कोल्हापूर प्रतिनिधी
महाराष्ट्र राज्य प्राथमिक शिक्षक संघ शहर शाखा कोल्हापूरच्या वतीने प्राथमिक शिक्षण समिती कोल्हापूरकडील आदर्श शिक्षकांना व कोव्हीड योद्ध्यांना गौरव चिन्ह व प्रमाणपत्र देऊन गौरवण्यात आले.
कोव्हीड काळात अखंडपणे सेवा बजावून समाजसेवेचे वृत्त अंगी बाळगणार्या *सेवाभावी शिक्षकांना* कोव्हीड योद्धा म्हणून त्यांचा सत्कार करण्यात आला तसेच ज्यांनी विद्यार्थ्यांचा सर्वांगीण विकास घडवण्यासाठी अहोरात्र कष्ट घेऊन आपल्या कार्याचा ठसा उमटवून स्वतःचे व शाळेचे नाव सर्वदूर पसरवले अशा आदर्श शिक्षकांना सुद्धा गौरव चिन्ह देऊन गौरविण्यात आले.
याप्रसंगी श्री व्ही. एम. पाटील प्राचार्य न्यू कॉलेज कोल्हापूर, श्री एस डी लाड, मुख्याध्यापक संघ संस्था अध्यक्ष, श्री राजाराम वरुटे राज्याध्यक्ष, श्री एस के यादव प्रशासनाधिकारिसो, श्री नामदेव रेपे महासचिव शिक्षक संघ, श्री वसंत चव्हाण शिक्षक नेते व सेवानिवृत्त संस्था अध्यक्ष, श्री बरगे सर माजी शै. पर्यवेक्षक, श्री सुनिल गणबावले शहर नेते, डॉ.अजितकुमार पाटील राज्य प्रतिनिधी, श्री मनोहर सरगर शहर अध्यक्ष, श्री दिलीप माने उपाध्यक्ष, श्री संदीप सुतार सरचिटणीस,श्री राजेंद्र पाटील कोषाध्यक्ष,श्री विजय सुतार शहर संघटक,सुभाष मराठे सर,जोतीबा बामणे सर,श्री कमलाकर काटे कार्याध्यक्ष,श्री विजय माळी, सौ सरदेसाई शै. पर्यवेक्षक उपस्थित होते.
कार्यक्रमाचे सूत्रसंचालन रावसो कांबळे व प्रियांका साजने यांनी केले. तर कार्यक्रमाचे नियोजन व आभार किरण पाडळकर यांनी केले.
◆━━━━━▣✦▣━━━━━━◆
