलेली स्वातंत्र्य आहेत व्यवसाय निवडीचे स्वातंत्र्य. स्थावर मिळकतीचे प्राप्तीचे व विल्हेवाट स्वातंत्र्य भाषण व अभिव्यक्ती स्वातंत्र्य वास्तव्याचे स्वातंत्र्य. भारताच्या सर्व भूभागावर स्वतंत्र रीतीने याबद्दल स्वातंत्र्य. शस्त्रास्त्राशिवाय शांततेने एकत्र येणे मंडळ संस्था किंवा कामगार संघटना स्थापन करणे. ग्रामपंचायत कोणत्याही असे विशेष धार्मिक शिक्षण देण्यात येणार नाही.

 प्रत्येकास स्वतःची भाषा लिपी व संस्कृतीचे रक्षण करण्याचा अधिकार आहे धर्म वंश जात भाषा यामुळे शैक्षणिक संस्थेत प्रवेश नाकारता येणार नाही कलम 30 नुसार धार्मिक व भाषिक अल्पसंख्याकांना स्वायत्तेचे संस्था स्थापन करण्याचा अधिकार आहे मुलांना सार्वत्रिक मोफत शक्तीचे प्राथमिक शिक्षण देणे करम 45 हे आहे.

सारांश रूपाने सर्व कलमे व तरतुदी आजची शिक्षण पद्धती चाललोय आलेली दिसून येते. कालपरत्वे शिक्षणामध्ये बदल होतो म्हणजेच घटना उपाय अधिकार नागरिकांना दिलेला आहे. लोकशाही सुदृढ पोषक असे सक्षम नागरिक तयार करणे हे राज्यघटनेचे अभ्यासामुळे व शिक्षणामुळेच शक्य होणार आहे.

!!   जय हिंद  !!

बौद्धिक विकासाबरोबरच विद्यार्थ्यांचे क्रीडानैपुण्य व शारीरिक विकास देखील तितकाच महत्वाचा" - मुख्यकार्यकारी अधिकारी संतोष पाटील

कोल्हापूर / प्रतिनिधी

 शिक्षण विभाग (प्राथमिक), जिल्हा परिषद, कोल्हापूर व माण देशी फौन्डेशन, म्हसवड,ता. माण जि.सातारा यांच्या संयुक्त विद्यमाने नाविन्यपूर्ण उपक्रमांतर्गत आदर्श शाळेतील शिक्षकाना निवासी क्रीडा प्रशिक्षण दि. २८ नोव्हेंबर ते दि. २ डिसेंबर अखेर कृषी विज्ञान केंद्र, कणेरी मठ ता. करवीर येथे पाच दिवसाचे प्रशिक्षण आयोजित करण्यात आले होते. या प्रशिक्षण कार्यक्रमाच्या समारोप प्रसंगी अध्यक्षस्थानी  जिल्हा परिषद कोल्हापूरचे  मुख्य कार्यकारी अधिकारी

संतोष पाटील होते.

   मुख्य कार्यकारी अधिकारी संतोष पाटील यांनी मनोगतातून सरकारी शाळांतील शिक्षकांचे योगदान व सर्वसामान्य कुटुंबातील मुलांच्या शिक्षणासाठी झटणाऱ्या शिक्षकांच्या कार्याचे  कौतुक करून पुढे म्हणाले आपणही जिल्हा परिषद शाळेत शिक्षण घेतल्याचा अभिमान आहे. केवळ बौद्धिक विकासावर लक्ष केंद्रित न करता विद्यार्थ्यांचा सर्वांगीण विकास होऊन हेच विद्यार्थी राष्ट्र उभारणीसाठी सक्षम बनविण्याचे महान कार्य शिक्षकांनी करायचे आहे, त्यासाठी जिल्हा परिषदेच्या माध्यमातून नाविन्यपूर्ण उपक्रमांतर्गत "माझी शाळा आदर्श शाळा" अंतर्गत, क्रीडा शिक्षकांना पायाभूत प्रशिक्षण माण देशी फौन्डेशन, म्हसवड, ता. माण जि.सातारा यांच्या सहकार्याने आयोजित करण्यात आले आहे.यापुढे देखील सरकारी शाळांच्या गुणात्मक व भौतिक विकासासाठी आम्ही प्रशासन सदैव आपल्या पाठीशी राहू असे आश्वासन दिले. शिक्षकांनी आपल्या कौशल्यांच्या जोरावर राज्य, राष्ट्रीय व आंतरराष्ट्रीय पातळीवर नावलौकिक मिळवणारे आदर्श खेळाडू तयार करावेत, त्याचबरोबर सामाजिक उत्तरदायीत्व जपणारा आदर्श माणूस घडवावा असे आवाहन केले. 

   प्रशिक्षणात सहभागी झालेल्या महिला शिक्षकांचा प्रशिक्षणातील उत्साही सहभाग व महिलांच्या मनोगतातून व्यक्त केलेल्या मागणीनुसार, पुढील प्रशिक्षणासाठी यापेक्षा अधिक संख्येने महिलांना सहभागी करून घ्यावे, ज्यामुळे शाळेतील मुलींना देखील योग्य मार्गदर्शन व प्रेरणा मिळेल अशी अपेक्षा व्यक्त केली."सदर प्रशिक्षणा अंतर्गत शिक्षकाना कबड्डी, खोखो, पोषणमूल्य युक्त आहार, ऍथलेटिक्स ट्रॅक आणि फील्ड, पोक्सो कायदा, सामाजिक जाणीव व खेळातून विकास, NIS कोच मार्फत विविध खेळांचे नियम, हातखंडे व प्रात्यक्षिक घेण्यात आले.

  या कार्यक्रमाचे प्रास्ताविक शिक्षण विस्तार अधिकारीआर.व्ही. कांबळे यांनी केले प्रास्ताविकात त्यांनी "माझी शाळा आदर्श शाळा" उपक्रमाचा उद्देश व प्रत्यक्ष कार्यवाही याबाबतीत शिक्षणाधिकारी

 मीना शेंडकर यांच्या देखरेखीखाली चाललेल्या कार्याचा आढावा सादर केला. प्रशिक्षण काळातील आपले अनुभव  निवास चौगले, भारती सुतार, पूजा तुपारे यांनी आपले मनोगत व अनुभव व्यक्त केले. महिलांची संख्या कमी असल्याने आम्हाला खेळात सहभागी होता आले नाही याची खंत बोलून दाखविली, आमची संख्या आणखी असती तर आम्ही पुरुषांना खेळात आव्हान निर्माण केले असते असे विचार महिलांनी मांडले. प्रशिक्षण काळात माण देशी फौन्डेशन, यांचे वतीने विविध क्रीडा प्रकारात विशेष नैपुण्य दाखवणाऱ्या  ८ शिक्षक खेळाडूंपुढील प्रशिक्षणासाठी निवड करण्यात आली. प्रशिक्षण यशस्वी पूर्ण करण्यासाठी काम करणारे  ओंकार गोंजारी संचालक, सर्व व्यवस्थापक

माण देशी फौन्डेशन, सुरेश कांबळे, केंद्रप्रमुख व व्यवस्थापक,  के. वाय. कुभार, चिदंबर चित्रगार, बाजीराव कांबळे, शिंदे सर व व्यवस्थापक टीम, परमपूज्य अदृश्य काडसिद्धेश्वरस्वामी कणेरी मठ व काडसिद्धेश्वर हायस्कूल क्रीडा शिक्षक व व्यवस्थापक, या सर्व शिक्षकांचा सत्कार प्रमुख पाहुण्यांच्या हस्ते करण्यात आला.

    या प्रसंगी उपमुख्य कार्यकारी अधिकारी अरुण जाधव, मुख्यकार्यकारी अधिकारी यशोवर्धन बारामतीकर, परमपूज्य अदृश्य काडसिद्धेश्वरस्वामी कणेरी मठ, प्रल्हाद जाधव, प्रमुख विद्या चेतना कणेरी मठ,  प्रशासनाधिकारी शिक्षण कोल्हापूर महानगरपालिका,

एस. के. यादव सोबत मठातील प्रमुख मान्यवर उपस्थित होते.सूत्र संचालन कृष्णा पाटील यांनी केले. 

     फोटो 

प्रशिक्षण कार्यक्रमाच्या समारोप प्रसंगी   जिल्हा परिषद कोल्हापूरचे  मुख्यकार्यकारी अधिकारी संतोष पाटील बोलतांना शेजारी अन्य अधिकारी

पाठ्यपुस्तक मंडळावर डॉ.दिपक शेटे यांची निवड

हेरले /प्रतिनिधी

 महाराष्ट्र राज्य पाठ्यपुस्तक निर्मिती व संशोधक मंडळ बालभारती पुणे येथे  स्वातंत्र सैनिक मारुती गणपती पाटील आदर्श विद्यानिकेतन अँण्ड ज्युनिअर कॉलेज मिणचे ता. हातकणंगले या शाळेतील सहाय्यक शिक्षक, महाराष्ट्र शासन आदर्श शिक्षक पुरस्कार प्राप्त डॉ. दिपक मधुकर शेटे यांची गणित समितीवर सदस्यपदी निवड झाली. या निवडीचे पत्र पाठ्यपुस्तक मंडळाचे संचालक कृष्णकुमार पाटील यांनी दिले.

  डॉ. दिपक मधुकर शेटे हे गेली 23 वर्षे गणित विषयाचे अध्यापन करत आहेत त्यांचा शालांत परीक्षेचा निकाल सातत्याने शंभर टक्के लागत आहे. त्यांनी स्वखर्चाने सुमारे 35 लाख रुपयाची घरी गणितायन नावाची गणित प्रयोगशाळा उभारले आहे.गणितज्ज्ञ,पदाधिकारी, प्राध्यापक, विद्यार्थी, पालक इ. तब्बल 15000 व्यक्तींनी त्याचा लाभ घेतला आहे. गणितात नाविन्यपूर्ण उपक्रम सातत्याने राबवल्याबद्दल महाराष्ट्र बुक ऑफ रेकॉर्डमध्ये त्यांची नोंद झालेली आहे. दहावीचे गणित पुस्तक एका पानात, अंकवेल, गणित नियम व सुत्रे,गणिताची शुद्धलेखन,गणित कोष इ .पुस्तकांची निर्मिती त्यांनी केलेली आहे.त्यांच्या या शैक्षणिक कार्याबद्दल महाराष्ट्र राज्य शासनाने क्रांती युती सावित्रीबाई फुले राज्यशिक्षक गौरव पुरस्कार देऊन त्यांना सन्मानित केलेला आहे .तसेच त्यांना दोन राष्ट्रीय व 127 इतर पुरस्कारानी सन्मानित केलेला आहे. त्यांना संस्थेचे संस्थापक अध्यक्ष प्राचार्य डी. एस. घुगरे, संस्थेचे सचिव व उपप्राचार्य एम. ए. परीट यांचे मार्गदर्शन लाभले. गणितप्रेमींच्या मार्फत त्यांच्यावर अभिनंदनचा वर्षाव होत आहे .

कार्यशाळेच्या माध्यमातून विद्यार्थी घडतात - डॉ अजितकुमार पाटील.

कोल्हापूर महानगरपालिका प्राथमिक शिक्षण समिती अंतर्गत मनपा राजर्षी शाहू विद्या मंदिर शाळा क्रमांक 11 कसबा बावडामध्ये ज्ञानरचनावाद अंतर्गत बालवाडीच्या मुख्याध्यापिका कल्पना पाटील व उपमुख्याध्यापिका सावित्री मॅडम यांनी दीपावली मध्ये कार्यशाळा घेऊन पालक व विद्यार्थी व माजी विद्यार्थी यांच्या अंतर्गत कार्यशाळे मध्ये घेतले होते त्यामध्ये चिखलाचे साहित्य उदाहरणात फळे फुले असे साहित्य भांडी खेळणी त्याचप्रमाणे कागद कामाच्या माध्यमातून आकाश कंदील तयार करणे पोपटाचा आकार तयार करणे घर तयार करणे इत्यादी प्रकारची प्रात्यक्षिक सादर करून पालकांना सांगितले त्याप्रमाणे आज कार्यशाळाच्या नंतर आज प्रथम शाळा भरली त्यामध्ये त्यांच्या शैक्षणिक साहित्य किंवा ते असले दीपावली भेटवस्तूंचे प्रदर्शन भरवले होते त्या प्रदर्शनाचे उद्घाटन शाळेचे मुख्याध्यापक डॉ अजितकुमार पाटील यांच्या हस्ते करण्यात आले. 

 या कार्यशाळेसाठी  कोल्हापूर प्राथमिक शिक्षण समितीचे  प्रशासनाधिकारी एस के यादव साहेब शैक्षणिक पर्यवेक्षक उषा सरदेसाई मॅडम बाळासाहेब कांबळे ,विजय माळी यांनी सहकार्य केले तसेच या कार्यशाळेमध्ये पालकांनी मधुरा कांबळे अनुराधा भोसले दीपक पाटील रेश्मा कांबळे कांचन हुलस्वार यांनी आपले कार्यशाळा संदर्भात मनोगते व्यक्त केली कार्यशाळा संपन्न होऊन त्या कार्यामध्ये भाग घेतल्याबद्दल शाळेचे ज्येष्ठ शिक्षक उत्तम कुंभार सुशील जाधव मिनाज मुल्ला विद्या पाटील आसमा तांबोळी उत्तम पाटील हेमंत कुमार पाटोळे इत्यादींनी सहकार्य केले त्या उपक्रमासाठी शाळा व्यवस्थापन समितीचे अध्यक्ष रमेश सुतार यांनी अभिनंदन केले कार्यशाळेसाठी माजी विद्यार्थी व पालक व व्यवस्थापन कमिटीचे सदस्य उपस्थित होते आभार मधुरा कांबळे यांनी मांडले.

मौजे वडगांव गावचावडी साठी निधी दयावामहसूल मंत्री ना. राधाकृष्ण विखे पाटील यांना निवेदन

हेरले /प्रतिनिधी 

 मौजे वडगांव ( ता. हातकणंगले) येथील जुन्या गाव चावडीसाठी  निधी उपलब्ध करून देऊन तलाठी कार्यालय , ग्रंथालय, अभ्यासिका , यासाठी नविन इमारत उभी करूण गतवैभव प्राप्त करून दयावे आशा मागणीचे निवेदन उपसरपंच सुनिल खारेपाटणे व ग्रा पं सदस्य सुरेश कांबरे यांनी राज्याचे महसूल मंत्री ना. राधाकृष्ण विखे पाटील यांना दिले.

               मौजे वडगांव येथील स्वातंत्र्यपूर्व काळातील गावचावडी हि जुनी इमारत होती. या इमारती मध्ये १९५६ ते २००२ पर्यंत ग्रामपंचायतीचा कारभार चालत होता . ग्रामपंचायत व तलाठी अशी दोन्ही कार्यालय एकत्र या इमारती मध्ये होती. ग्रामपंचायत , तलाठी, कोतवाल , आदी प्रशासकीय घटक याच गावचावडीतून आपल्या गावचा कारभार पाहत होते . स्वातंत्र्यपूर्व काळातील जुनी इमारत आसल्याने ती मोडकळीस आली होती. ग्रामस्थांच्या जिवितास धोका निर्माण होण्या आगोदर त्याचे शासकीय निर्लेखन करून ती इमारत उतरवून घेण्यात आली .

            सध्या तलाठी कार्यालयासाठी इमारत नसल्याने गावातील ग्रामस्थांना विविध दाखल्यांसाठी हेरले सज्ज्यावर जावून हेलपाटे मारावे लागतात . गावात गावचावडीसाठी जागा उपलब्ध असून त्यामध्ये तलाठी कार्यालय, ग्रंथालय , आभ्यासिका, आशा विविध समस्यासाठी उपयोग होणार आहे. त्यामुळे इमारतीसाठी निधी उपलब्ध करूण दयावा आशी मागणी करण्यात आली .

            यावेळी महसूलमंत्री ना. राधाकुष्ण विखे पाटील यांनी निवेदन वाचून जिल्हाधिकारी राहूल रेखावार यांना ताबडतोब या संदर्भातील प्रस्ताव तयार करून देण्याचे तोंडी आदेश दिले . यावेळी खास . धैर्यशील माने , जिल्हाधिकारी राहूल रेखावार, उपसरपंच सुनिल खारेपाटणे, माजी उपसरपंच विद्यमान सदस्य सुरेश कांबरे उपस्थित होते .

फोटो 

राज्याचे महसूल मंत्री ना. राधाकृष्ण विखे पाटील यांना गावचावडीच्या निधी मागणी बाबत निवेदन देताना उपसरपंच सुनिल खारेपाटणे व ग्रा पं . सदस्य सुरेश कांबरे

" Father of Sociology "-- ऑगस्त कॉम्त.डॉ ए बी पाटील, ( पीएच डी ),कोल्हापूर.

ऑगस्त कॉम्त यांनी समाजशास्त्रात सर्वप्रथम  " Sociology "हा शब्द प्रयोग प्रथम मांडला त्यामुळे यांना समाजशास्त्राचा जनक असे म्हणतात त्यांनी सामाजिक विज्ञान म्हणून 1839 मध्ये समाजशास्त्राची निर्मिती केली." समाजाचा सर्वांग पूर्ण अभ्यास करणारे जे शास्त्र ते समाजशास्त्र होय ."असे त्यांनी व्याख्या मांडली आहे.ऑगस्त कॉम्त यांचा जन्म 19 जानेवारी 1798 रोजी फ्रान्समध्ये झाला.त्यांनी आपल्या शैक्षणिक जीवनामध्ये फ्रेंच विचारवंत सेंट सायमन, बेंजीबियन फ्रेंक्लिन ,बोरनॉल्ड्स मास्टर त्यांच्याकडून अनेक गोष्टी शिकल्या.कॉम्त ला एक सर्वश्रेष्ठ आधुनिक विचारावंत म्हणून मानले जाते. 1822 मध्ये त्यांनी पहिले पुस्तक लिहिले आणि 1830 मध्ये त्यांनी " कोर्स ऑफ पॉझिटिव्ह फिलॉसॉफी " हा महत्त्वपूर्ण ग्रंथ लिहिला आणि तो 1842 ला प्रसिद्ध केला.कॉम्त च्या  मते भाषा हे परस्पर संपर्क महत्त्वाचे माध्यम आहे त्यामुळे एका पिढीचे दुसऱ्या पिढीकडे आचार - विचार हस्तांतरित करता येतात व संस्कृती संवर्धन व रक्षण करता येते. तसेच समान भाषा बोलणारे व्यक्तिमध्ये आपुलकी भावना निर्माण होते व त्यांच्यात ऐक्याची भावना निर्माण होते. धर्माच्या बाबतीत त्यांनी विचार मांडताना सामाजिक व्यवस्थेसाठी समान आर्थिक श्रद्धाची खूप आवश्यकता असते. समान धार्मिक श्रदांच्या अभावाने समाजाचे अनेक भिन्न गटात विभाजन होते.हे टाळण्यासाठी समाजव्यवस्थेला समान धर्माची गरज असते. थोडक्यात धर्माच्या पाठबळाशिवाय कोणतीही शासन व्यवस्था व्यवस्थित काम करू शकत नाही अशा प्रकारे धर्माच्या आधारामुळेच सरकारी अद्यांना नैतिक अधिष्ठान निर्माण होते.

 श्रम विभाजनाच्या बाबतीत भाषा व धर्म या दोन घटकाशिवाय समाजाची अवस्था निर्माण होणार नाही.श्रम विभाजन याचा अर्थ कामाची मागणी होईल प्रत्येक कामाचे लहान भाग पाडण्यात येऊन त्या भागाचे काम वेगवेगळ्या व्यक्तीकडे कृतीप्रमाणे दिल्यास व कौशल्यानुसार दिल्यास त्याचे अस्तित्व इतरांवर प्रभाव टाकते. त्यामुळे त्यांचा विकास होतो सामाजिक गतीशास्त्राच्या विचारानुसार सामाजिक गतीशास्त्रामध्ये सामाजिक विकास अवस्था समाजाची प्रगती यासंबंधी विचार येतो सतत घडणाऱ्या बदलांचे शास्त्र असल्यामुळे त्याचा अभ्यास करणे फार महत्त्वाचे आहे. सामाजिक प्रगतीच्या नियमांची माहिती करून घेणे या गतीशास्त्रात महत्त्वाचे आहे. ती सामाजिक प्रगतीचा अभ्यास ऐतिहासिक तत्वज्ञानावर आधारित केला जातो. वर्तमान परिस्थितीत भविष्यकालीन परिस्थितीचा आधार घेऊन मानवी प्रगती प्रक्रियेचा शोध घेणे आवश्यक असतो हा त्याचा हेतू असतो. सामाजिक स्थितीशास्त्र आणि सामाजिक गतीशास्त्र या समाजशास्त्र दोन्ही विभागांचा वरील आढावा विचारात घेता असे सुचित करायचे आहे की त्यांना सामाजिक स्थितीशास्त्रामध्ये मानवी स्वभाव व समाजाची स्थिरचना इत्यादींचा अभ्यास केला जातो तर सामाजिक शास्त्रामध्ये समाजाच्या विकासाचा अथवा प्रगतीचा अभ्यास करण्यात येतो हे दोन्ही विभाग परस्पर संबंधित असल्याने त्यांना एकमेकापासून वेगळी करणे अवघड आहे. ऑगस्तने अनेक समाजशास्त्रीय विचार मांडले. त्यामध्ये विज्ञानवाद अथवा प्रत्यक्षवाद ही संकल्पना सर्वात महत्त्वाची मानले जाते. यामध्ये मानवी बुद्धीचा विकास ही शेवटच्या विकासातील अवस्था आहे. असे त्यांनी मांडले जगातील सर्व घडामोडी नैसर्गिक नियमानुसार घडून येत असतात. त्यामुळे हे नियम समजावून घेताना काल्पनिक अथवा तांत्रिक विचारांचा उपयोग होत नाही तर त्यासाठी वैज्ञानिक पद्धतींचाच अवलंब केला पाहिजेत. जागतिक घटना व घडामोडी कडे पाहण्याचा हा दृष्टिकोन आणि त्यातून मिळणारे ज्ञान यालाच विज्ञानावाद म्हणावे असे त्यांनी सांगितले आहे. आपल्या सामाजिक शास्त्रामध्ये प्रभावशाली अशी विचार मांडले 

मानवाच्या अवस्थांच्या तीन कल्पना आहेत तीन नियम त्यांनी मांडले आहेत.

 काल्पनिक किंवा असत्य अवस्था त्यामध्ये चेतनावाद बहुदेवाद एकेश्वरवाद असतो तसेच अध्यात्मिक किंवा तात्विक अवस्था वैज्ञानिका अवस्था किंवा प्रत्यक्ष अवस्था याचे त्यांनी मूल्यमापन सुद्धा केलेले आहे त्यामुळे ज्ञान विज्ञान अवस्थेत उपयोगी पडत नाही. अशावेळी सामाजिक घटना घडामोडींचा अभ्यास करताना केवळ कारणांचा विचार न करता निरीक्षण वर्गीकरण सिद्धांतिक इत्यादी मार्गाने मिळणारे ज्ञान स्वीकारणे खूप फायदेशीर ठरते.यातूनच समाजशास्त्राचा उदय झाला आहे. असे आपल्या ग्रंथाद्वारे समाजाला एक नवी दिशा देण्याचे कार्य केलेलं आहे.कॉम्तचे सर्व तत्त्वज्ञान अभिजात आणि सामाजिक विचारांच्या इतिहासात अद्वितीय आहे.

" दुसऱ्यासाठी जगा " हा प्रत्यक्षवादी समाजव्यवस्थेची विचारात घेता आपणास त्याच्या समाजशास्त्राची उंची किती आहे हे समजू शकते.त्यांच्या समाजशास्त्रीय विचारासंबंधी शेवटी असे म्हणतात की त्याची विचार हे त्या काळाच्या मानाने फारच पुढचे होते. सामाजिक विचारांचा अभ्यास करणाऱ्या कॉम्त च्या विचारातून विविध असे नवीन माहिती मिळते असे म्हटले तर व चुकीचे ठरणार नाही.सध्याच्या विज्ञान व आधुनिक युगात हे विचार मार्गदर्शक व दिशादर्शक ठरणारे आहेत.

आ. डॉ. विनयरावजी कोरे (सावकर ) यांचा सत्कार

हेरले / प्रतिनिधी

 मौजे वडगांव ( ता. हातकणंगले) येथील जय हनुमान तालिम मंडळाला तंटामुक्त अध्यक्ष मधुकर आकिवाटे व सामाजिक कार्यकर्ते वृषभनाथ पाटील यांच्या पुढाकाराने वारणा विविध उदयोग समुहाचे नेते माजी मंत्री आ. डॉ. विनयरावजी कोरे यांनी तालमीत मल्लांना कुस्ती खेळण्यासाठी मोफत तांबडी माती देऊन बहुमोल सहकार्य केल्या बद्दल त्यांचा जय हनुमान तालीम मंडळ व ग्रामपंचायत सदस्य यांच्या हस्ते सत्कार करण्यात आला.

             मौजे वडगांव येथील जय हनुमान तालीम मंडळाची स्थापना २४ / १२ / १९७६ साली झाली . त्यावेळचे तात्कालीन ग्रामीण विकास व उद्योग राज्यमंत्री कै . उदयसिंहराव गायकवाड व जि. प . चे अध्यक्ष माजी खासदार कै . बाळासाहेब माने यांच्या शुभहस्ते उदघाटन होऊन सुरुवात झाली . त्यावेळी तालमीत लागणारी तांबडी माती स्वर्गीय देशभक्त रत्नाप्पाण्णा कुंभार यांनी दिली होती . त्यानंतर तब्बल ४७ वर्षानंतर या तालमीत आ. डॉ. विनयरावजी कोरे यांनी मोफत तांबडी माती देऊन तरुण मल्लामध्ये कुस्ती खेळण्याचा उत्साह निर्माण केला आहे. सध्या जय हनुमान तालमी मध्ये २५ ते ३० मल्ल रोज नित्य नियमाने व्यायाम करत नवीन मऊ मातीमध्ये कुस्ती खेळून शड्डचा आवाज घुमवत आहेत .

           यावेळी तंटामुक्त अध्यक्ष मधुकर आकिवाटे, उपसरपंच सुनिल खारेपाटणे, पै. बाळासो थोरवत, वृषभनाथ पाटील, ग्रा.पं सदस्य सुरेश कांबरे , रघूनाथ गोरड, स्वप्नील चौगुले, अविनाश पाटील,संदिप खारेपाटणे, अमोल झांबरे, संदीप नलवडे,उपस्थित होते .

फॉटो 

आ. डॉ. विनयरावजी कोरे (सावकर ) यांचा सत्कार करतांना तालीम मंडळ व ग्रा पं सदस्य

मन एक पवित्र बंधन - डॉ. अजितकुमार पाटील,कोल्हापूर ( पीएच डी )

मन करा रे प्रसन्‍न ।

सर्व सिद्धीचें कारण ।

मोक्ष अथवा बंधन ।

सुख समाधान इच्छा ते ॥१॥ संत जगतगुरु तुकाराम महाराज.

*जेव्हा विचार, प्रार्थना आणि हेतू सर्व सकारात्मक असतात, तेव्हा जीवन आपोआप सकारात्मक होते*

आपण आपल्या दैनंदिन जीवनात रोज कुणाला तरी प्रसन्न करण्याचा प्रयास करत असतो. प्रसन्न करणे म्हणजे आपलेसे करणे. त्याला काय हवे नको ते पहाणे. त्यासाठी कष्ट करणे, त्याच्या आवडीच्या गोष्टी करणे हे सर्व आपण ज्या व्यक्तीला प्रसन्न करावयाचे असते त्या व्यक्तीकडे पाहून करत असतो.

ज्या गोष्टींचा सततचा सहवास आहे अशा गोष्टी माणसाला आपणाकडे ओढून घेतात व मन ज्याकडे आपण कधीच लक्ष देत नाही, त्याचेवर बाह्य गोष्टी आकर्षित होत नाहीत.

त्या वस्तुंना मनाचा ठाव ठिकाणा माहित नसतो. हा मनाचा ठाव लागला म्हणून न दिसणारे आंत एकांतात असलेल्या मनाचे अवलोकन करणे गरजेचे आहे.

त्यासाठी योगा, मनन, चिंतन या गोष्टी गरजेच्या आहेत. यातून मनाची ठेवण माणसाच्या ध्यानात येते.

मन हा दोन अक्षरी शब्दाचा सर्व खेळ आहे. मन हे सर्व समस्यांचे व प्रश्नांचे मूळ उत्तर आहे.  मन हेच सर्व समस्यांचे व प्रश्नांचे समाधान आहे. या मनाने काय करावे? त्यावर नियंत्रण कसे ठेवायचे? सम स्थितीत कसे आणायचे? 

महाभारतात युद्ध भूमीवर अर्जुनाने भगवान श्रीकृष्णाला म्हटले, "हे कृष्णा! हे मन निश्चितच खूप चंचल आणि अतिशय हट्टी आणि बलवान आहे, मला या मनावर नियंत्रण ठेवणे अत्यंत कठीण वाटते, जसे की वाऱ्यावर नियंत्रण ठेवणे."

यावर भगवान श्रीकृष्णांनी समर्पक असे उत्तर दिले, "हे कुंतीपुत्र, चंचल मनावर नियंत्रण ठेवणे अत्यंत कठीण आहे यात शंका नाही, परंतु सर्व सांसारिक इच्छांचा (वैराग्य) त्याग करून आणि सतत ध्यान साधना करून ते नियंत्रित केले जाऊ शकते.

खरे तर यानंतर वेगळे काही लिहिण्याची गरज नाही. मी कोणतेही प्रवचन,उदाहरणे, दाखले देण्याचा प्रयत्न करत आहे असे समजू नका, परंतु मी प्रतिकूल परिस्थितीचा कसा सामना केला आणि आजही करत आहे हे तुम्हा सर्वांना सांगण्याचा हा एक छोटासा प्रयत्न आहे.

  आपण आपले स्वतःचे प्रतिबिंब उकळत्या पाण्यात पाहू शकतो का? अजिबात नाही. अस्वस्थ आणि क्षुब्ध मन आपल्याला शांती मिळवून देऊ शकते का? नाही. ज्याप्रमाणे प्रतिबिंब फक्त शांत पाण्यातच दिसते, त्याचप्रमाणे शांत आणि संतुलित मन आपल्याला संतुलित व्यक्ती बनण्यास मदत करते आणि केवळ शांत आणि संतुलित मनच आपला मित्र होऊ शकतो. तर संपूर्ण व्यायाम मनाला संतुलित स्थितीत कसे आणायचे याबद्दल आहे. जेव्हा परिस्थिती अनुकूल नसते, आयुष्यातील प्रत्येक गोष्ट आपल्या विरोधात दिसते, तेव्हा आपल्याला संयम बाळगण्याची गरज वाटते. तो धीर कसा धरू शकतो? आम्ही ते उघडे ठेवले आहे. आपण आपले मन तसे प्रशिक्षित केलेले नाही. अनेक प्रश्न आहेत, उत्तर एकच आहे - ध्यान.

मन कधी गुरूप्रमाणे हिताच्या गोष्टी सांगते, कधी शिष्याप्रमाणे आज्ञाधारक होते. मन प्रसन्न असेल तर परमार्थात रमते आणि मोक्ष मिळतो. मन उदास असेल, तर अधोगतीला नेते.

मन हे एका बीजा प्रमाणे असते. ते जेव्हा प्रेमाने पेरले जाते तेंव्हा ते अधिकाधिक फुलते. त्याचप्रमाणे आत्मा विकासाच्या रोपट्याचं खतपाणी म्हणजे मन. काही ताडाची झाडे तीन वर्षात फळे द्यायला लागतात तर काहींना दहा वर्षे पण लागतात.

शिरोली विकास सेवा संस्थेच्या चेअरमन पदी उद्योजक धनाजी विठ्ठल पाटील यांची तर व्हा. चेअरमन पदी मदन पांडुरंग संकपाळ यांची एकमताने निवड

हेरले /प्रतिनिधी

पुलाची शिरोलीयेथील मातृ संस्था असलेल्या शिरोली विकास सेवा संस्थेच्या चेअरमन पदी उद्योजक धनाजी विठ्ठल पाटील यांची तर व्हा. चेअरमन पदी मदन पांडुरंग संकपाळ यांची एकमताने  निवड करण्यात आली. या विशेष निवड सभेच्या अध्यक्षस्धानी हातकणंगले उपनिबंधक  डॉ. एस. एन. जाधव हे होते.

या संस्थेवर माजी आमदार महादेवराव महाडिक गटाची सत्ता आहे. त्यामुळे गेली पंचवीस वर्षाच्या परंपरेनुसार महादेवराव महाडिक यांनी नुतन पदाधिकार्यांच्या नावाचे पत्र बंद पाकीटातून पाठवले होते. त्यानुसार या दोन्ही निवडी जाहीर  करण्यात आल्या. 

या निवडीकामी माजी आमदार अमल महाडिक, राजाराम साखरचे जेष्ठ संचालक दिलीप पाटील व पेठ वडगाव बाजार समितीचे सभापती सुरेश पाटील यांचे सहकार्य लाभले.

नुतन पदाधिकार्यांचा उपस्थित मान्यवरांच्या हस्ते पुष्पुगुच्छ , शाँल , श्रीफळ देवून सत्कार करण्यात आला. तर निवडणूक अधिकारी   यांचा सत्कार  यांचे हस्ते करण्यात आला.

याप्रसंगी पेठवडगाव बाजार समितीचे सभापती सुरेश पाटील, दिलीप पाटील, नूतन चेअरमन धनाजी पाटील, माजी सरपंच तात्यासो पाटील, तंटामुक्त समितीचे अध्यक्ष सतिश पाटील, क्रूष्णात करपे, महंमद महात, डॉ. सुभाष पाटील यांची भाषणे झाली.

या निवड सभेस शब्बीर देसाई, अनिल शिरोळे, बी.एस.पाटील, उदयसिंह  पाटील, क्रूष्णात खवरे, नारायण मोरे, प्रकाश कौंदाडे,   रामभाऊ बुडकर, जग्गनाथ पाटील, सलिम महात, कमल सोडगे, अनुसया करपे, क्रूष्णात उनाळे, धनाजी यादव, सदाशिव संकपाळ, योगेश खवरे, संभाजी पाटील,  दिलीप शिरोळे, दिपक यादव,यांचेसह विविध संस्थांचे पदाधिकारी व कर्मचारी उपस्थित होते. 

स्वागत व प्रास्ताविक संजय पाटील यांनी केले. सेक्रेटरी नंदकुमार पाटील यांनी विषय वाचन  केले, आभार मदन संकपाळ यांनी मानले.

२४ वर्षानंतर माजी विद्यार्थ्यांचा भरला आठवणींचा वर्गमुरगुड विद्यालयला केली लाखाची मदत

कोल्हापूर / प्रतिनिधी

मुरगुड विद्यालय हायस्कूल  ज्युनिअर कॉलेज या शाळेच्या इयत्ता दहावी 1999 च्या बॅचच्या माजी विद्यार्थी विद्यार्थिनी कडून गुरु शिष्यांचा स्नेह मेळावा मुरगुड विद्यालयात शिक्षक आणि विद्यार्थ्यांच्या समवेत उत्साहाने पार पडला, तब्बल 24 वर्षानी जणु आठवणींचा वर्ग या ठिकाणी भरला. या मेळाव्याचे अध्यक्षस्थानी प्रशालेचे उपमुख्याध्यापक एस. बी .सूर्यवंशी तर तर प्रमुख पाहुणे  कोल्हापूर शिक्षण मंडळाचे उपाध्यक्ष माजी प्राचार्य शिवाजीराव सावंत होते.

    आपण ज्या शाळेत शिकलो आणि  जिवनात यशस्वी झालो त्या आपल्या शाळेचे आणि शिक्षकांचे काहीतरी आपण देणे लागतो हा उद्देश ठेवत  हा कार्यक्रम पार पडला ,यावेळी शिक्षकांना वाचनीय पुस्तके भेट देत तसेच शाळेप्रती कृतज्ञता व्यक्त करत तब्बल 75 हजाराचे  पंचवीस बेंच, पचंवीस हजाराचे सॅनिटरी नॅपकिन पॅड मशीन व सीलिंग फॅन अशी एकुण एक लाखाची भेटवस्तूची मदत शाळेसाठी देवू केले.

     याप्रसंगी बोलताना प्रमुख पाहुणे शिवाजीराव सावंत  म्हणाले, या शाळेमध्ये अनेक मेळावे झाले पण हा  गुरु शिष्यांचा स्नेह मेळावा म्हणून एक नवीन उपक्रम या 1999 च्या बॅचने घालून देत शाळेसाठी एक अविस्मरणीय भेट म्हणून बेंच देऊ केले .ही गोष्ट पुढच्या पिढीला प्रेरणा देणारी व उल्लेखनीय असल्याचे सांगितले याचं बेंचवर बसून इथून पुढची पिढी ज्ञानार्जन करून देशातील विविध क्षेत्रात यशस्वी होईल असे गौरवोद्गार त्यांनी काढले. 

    यावेळी कार्यक्रमाचे अध्यक्ष ,एस बी,सुर्यवंशी ,सी.आर. माळवदे,   इंदलकरसर ,इ. बी. देशमुख,आर.डी. लोहार, पी. पी. पाटील , अनिल पाटील, आदि शिक्षकांनी मनोगत व्यक्त केले, 

यावेळी शाळेचे पर्यवेक्षक एस.डी. साठे,  कागलचे मुख्याध्यापक टि.ए. पोवार,आर.एच. पोळ,एम. एम.रेडेकर, एस ए पाटील,आर.जी.पाटील आनंदराव कल्याणकर,पी.एन. पाटील ,एम एच खराडे,यांच्या सह अनेक आजी माजी शिक्षक- शिक्षकेत्तर कर्मचारी ,माजी विद्यार्थी व विद्यार्थिनी संख्येने उपस्थित होते

   कार्यक्रमाचे प्रास्ताविक अमोल चौगले ,स्वागत व सूत्रसंचालन  सागर कुंभार तर आभार सचिन सुतार यांनी मानले

 फोटो...

   मुरगुड.. येथील मुरगुड विद्यालय जुनियर कॉलेज मुरगुड येथे सन 1999 चे दहावीचे माजी विद्यार्थी आपल्या शिक्षक वृंदा समवेत

मौजे वडगांव बारकी पाणंद रस्त्यावर भुयारी मार्ग करा पालकमंत्री तथा वैधकीय शिक्षणमंत्री नाम. हसन मुश्रीफ व खास . धैर्यशिल माने यांना निवेदन

हेरले / प्रतिनिधी ) मौजे वडगांव येथील बारकी पाणंद रस्त्यावर भुयारीमार्ग करावा आशा मागणीचे निवेदन मौजे वडगांव ग्रामपंचायत सदस्यांच्या शिष्टमंडळाने कोल्हापूरचे पालकमंत्री तथा वैद्यकीय शिक्षणमंत्री नाम . हसन मुश्रीफ व खास . धैयशिल माने यांना दिले .

             नागपूर रत्नागिरी या नविन राष्ट्रीय महामार्गाचे काम सुरु आहे. पण हा रस्ता करत असतांना शेतकऱ्यांच्या आडचणीचा विचार नकरता काम सुरू असून मौजे वडगांव (ता. हातकणंगले) येथील बारकी पाणंद म्हणून प्रसिध्द असणऱ्या व गावातील सातशे ते आठशे एकर क्षेत्र आसणाऱ्या शेतकऱ्यांना या पाणंद रस्त्याचा वारंवार वापर करावा लागतो .

          गावच्या गायराण व पाझर तलावाकडे जातांना गावातील शेतकरी जनावरे चरणेसाठी, शेतातील गोठ्यावर धारा काढणेसाठी, शेतींची मशागत करणेसाठी ' दिवस व रात्रीचे शेतीपिकांना पाणी पाजणेसाठी, तसेच रोजंदारीवर काम करण्यासाठी लागणारे शेतमजूर, ऊस वाहतूकीचे ट्रॅक्टर , या सर्वांना याच पाणंद रस्त्यांचा वापर करावा लागतो. तसेच गेल इंडिया , HPCL व BPCL यासारखे शासनाचे मोठे प्रोजेक्ट गायरान मध्ये आसल्याने जाणेयेणेसाठी याच पाणंद रस्त्याचा वापर करावा लागतो. त्यामुळे जीव धोक्यात घालून रस्ता ओलांडणे धोकादायक होऊ शकते . तसेच या आगोदर रस्ते प्रकल्प अधिकाऱ्यांशी ग्रामपंचायतीने लेखी पत्रव्यवहार केला आहे . त्यामुळे या पाणंद रस्त्यांवर भुयारी मार्ग करणे अत्यंत्य गरजेचे आहे अशी मागणी ग्रा पं . शिष्टमंडळाने केली . यावेळी नामदार हसन मुश्रीफ यांनी दिपावली नंतर केंद्रिय रस्ते विकासमंत्री नितिन गडकरी यांची भेट घेऊन भुयारी मार्गाचा प्रश्न मार्गी लावणार आसल्याचे आश्वासन दिले .

            या शिष्टमंडळामध्ये उपसरपंच सुनिल खारेपाटणे , ग्रा.पं. सदस्य सुरेश कांबरे , रघूनाथ गोरड , अविनाश पाटील, स्वप्नील चौगुले , प्रकाश कांबरे , आनंदा थोरवत, अमोल झांबरे , अमर थोरवत, उपस्थित होते .

फोटो

भुयारी मार्गासाठी पालकमंत्री हसन मुश्रीफ यांना निवेदन देतांना मौजे वडगाव ग्रां पं . चे शिष्टमंडळ

स्वच्छता हीच आरोग्याची गुरुकिल्ली

डॉ अजितकुमार पाटील, कोल्हापूर- पीएच डी ( मराठी विज्ञान साहित्य )

कोल्हापूर महानगरपालिका अंतर्गत कोल्हापूरचे आयुक्त के मंजूलक्ष्मी यांच्या मार्गदर्शनाखाली कोल्हापूर शहरातील शिक्षण विभाग, आरोग्य विभाग यांनी *स्वच्छ कोल्हापूर सुंदर कोल्हापूर*

 या मोहिमे अंतर्गत प्राथमिक विद्यालय, उच्च माध्यमिक, महाविद्यालयीन स्तरावर सुद्धा स्वच्छतेचे महत्व विविध माध्यमातून सांगण्याचा प्रयत्न सुरू आहे कारण

 *स्वच्छ हवा आरोग्याची गुरुकिल्ली* आहे

 समर्थ संत तुकाराम महाराजांनी म्हटलेलं आहे *नाही निर्मल जीवन काय करील साबण*

 याप्रमाणे आरोग्याचे महत्व पटवून देण्याचा जास्तीत जास्त प्रयत्न सर्वच स्तरावर होत आहे कारण आपले आरोग्य चांगले असेल तर आपण आपले जीवन ,आपले मन, विचार ,मानसिक स्थिती स्थिर राहणार आहे याच्या माध्यमातून मी आपना समोर आरोग्य संदर्भात विचार अभ्यासपूर्ण मांडत आहे याचा सर्व विद्यार्थी नागरिक जेष्ठ नागरिक यांनी विचार करावा.

मानवाच्या दैनंदिन जीवनामध्ये रोजच्या कृतीतून तयार होणाऱ्या अनेक टाकाऊ पदार्थांना घन कचरा म्हणतात. योग्य वापर केला तर “टाकाऊ पदार्थ” सुद्धा मौल्यवान स्रोत होऊ शकतो. मानवी समाजात घन कचरा ही आर्थिक विकास, पर्यावरणाचा ऱ्हास आणि आरोग्याच्या समस्या या दृष्टीने गंभीर प्रश्न भारतातच नव्हे तर जगासमोर उभा आहे. त्यामुळे हवा, पाणी व जमीन प्रदूषित होऊन मानवी अधिवासाला धोका निर्माण होत आहे. घन कचऱ्याचे संकलन, साठवण, वाहतूक, प्रक्रिया व विल्हेवाट किंवा पूनर्वापर इ. बाबी घन कचरा व्यवस्थापनात येतात.

*घन कचऱ्याचे वर्गीकरण* : घन कचऱ्याचे वर्गीकरण खालीलप्रमाणे करतात.

१ विघटनशील कचरा

२ अविघटनशील कचरा

परिणाम घातक परिणाम

अघातक परिणाम

प्राकृतिक स्थिती सुका कचरा

ओला कचरा

पुन:चक्रीकरण पुन:चक्रीय कचरा

अपुन:चक्रीय कचरा

*घन कचऱ्याचे स्रोत* : घरगुती कचरा : हा कचरा घरामधून तयार होतो. उदा., टाकाऊ कागद, कागदी वस्तू व वेष्टने, काच, रबर, धातू, चामड्याच्या वस्तू इत्यादी.

*औद्योगिक कचरा* : रंग-गाळ, तेल, राख, लोखंडी व इतर जड धातू इत्यादी.

*धोकादायक कचरा* : रासायनिक, जैविक, स्फोटक, रोगप्रसारक इत्यादी पदार्थ.

*शेतातील घन कचरा* : झाडांची पाने, फुले व फांद्या, पिकांचे टाकून दिलेले भाग, जनावरांचे मलमूत्र इत्यादी.

*इलेक्ट्रॉनिक घन कचरा* : टाकाऊ दूरदर्शन संच,घरातील जुने इलेक्ट्रिक साहित्य,बांधकाम मधील प्लास्टिक, म्युझिक सिस्टिम्स, रेडिओ सेट ,जुने मोबाईल फोन, चार्जर, जुने संगणक इत्यादी.

*जैववैद्यकीय कचरा* : रुग्णालयामधील बॅंडेज, हातमोजे, सुया, वापरलेला कापूस, तापमापकामधील पारा, औषधे इत्यादी.

विघटनशील घन कचरा : खराब शिळे अन्न, खराब फळे, खराब भाजी, कागद, माती, राख, झाडांची पाने इत्यादी.

*घन कचरा व्यवस्थापनाच्या सर्वसाधारण पद्धतीखालीलप्रमाणे आहेत* :

(अ) भूमिभरण : या पद्धतीत कचरा पातळ थरांत पसरला जातो, त्यावर घट्ट गाळ आणि चिकणमाती किंवा प्लॅस्टिकचा थर दिला जातो. आधुनिक भूमिभरण पद्धतीमध्ये तळाशी प्लॅस्टिकचे  प्रचंड मोठे  अच्छिद्र पटल  पसरले जाते, त्यावर चिकणमाती, जाड प्लॅस्टिक आणि वाळूचे अनेक थर दिले जातात. अशी पद्धत अवलंबिल्याने पाझरलेले पाणी भूजलात मिश्रित होत नाही व भूजल प्रदूषण टाळता येते.

प्लॅस्टिकच्या तळाशी पाझरलेले पाणी साचल्यास खाली पंप टाकून पाणी वर खेचले जाते आणि त्याच्यावर प्रक्रिया करून शुद्धीकरण केले जाते. जमिनीची भूमिभरणक्षमता संपते तेव्हा ती जमीन पाण्याची टंचाई टाळण्यासाठी चिकणमाती, वाळू व मातीसह झाकली जाते. पाण्याच्या गळतीमुळे होणारे भूजल प्रदूषण रोखण्यासाठी व भूमिभरणाच्या क्षेत्राचे निरीक्षण करण्यासाठी त्याच्या आजूबाजूला अनेक विहिरी खोदल्या जातात. कचऱ्याच्या विघटनाने तयार झालेला मिथेन वायू साठविला जातो आणि त्याचा वापर विद्युत् किंवा उष्णता निर्माण करण्यासाठी केला जातो.

भूमिभरणासाठी जागेची निवड : (१) भूजलाशी संपर्क टाळण्यासाठी जमिनीची उंची भूजल पातळीपेक्षा जास्त असणे आवश्यक असते. (२) शक्यतो चिकणमाती किंवा गाळ असणाऱ्या प्रदेशातील जागा निवडावी. (३) ही जागा खडक उत्खनन क्षेत्रात नसावी. अशा क्षेत्रांत खडकांतील भेगांमुळे पाणी खाली पाझरते व भूजल प्रदूषण होऊ शकते .

भूमिभरणामुळे मोठ्या प्रमाणात दुष्‍परिणाम होऊ शकतात. हे परिणाम पुढीलप्रमाणे असू शकतात : (१) जीवघेणा अपघात (उदा., कचऱ्याच्या ढिगाऱ्याखाली सफाई कामगार दबले जाण्याचे प्रसंग). (२)पायाभूत सुविधांचे नुकसान (उदा., कचऱ्याच्या जड वाहनांमुळे रहदारीला अडथळे). (३) स्थानिक पर्यावरणाचे प्रदूषण (उदा., जमिनीचा वापर आणि त्याचबरोबर भूमिभरण बंद केल्यानंतर गळती आणि माती प्रदूषणाने भूजल आणि / किंवा पाणवठ्याचे प्रदूषण). (४) सेंद्रिय टाकाऊ पदार्थांच्या विघटनामुळे कचरा निर्माण होणाऱ्या मिथेनाचे वातावरणातील वायूंशी मिश्रण (मिथेन हा कार्बन डाय-ऑक्साइडापेक्षासुद्धा शक्तिशाली हरितगृह वायू आहे आणि परिसरातील रहिवाशांसाठी तो धोकादायक ठरू शकतो). (५) उंदीर व माशी यांच्यासारख्या रोगप्रसारकांचे पोषण या क्षेत्रात मुख्यतः होते.

(आ) भस्मीकरण : भस्मीकरण म्हणजे फक्त राख शिल्लक होईपर्यंत ज्वलन करणे. भस्मक हे असे यंत्र आहे की, जे कचरा आणि अन्य प्रकारचे टाकाऊ पदार्थ यांची राख होईपर्यंत ज्वलनासाठी वापरले जाते. भस्मक तयार करण्यासाठी घनता जास्त असणारे तसेच उष्णतारोधक असे पदार्थ वापरले जातात, जेणेकरून आजूबाजूच्या परिसरात अतिउष्णतेचा त्रास होणार नाही.

कचऱ्याच्या त्वरित तसेच कमी संसाधनाच्या वापरात ज्वलनासाठी भस्मकामध्ये उच्च उष्णतापातळी राखणे जरूरीचे असते. उष्णता बाहेर पडू दिल्यास कचऱ्याचे पूर्णपणे किंवा वेगाने ज्वलन होत नाही. भस्मीकरण ही  विल्हेवाट पद्धती असून त्यात घन सेंद्रिय कचऱ्‍यांचे ज्वलन केले जाते तसेच त्यायोगे त्यांना अवशेष आणि वायुजन्य उत्पादांमध्ये रूपांतरित करता येते. ही पद्धत घन कचरा व्यवस्थापन आणि सांडपाणी व्यवस्थापनातील अवशेष या दोन्ही गोष्टींच्या विल्हेवाटीसाठी उपयुक्त आहे. या प्रक्रियेमुळे घन कचऱ्याचे प्रमाण मूळ घनफळाच्या २०—३० टक्के कमी होते.

भस्मीकरण आणि इतर उच्च तापमान कचरा व्यवस्थापन प्रणाली कधीकधी “औष्णिक उपचार” (thermal treatment) म्हणून वर्णिल्या जातात. कचऱ्याचे भस्मीकरण छोट्या स्तरात सुद्धा दिसून येते. घरातील कचऱ्याचे सर्वसामान्य ज्वलन हे छोट्या प्रमाणावरील भस्मीकरण तसेच उद्योगांतील मोठ्या प्रमाणावर आणि जास्त कचऱ्याचे केलेले ज्वलन मोठ्या स्तरातील भस्मीकरण म्हणता येते. घन, द्रव आणि वायू या प्रकारांच्या कचऱ्याची विल्हेवाट लावण्यासाठी ही पद्धत वापरता येते. काही घातक टाकाऊ पदार्थांची विल्हेवाट लावण्याची एक व्यावहारिक पद्धत म्हणून ती ओळखली जाते. वायूचे प्रदूषण कमी करणे यांसारख्या अडचणींमुळे  कचऱ्याच्या विल्हेवाटीचा हा एक विवादात्मक उपाय आहे.

(इ) सेंद्रिय खतांची निर्मिती :  मोठ्या शहरांमध्ये भूमिभरणासाठी जागेची कमतरता असल्यामुळे, योग्य  माध्यमाद्वारे जैवविघटनशील कचऱ्याचे (म्युनिसिपल कचऱ्यापासून वेगळा) विघटन केले जाते. यातून मातीसाठी चांगल्या दर्जाचे पोषण मिळते, तसेच समृद्ध आणि पर्यावरणीय अनुकूल खत तयार केले जाते त्यामुळे मातीची गुणवत्ता आणि उत्पादनक्षमता वाढते.

भारतात तयार होणाऱ्‍या महापालिकेतील घन कचऱ्यामध्ये ३५—४० टक्के सेंद्रिय घटक आहेत. या कचऱ्याचे, विल्हेवाटीच्या सर्वांत जुन्या पद्धतींपैकी एक, सेंद्रिय पद्धतीने पुनर्नवीनीकरण केले जाऊ शकते. सेंद्रिय कचऱ्याच्या  विघटनाची नैसर्गिक प्रक्रिया म्हणजे खत किंवा कंपोस्ट याचे उत्पादन, यामध्ये पोषक द्रव्ये अतिशय समृद्ध असतात.

कंपोस्टिंग म्हणजे जैविक प्रक्रिया असून त्यात सूक्ष्मजीव, मुख्यतः बुरशी आणि जीवाणू असतात, जसे की पदार्थासारख्या अवयवयुक्त कचऱ्यात बुरशीचे रूपांतर होते. हे तयार झालेले उत्पादन मातीसारखे दिसते, त्यामध्ये कार्बन आणि नायट्रोजन यांचे प्रमाण जास्त असते आणि वाढणाऱ्या वनस्पतींसाठी ते एक उत्कृष्ट माध्यम असते.

*घन कचरा*

नैसर्गिक सौंदर्य कमी होणे : पसरलेल्या घन कचऱ्यामुळे नैसर्गिक सौंदर्य कमी होते.

कचऱ्याची दुर्गंधी : साठविलेल्या कचऱ्यापासून दुर्गंधी निर्माण होते.

विषारी वायू : नागरी घन कचरा विल्हेवाटीची ठिकाणे किंवा भूमिभरण ठिकाणे यांमधून विषारी वायू बाहेर पडतात.

रोगांचा प्रसार : घन कचरा विल्हेवाटीची ठिकाणे अनेक रोगांना आमंत्रित करतात.

ऊर्जाभरण : सेंद्रिय कचऱ्यापासून ऊर्जा निर्मिती विविध प्रक्रियांद्वारे केली जाते. यातून जैववायूची निर्मिती करता येते.

औद्योगिक घनकचरा व्यवस्थापन : सध्या उद्योगधंद्यांमध्ये निर्माण होणार कचरा अधिकृत संस्थेकडे पाठविला जातो व त्याची शास्त्रीय पद्धतीने हाताळणी व विल्हेवाट लावली जाते.

घनकचरा व्यवस्थापनामध्ये वैयक्तिक सहभाग :

घनकचरा व्यवस्थापन करीत असताना तीन ‘R’ महत्त्वाचे आहेत :

१) कचरा कमी करणे (REDUCE) : उदा., कमीत कमी कागद व कॅरीबॅगेचा वापर करणे.

२)पुनर्वापर (REUSE): उदा., वापरलेल्या वहीतील कोऱ्या कागदापासून नवीन वही तयार करणे.

३) पुन:चक्रीकरण (RECYLCE): घन कचऱ्यामधील धातू, रबर, काच इ. पदार्थ पुन:चक्रीकरणासाठी पाठविले जातात.

                     

ज्ञानरचना आणि अध्यापन एक प्रभावी पध्दत - डॉ अजितकुमार पाटील सर ( पीएच डी )

(Knowledge Construction and Teaching)

अध्यापन ही गुंतागुंतीची आणि क्लिष्ट प्रक्रिया आहे, हे सूक्ष्म अध्यापनामधून स्पार होतेच. कोणतीही कृती करताना नेमके मला काय करायचे आहे याची स्पष्ट जाणीव व्यक्तीला होणे गरजेचे असते. उदा. एखाद्या व्यक्तीला गावाला जायचे असेल तर त्यासा त्या गावाला जाण्याच्या वाहतुकीची माहिती घेणे, वाहतुकीचे साधन निश्चित करणे, त्या निवडलेल्या साधनाचे आरक्षण करणे, त्या गावातील मुक्कामानुसार स्वतःच्या सामानार्थी तयारी करणे, त्याचप्रमाणे आपल्या अनुपस्थितीत येथील कामाचे नियोजन करणे या कृती जितक्या चांगल्या होतील तितक्या प्रमाणात गावाला जाण्याचा कार्यक्रम यशस्वी होतो अन्यथा यामध्ये विस्कळीतपणा येतो.

वरील उदाहरणावरून हे लक्षात येते की, ज्या व्यक्तीला गावाला जायचे आहे त्या व्यक्तीच्या मनात खालील बाबींची स्पष्टता असणे गरजेचे असते.

१. कोणत्या गावाला जायचे ते ठिकाण

२. त्या गावाचे स्वरूप आणि सुविधा

३. त्या गावापर्यंत जाण्याच्या मार्गाचा परिचय

४. त्या गावापर्यंत पोहोचण्यासाठी करावयाच्या आवश्यक बाबी हे चित्र जितके स्पष्ट तितकी पुढील प्रक्रिया सुलभ होते. अध्यापन ही अशीच प्रक्रिय आहे. अध्यापनामध्ये विशिष्ट हेतू साध्य करण्यासाठी शिक्षकाला विविध कृती करावयाच्य असतात. त्यामुळे त्याला काही गोष्टींची 'स्पष्ट जाणीव' होणे गरजेचे असते. यालाच आपण अध्यापनाविषयीचे अवबोध म्हणू.

ज्ञानरचना आणि अध्यापन

अध्यापनामध्ये समाविष्ट बाबी: कोणत्याही विषयाच्या अध्यापनामध्ये शिक्षकाला खालील चार प्रकारचे अवबोध स्पष्ट करून घ्यावे लागतात.

१ काय शिकवायचे आहे ?

२. कोणाला व कशासाठी शिकवायचे आहे ?

३. शिकवण्यासाठी वर्गाची व शाळेची भौतिक परिस्थिती कशी आहे ?

 ४. हे सर्व हाताळण्यासाठी माझ्या स्वतःमध्ये किती क्षमता आहे ?

प्रत्येक शिक्षक ही प्रथम एक व्यक्ती आहे. त्यामुळे मानसशास्त्राच्या नियमानुसार प्रत्येक संवेदनेला प्रत्येक व्यक्ती वेगवेगळा अर्थ लावते. त्यामुळे एकाच संवेदनेचे विविध व्यक्तींमध्ये वेगवेगळे अवबोध निर्माण होतात. म्हणजे एकच आशय एकाच वर्गातील विद्यार्थ्यांसाठी दोन भिन्न शिक्षकांनी शिकवला तर त्यांच्या अध्यापनामध्ये खूपच तफावत असते. याची अनेक उदाहरणे आपल्याला अनुभवायलाही मिळतात. शिक्षक-प्रशिक्षणाचा हेतू चांगला शिक्षक तयार करणे हा आहे. यासाठी अध्यापनाचे जरी भिन्न अवबोध तयार झाले तरी त्या भिन्न अवबोधांची एकूण गुणवत्ता ही चांगलीच असली पाहिजे. या दृष्टीने अध्यापनाच्या या अवबोधांचे स्पष्टीकरण करणे गरजेचे आहे.

१. आशय अवबोध: विविध विषयांतील संकल्पना, नियम, तत्त्वे तसेच त्यामध्ये समाविष्ट असलेली मूल्ये विद्यार्थ्यांपर्यंत पोहोचविणे आणि आवश्यक असते.

१. शाळेभोवतालचा परिसर, लोकवस्ती व लोकजीवन

२. शाळेत प्रवेश करण्याचे रस्ते, शाळेचा आकार, शाळेमधील प्रयोगशाळा, इतिहास, भूगोल यांच्या विषय खोल्या आणि ग्रंथालय.

३. वर्गाचे शालेय इमारतीतील स्थान, आकार, प्रकाशयोजना, फलक, विद्युत पुरवठा, शैक्षणिक साधनासंदर्भातील सुविधा इत्यादी.

४. विद्यार्थ्यांची संख्या व बैठकव्यवस्था इत्यादी.

५. स्वक्षमता : अध्यापन ही बहुआयामी संकल्पना आहे व यामध्ये शिक्षक आणि त्याचे व्यक्तिमत्त्व यांचा फार मोठा प्रभाव आहे. शिक्षकांना समान स्तराचे प्रशिक्षण दिले पत्तेतील हजरजबाबीपणा, बहुश्रुतता, व्यासंग यांसारखे एकूण व्यक्तिमत्त्वावर प्रभाव पाडणारे घटक असले तरीसुद्धा प्रत्येकाची बोलण्याची क्षमता, भाषेतील ओघवतेपणा, वक्तृत्वशैली, वेगवेगळ्या व्यक्तींमध्ये वेगवेगळ्या प्रमाणात असतात. या प्रत्येक घटकासंदर्भात तसेच सतात, किती प्रमाणात आहेत याबाबतचे आत्मनिरीक्षण करणे गरजेचे असते. विशिष्ट अध्यापनासाठी लागणाऱ्या आवश्यक गुणवैशिष्ट्यांसंदर्भात आपल्यामध्ये या क्षमता जाणीव आशयाच्या अध्यापनासंदर्भात एक शिक्षक म्हणून स्वतःची ओळख स्वतःला पटवणे, या बार्बीचा  विचार करणे गरजेचे आहे. अवबोध क्षेत्रामध्ये समावेश होतो. यासाठी खालील अवबोध स्पष्ट असणे

१. माझे आशयज्ञान किती प्रमाणात आहे ते वाढविण्याच्या दृष्टीने त्या संदर्भातील केलेले विविध स्रोतांची माहिती आहे का ?

२. त्या स्रोतांचा वापर आशयाचे उत्तमरित्या आकलन होण्यासाठी मी कसा करून घेईन ?

३. माझे आशयज्ञान चांगले आहे परंतु ते विद्यार्थ्यांपर्यंत पोहोचविण्यासाठी आवश्यक कौशल्ये माझ्याजवळ आहेत का ? ती मिळवण्याचा प्रयत्न करणे.

४. काही कौशल्ये आत्मसात केलेली असतील परंतु त्यामधील सखोलता प्राप्त ये करण्यासाठी किंवा इतर आवश्यक कौशल्यांचे ज्ञान मिळविण्यासाठी प्रयत्न करण्यात मी सक्षम आहे का ? सक्षम बनण्यासाठी काय करावे याचा शोध घेणे.

५. माझ्याकडे असलेल्या कौशल्यांचे आशयानुसार तसेच विद्यार्थ्यांच्या आकलन-

या क्षमतेनुसार नियोजन मी स्वतः कसे करेन ?

६. विविध अध्यापन पद्धती, त्या संदर्भातील माहिती मला आहे का ? तसेच केवळ माहिती असण्यापेक्षा त्याद्वारे अध्यापन करता येते का ? याची जाणीव असणे आवश्यक आहे.

७. विविध अध्यापन पद्धतींची माहिती कोठून मिळवायची, संदर्भ पुस्तकांच्या वापराद्वारे मी माझे अध्यापन प्रभावी बनवू शकतो का ?

वास्तविक यावर तात्विक विचार व चर्चा होणे गरजेचे आहे. मूल्यमापन तंत्र वर्तनवादी मानसशास्त्रावर आधारित आहे. साधारण १९७० नंतर वर्तनवादाच्या मर्यादा  आल्या व बोधात्मक मानसशास्त्र, मेंदू आधारित अध्ययन या विचारांचे प्राबल्य वाढले. आता तर संपूर्ण शिक्षणप्रणाली ज्ञान रचनावाद या संकल्पनेभोवती गुंफली जात आहे.

या तत्त्वांनुसार 'शिक्षकाने अध्ययन अनुभव दिले म्हणजे शिकवणे संपले' असे न मानता विद्यार्थ्यांनी त्या अध्ययन अनुभवांशी कशी व किती प्रमाणात आंतरक्रिया केली यावर विद्यार्थ्यांचे अध्ययन म्हणजे त्याची ज्ञानप्राप्ती व पर्यायाने अध्यापनाची फलश्रुती अवलंबून आहे, असे म्हणावे लागते.

 विचारांमध्ये विद्यार्थी, आशय, शैक्षणिक साधने, प्रश्न इत्यादींचा समावेश असतो. प्रत्येक शिक्षकाला त्याच्या वर्गाध्यापनामध्ये भिन्न-भिन्न कृती कराव्या लागतात. त्यासाठी त्याला स्वतंत्रपणे विचार करावा लागतो. या प्रमाणे असते. विशिष्ट वर्गात शिकविण्यासाठी काय काय करायचे याचे मानसिक चित्र शिक्षकाला तयार करावे लागेल. हेच चित्र कागदावर आणले की त्याच्या अध्यापनाचे नियोजन तयार झाले. एखादा नवशिका शिक्षक हे नियोजन सविस्तर करील. सरावानंतर तो केवळ टप्पांचे किंवा पायऱ्यांप्रमाणे नियोजन करील.

नियोजनामध्ये शिक्षक खालील तीन अवस्थांचा वापर करतात.

१. *शोधावस्था* : स्वतःच्या विषयाचे, विद्यार्थ्यांबाबतचे, अध्यापनाबाबतचे ज्ञान किती आहे? स्वतःला अध्यापनामध्ये किती, कसे व कोणते अनुभव आलेले आहेत ? अध्यापनातून नेमक्या कोणत्या बाबी साध्य करावयाच्या आहेत ? यांसारख्या मुद्द्यांचा विचार करून नियोजन कसे करायचे, हे शिक्षक ठरवितो.

२. *समस्या निराकरणावस्था* : विशिष्ट विद्यार्थ्यांच्या, वर्गाच्या तसेच विशिष्ट आशयाच्या काही गरजा असतात. या बाबींवर त्याला सविस्तर विचार करावा लागतो. या विचारांची दिशा, समस्या निराकरणाच्या पायऱ्यांप्रमाणे असते. त्या-त्या गरजांप्रमाणे शिक्षक नियोजनामध्ये बदल करतो.

३.*स्वयंमूल्यमापनावस्था* ही अवस्था कृतीनंतरची आहे. नियोजनाप्रमाणे कार्यवाही केली जाते. स्वतःच्या प्रत्येक कृतीचे मूल्यमापन करून कोणत्या बाबी नित्य कृती म्हणून स्वीकारायच्या, कोणत्या कृर्तीमध्ये जाणीवपूर्वक बदल करावयाचे हे ठरवितो. नित्य कृतींबाबत सविस्तर नियोजन करावे लागत नाही. नवीन बाबींचे सविस्तर नियोजन कसे करावयाचे, याबाबतचा तो पुढील नियोजनासाठी विचार करू लागतो.

म्हणून ज्ञानरचनावाद हा वापरताना शिक्षणाची आनंददायी शिक्षणाची सुरूवात झाली आहे असे म्हणावे लागेल.

       जय हिंद...

स्वच्छता हीच आरोग्याची गुरुकिल्ली - डॉ. अजितकुमार पाटील

कोल्हापूर प्रतिनिधी 

मुख्यमंत्री सक्षम शहूर स्पर्धा अंतर्गत म.न.पा * राजर्षी शाहू विद्यामंदिर शाळेत कचराकुंडीचे वाटप करण्यात आले.

कोल्हापूर शहराने मुख्यमंत्री सक्षम शहर स्पर्धे- मध्ये भाग घेतला असून शहरात स्वच्छता मोहिम सुरु आहे. या अंतर्गत स्वच्छ शाळा सुंदर शाळा उपक्रम सुरु आहे को आखिल कोल्हाटी डोंबारी समाज कोल्हापूर यांच्यावतीने शाळेस कचराकुंडीचे कसबा बावडा कोल्हापू वाटप करण्यात आले.

शाळेच्या विद्यार्थ्यांना

ओला कचरा व सुका कचरा यांची विद्यार्थ्यांना माहिती देण्यात आली. याप्रसंगी स्वच्छ भारत स्वच्छ विद्यालय या प्रथनाट्यामध्ये ओला कचरा सुका कचरा प्लास्टिक कचरा ई कचरा या संदर्भात  विद्यार्थ्यांनी सादरीकरण केले.यामध्ये सुप्रिया माने,आरव कोरवी,प्रणित पाटील,इतर विद्यार्थ्यांनी पथनाट्य उत्स्फूर्तपणे सादरीकरण केले.

 कार्यक्रमास  केंद्रमुख्याध्यापक डॉ अजितकुमार पाटील,सुशिल जाधव,उत्तम पाटील, अध्यक्ष तुकाराम लाखे,आरोग्य निरिक्षक नंदकुमार पाटील सुरेश लाखे, घरजू निकम, मुकादम मनोज कुरणे. उपस्थित होते. विठ्ठल लाखे, रखी लाखे, वैभव शाळा व्यवस्थापन समितीचे अध्यक्ष रमेश सुतार,तमेजा मुजावर, मिनाज मुल्ला, आसमा तांबोळी, विद्या पाटील, कल्पना पाटील,सावित्री काळे व शाळा व्यवस्थापन समितीचे सदस्य उपस्थित होते.

आभार उत्तम कुंभार यांनी मानले

मनोज जरांगे पाटील यांना पाठींबा देण्यासाठी मौजे वडगांव येथे कॅन्डल मार्च

हेरले /प्रतिनिधी

मौजे वडगांव (ता हातकणंगले येथे मराठा आंदोलनाच्या पार्श्वभुमीवर सकल मराठा समाजाला आरक्षण मिळण्यासाठी व उपोषणकर्ते मनोज जरांगे पाटील यांना पाठींबा देण्यासाठी कॅन्डल मार्चच आयोजन करण्यात आलं होत. यावेळी सर्वप्रथम छ.शिवाजी महाराज यांच्या प्रतिमेस अभिवादन करून गावातील मुख्य रस्त्यावरून निषेध फेरी काढण्यात आली . संपूर्ण गावातून फेरी काढून या कॅन्डल मार्चची सांगता झेडा चौक येथे करण्यात आली . यावेळी सकल मराठा समाजाचे कार्यकर्ते तसेच ग्रामपंचायतचे व विविध संस्थाचे पदाधिकारी उपस्थित होते. तसेच गावातील विविध समाजाच्या वतीने सकल मराठा समाजाच्या आंदोलनाला पाठींबा देण्यात आला . यावेळी राजकीय पुढाऱ्यानां गावामध्ये येण्यास बंदी करण्यात आली .

हेरले येथे एकदिवसीय उपोषण

     हेरले / प्रतिनिधी

मनोज जरांगे पाटील यांना पाठिंबा दर्शविण्यासाठी हेरले (ता हातकणंगले)  येथे मराठा तरुणांनी बुधवारी एक दिवसीय लक्षणीय उपोषण झेंडा चौक शिवतीर्थ येथे केले.

            आरक्षणाबाबात सरकारने दिलेल्या मुदतीत आश्वासनाची पूर्तती केली नसल्याच्या  निषेधार्थ मराठा आंदोलनाचे जरांगे-पाटील यांनी  पुन्हा अमरण उपोषण सुरू केले. त्यांच्या उपोषणाला पाठिंबा दर्शविण्यासाठी सकाळी नऊ वाजता हेरले गावातील मराठा समाजाच्यावतीने  ‘एक मराठा कोठी मराठा’च्या घोषणा देत उपोषणला सुरवात केली. तरुणांच्या या उपोषणाला गावातील सर्व नागरिकांनी उत्स्फूर्त पाठिंबा दिला.यावेळी दिनांक २ रोजी हेरले गाव दुपारनंतर पूर्ण  बंद करण्याची तसेच सायंकाळी ६ वाजता गावातून मशाल मोर्चा काढण्यात येणार आहे.अशी घोषणा करण्यात आली.

    या एक दिवसीय  उपोषणास माजी सभापती राजेश पाटील,स्वाभिमानी शेतकरी संघटनेचे सरचिटणीस मुनिर जमादार, सरपंच राहुल शेटे, तंटामुक्त अध्यक्ष अमर वडड, जवाहर साखर संचालक आदगोंडा पाटील,सर्जेराव भोसले,अमित पाटील,हिम्मत बारगिर,शिवसेनेचे उपतालुका प्रमुख संदीप शेटे,विनोद वडड,नौशाद देसाई, अबूबकर जमादार,अमीनुद्दीन पेंढारी,बाळगोंड पाटील,राहुल चौगुले,तसेच गावामधील  सर्व समाजाने एकमुखी पाठिंबा दिला.यावेळी  हातकणंगले पोलीस ठाण्याचे प्रमुख पोलीस निरीक्षक महादेव तोंदले यांनी भेट देऊन आंदोलन शांततेत करण्याचे आवाहन केले.         

               यावेळी विजय कारंडे ,माजी उपसरपंच कपिल भोसले ,ग्रामपंचायत सदस्य विजय भोसले ,मनोज पाटील,सयाजी गायकवाड,विश्वजीत भोसले ,आदिक इनामदार,नंदकुमार माने,उदय भोसले,शरद माने,संग्रामसिंह रुईकर, सोमनाथ भोसले,ऋषिकेश लाड,मनोज जाधव ,सोमनाथ भोसले,

डॉ. संतोष कागले,दीपक जाधव,प्रवीण सावंत,संदीप मिरजे,संतोष भोसले,यांच्यासह नागरिक उपस्थित होते.

फोटो:-

मराठा समाजाला आरक्षण मिळावे यासाठी हेरले येथील तरुणांनी एकदिवसीय उपोषन केले प्रसंगी.

मौजे वडगाव येथील आरसीसी रस्त्याचे काम पूर्ण माजी आम . अमल महाडिक यांच्या कडून ८ लाखाचा निधी

हेरले / प्रतिनिधी  

माजी आमदार अमल महाडिक यांनी मौजे वडगाव गावच्या विकासाला प्राधान्य दिले आहे . गावातील विविध विकास कामासाठी लाखो रुपयेचा निधी दिला आहे . त्यांच्या मदतीने सुतार पाणंद रस्त्याचे काम मार्गी लागले आहे . असे मत लोकनियुक्त सरपंच कस्तूरी पाटील यांनी व्यक्त केले त्या मौजे वडगाव ( ता . हातकणंगले ) येथील आर सी सी . रस्ता कामाच्या उद्‌घाटन प्रसंगी बोलत होत्या. तर कार्यक्रमाच्या अध्यक्षस्थानी उपसरपंच सुनिल खारेपाटणे होते

           त्या म्हणाल्या की, महाडिक कुटूंबीय मौजे वडगावच्या विकासासाठी कायमपणे कटिबद्ध आहेत . सध्या गावामध्ये वॉर्ड नं . २ मध्ये महादेव मंदिर पासून तानाजी सावंत घरापर्यंतचा आरसीसी रस्त्यासाठी जनसुविधा अंतर्गत ८ लाखाचा निधी देऊन अत्यंत गरजेचा असणारा रस्ता पूर्ण केला आहे . त्यामुळे वॉर्ड नं . २ मधील ग्रामस्थामध्ये समाधान व्यक्त होत आहे .

          यावेळी ग्रा पं सदस्य रघूनाथ गोरड , सविता सावंत, सुनिता मोरे , दिपाली तराळ , सुवर्णा सुतार , रावसो चौगुले, श्रीकांत सावंत, मनोहर चौगुले , सतिशकुमार चौगुले, महादेव शिंदे , जयवंत चौगुले, अमोल झांबरे , अविनाश पाटील , आनंदा थोरवत, अमर थोरवत, शब्बीर हजारी , यांच्यासह ग्रामस्थ मोठ्या संख्येने उपस्थित होते. स्वागत व प्रास्तविक स्वप्नील चौगुले यांनी केले तर आभार सुरेश कांबरे यांनी मानले .

फोटो 

वॉड नं . २ मध्ये आरसीसी रस्त्याच्या उदघाटन प्रसंगी सरपंच कस्तुरी पाटील, उपसरपंच सुनिल खारेपाटणे, ग्रा. पं सदस्य सुरेश कांबरे , स्वप्नील चौगुले व मान्यवर

माध्यमिक शिक्षण संघटनांनी उपस्थित केलेल्या सर्व प्रश्नांची सोडवणूक करण्यासाठी कटिबद्द.-- माध्यमिक शिक्षणाधिकारी डॉ. एकनाथ आंबोकर

कोल्हापूर /प्रतिनिधी

   जिल्हा परिषद कोल्हापूर शिक्षण विभाग माध्यमिक यांच्या वतीने माध्यमिक शिक्षणाधिकारी डॉ. एकनाथ आंबोकर यांच्या अध्यक्षतेखाली संघटना सहविचार सभा कोल्हापूर जिल्हा मुख्याध्यापक संघ येथील सभागृहामध्ये संपन्न झाली. या सभेमध्ये कोल्हापूर जिल्हा शैक्षणिक व्यासपीठातील माध्यमिक व उच्च माध्यमिक मुख्याध्यापक, शिक्षक व शिक्षकेत्तर सेवक  संघटनांचेअध्यक्ष, सचिव व पदाधिकारी उपस्थित होते.

    या वेळी २९ उपस्थित संघटनांच्या प्रतिनिधीनी आपआपल्या संघटनेतील प्रश्न उपस्थित केले. त्यामध्ये वरीष्ठ वेतनश्रेणी, निवड श्रेणी, कालबध्द पदोन्नती, अर्धवेळ शिक्षकांचे प्रश्न, सीएचबी काम करणारे शिक्षकांचे प्रश्न, रजा रोखीकरण, भविष्य निर्वाह निधी स्लिपा वितरीत करणे, वेळेत देणे, शाळांचे अनुदान वेळेत मिळावे, ऑनलाईन माहिती भरतांना येणाऱ्या अडचणी संदर्भात प्रशिक्षण घेणे, पेन्शन पेपरवरती शिक्षणाधिकारी यांच्या सह्या करणे, पे युनिटमधील कर्मचाऱ्यांकडून व माध्यमिक शिक्षण विभागातील लिपीकांच्याकडून वागणूक योग्य प्रकारे मिळावी, अन्य शाळांकडून आलेल्या विद्यार्थ्यांची रिक्वेस्ट स्विकारणे बाबत, विविध शिष्यवृत्त्यांच्या मागणी प्रस्तावांची परिपत्रके १५ दिवस अगोदर पाठवीत, न्यू टयॅब वेळ वाढवून द्यावी, सर्व शिक्षा व समग्र शिक्षा निधी बाबत, शैक्षणिक सहलीची परवानगी बरोबरच खेळाडूसाठी बसेस परवानगी मिळणे, ग्रंथपालांच्या समस्येबाबत कँप लावणे आदी विषयांवर समग्र चर्चा झाली.

    शाळांच्यामध्ये दैंनदिन कामकाज करत असताना, शैक्षणिक दर्जा टिकविणे व गुणवत्ता वाढविणे या बाबत चर्चा करून शैक्षणिक क्षेत्रात उदभवणाऱ्या समस्या, शैक्षणिक काम निकोप वातावरणात पार पडण्यासाठी समस्या सोडविल्या जातील. त्यासाठी कटिबध्द असल्याचे माध्यमिक शिक्षणाधिकारी डॉ. एकनाथ आंबोकर यांनी या बैठकीमध्ये सांगितले.

  या बैठकी प्रंसगी  शिक्षणाधिकारी (योजना ) अनुराधा म्हेतरे, उपशिक्षणाधिकारी दिगंबर मोरे, अधीक्षक प्रवीण फाटक, विस्तार अधिकारी डी. एल. पाटील, जयश्री जाधव, रत्नप्रभा दबडे ,विश्वास सुतार, दगडू कुंभार, निलेश महाळुंगेकर, नितीन खाडे, कल्पना पाटील, अश्विनी पाटील, पुनम ठमके, अजिंक्य गायकवाड, सुशांत शिरतोडे, महेश पवार, सूर्यकांत पाटील, राज म्हेंदकर, उत्तम वावरे, गौरव बोडेकर आदी माध्यमिक शिक्षण विभागातील अधिकारी व लिपीक वर्ग उपस्थित होते.

   या सहविचार सभेमध्ये एस .डी. लाड, सुरेश संकपाळ, दत्ता पाटील, व्ही. जी. पोवार, डॉ. डी एस घुगरे,खंडेराव जगदाळे, सुधाकर निर्मळे, आर. वाय. पाटील, बाबासाहेब पाटील, उदय पाटील, के के पाटील, प्रभाकर हेरवाडे, शिवाजी माळकर, काकासाहेब भोकरे, मिलींद बारवडे, मनोहर जाधव, अरुण मुजुमदार, जगदीश शिर्के, एन एम पाटील, विष्णू पाटील, इरफान अन्सारी, अजित रणदिवे, कृष्णात पोतदार, बाजीराव साळवी आदींनी शैक्षणिक प्रश्न उपस्थित केले. २९ शिक्षक व शिक्षकेत्तर संघटनांचे पदाधिकारी उपस्थित होते.

    फोटो 

संघटना सहविचार सभेत बोलतांना

 माध्यमिक शिक्षणाधिकारी डॉ. एकनाथ आंबोकर

वडगाव विद्यालयात दांडिया स्पर्धा उत्साहात संपन्न.

पेठवडगांव / प्रतिनिधी

 शालेय विद्यार्थ्यांची गुणवत्ता वाढण्यासाठी संस्था आणखी काही विद्याशाखा चालू करत आहे. त्यामध्ये लॉ कॉलेज, फार्मसी कॉलेज इत्यादी विद्या शाखेंचा समावेश असेल. वडगाव विद्यालय सारख्या जुन्या व नामांकित शाळेमध्ये दर्जेदार शिक्षणामुळे विद्यार्थ्यांचा ओघ कायमस्वरूपी चांगला आहे. विद्यार्थ्यांच्या सर्वांगीण विकासासाठी संस्थेकडून जे जे प्रयत्न करता येतील ते आम्ही करू अशी ग्वाही  चेअरमन डॉ.मंजिरी मोरे देसाई यांनी दिली. स्वतः दांडिया खेळून विद्यार्थ्यांना दांडिया खेळण्यास प्रवृत्त केले. सर्व शाळेची पाहणी करून ज्या काही सोयीसुविधा करता येतील हे पाहिले.संस्थेच्या चेअरमन मंजिरी मोरे देसाई यांनी कार्यक्रमाच्या नियोजनाचे तोंड भरून कौतुक केले.

    श्रीमती सुशिलादेवी मल्हारराव देसाई युवती सचेतना फौंडेशन व वडगाव विद्यालय ज्युनियर कॉलेज वडगाव यांच्या संयुक्त विद्यमाने नवरात्र उत्सवानिमित्त दांडिया स्पर्धेचे आयोजन करण्यात आले होते. इयत्ता पाचवी ते बारावीच्या विद्यार्थिनींनी या स्पर्धेत सहभाग घेतला होता. शिक्षण प्रसारक मंडळ कोल्हापूरच्या चेअरमन डॉ.मंजिरी अजित मोरे देसाई यांनी स्पर्धेच्या उद्घाटन प्रसंगी विद्यार्थ्यांना मार्गदर्शन केले.

      या स्पर्धेत तीन क्रमांक काढले. यामध्ये प्रथम क्रमांक इयत्ता दहावीच्या महालक्ष्मी ग्रुपने पटकावला. द्वितीय क्रमांक इयत्ता आठवी व नववीच्या रॉयल ग्रुपने पटकावला. तसेच इयत्ता दहावीच्या डायमंड ग्रुपने तृतीय क्रमांक पटकावला. या कार्यक्रमाचे प्रास्ताविक विद्यालयाच्या पर्यवेक्षिका सौ. आर. आर. पाटील यांनी तर आभार ज्युनिअर कॉलेजच्या प्राध्यापिका सौ. पी. एस. मोहिते यांनी मानले. याप्रसंगी   शिक्षण प्रसारक मंडळ कोल्हापूरचे कौन्सिल सदस्य कोजिमाशी पतसंस्थेचे चेअरमन  तथा प्राचार्य लक्ष्मण उर्फ बाळ डेळेकर, उपमुख्याध्यापक सुधाकर निर्मळे ,पर्यवेक्षिका सौ आर. आर. पाटील ,संस्थेचे मुख्य लिपिक के. बी. वाघमोडे, तंत्र विभाग प्रमुख ए. एस. आंबी, परीक्षा विभाग प्रमुख डी. ए. शेळके, अतुल पाटील ,ज्येष्ठ शिक्षक डी. एस. कुंभार आदी मान्यवर उपस्थित होते. कार्यक्रमाचे सूत्रसंचालन सौ एस. ए. पाटील यांनी केले  या कार्यक्रमाचे छायाचित्रण डी. एस. कुंभार व सचिन पाटील यांनी केले. कार्यक्रमाला माध्यमिक व ज्युनिअर कॉलेज विभागातील सर्व शिक्षक बंधू भगिनी उपस्थित होते.  परीक्षक म्हणून सौ. एस. एस. चव्हाण व सौ यु .सी.पाखरे यांनी काम पाहिले.

     फोटो 

वडगाव विद्यालय ज्युनियर कॉलेज वडगावमध्ये बोलतांना चेअरमन डॉ. मंजिरी अजित मोरे देसाई , प्राचार्य बाळ डेळेकर व अन्य मान्यवर