डिस्ट्रिक्ट रिपोर्टर्स वेल्फेअर असोसिएशनचे पुरस्कार जाहीर

 सुधाकर काशीद यांना जीवनगौरव 

डॉ. योगेश जाधव व नाबार्डचे माजी अध्यक्ष यशवंत थोरात यांची प्रमुख उपस्थिती

 कोल्हापूर / प्रतिनिधी

  कोल्हापूर डिस्ट्रिक्ट रिपोर्टर्स वेल्फेअर असोसिएशनतर्फे देण्यात येणारे विविध पुरस्कार आज जाहीर करण्यात आले. असोसिएशनच्या विशेष बैठकीत या पुरस्कारांची घोषणा करण्यात आली.  मराठी पत्रकार परिषदेशी संलग्न कोल्हापूर डिस्ट्रिक्ट रिपोर्टर वेल्फेअर असोसिएशन ही ग्रामीण भागातील विविध माध्यम समूहांच्या प्रतिनिधींची संघटना आहे. पत्रकारितेमध्ये उल्लेखनीय काम करणाऱ्या पत्रकारांचा या संघटनेमार्फत विविध पुरस्कार देऊन गौरव करण्यात येतो. 

दैनिक पुढारीचे चेअरमन व समूह संपादक डॉ. योगेश जाधव, नाबार्डचे माजी अध्यक्ष यशवंत थोरात व 

प्रा. शिवाजीराव भुकेले यांच्या हस्ते आणि संजय घोडावत विद्यापीठाचे विश्वस्त विनायक भोसले, प्राचार्य डॉ. विराट गिरी व बी. न्यूजचे कार्यकारी संपादक ताज मुलाणी यांच्या प्रमुख उपस्थितीत  हा कार्यक्रम संपन्न होणार आहे. 

अतिग्रे ( ता. हातकणंगले ) येथील संजय घोडावत विद्यापीठाच्या सभागृहात रविवारी ( ता. ८ जानेवारी ) सकाळी दहा वाजता या पुरस्कारांचे वितरण होणार असल्याचे संघटनेचे संस्थापक अध्यक्ष सुधाकर निर्मळे यांनी सांगितले. 

    सन २०२१ - २०२२ या वर्षासाठी जाहिर झालेले मुख्य पुरस्कार पुढीलप्रमाणे :  सुधाकर काशीद 

( दै. तरुण भारत ) यांना जीवनगौरव,  प्रा. रवींद्र पाटील ( दै. सकाळ ) यांना जिल्हा उत्कृष्ट पत्रकार, मोहसिन मुल्ला ( दै. पुढारी ) यांना इलेक्ट्रॉनिक मीडिया, दीपक घाटगे ( दै. नवराष्ट्र ) यांना आदर्श आवृत्तीप्रमुख, संतोष बामणे ( दै. पुढारी ) यांना जिल्हा उत्कृष्ट सेवा व तानाजी पाटील ( एस. न्यूज ) यांना जिल्हा उत्कृष्ट छायाचित्रकार / कॅमेरामन पुरस्कार देऊन गौरविण्यात येणार आहे. 

   उत्कृष्ट तालूका पत्रकार पुरस्कार पुढील प्रमाणे :  

शिरोळ - मनोज शिंदे ( दै. पुढारी ), संतोष तारळे ( दै. लोकनेता ), हातकणंगले - नंदकुमार साळोखे ( दै. तरुण भारत ), शिरीष आवटे ( दै.पुढारी ), आजरा -सचिन चव्हाण ( एसबीएन न्यूज ), भुदरगड - संतोष भोसले ( दै. सकाळ ), गजानन देसाई ( दै. लोकमत ), गडहिंग्लज - रवींद्र हिडदूगी 

( दै. लोकमत ), निपाणी - संभाजी माने ( दै. तरुण भारत ), चंदगड - बाबासाहेब मुल्ला ( सा. न्यूज लाईफ ), शाहूवाडी -  संजय जगताप ( दै. महासत्ता ), पन्हाळा - रवींद्र पाटील ( दै. पुढारी ) व शिवाजी पाटील ( दै. तरुण भारत ), करवीर - विश्वनाथ गोविंद मोरे ( दै. तरुण भारत ), कागल - कृष्णाजी शेटके ( दै. तरुण भारत ) व राजू चव्हाण ( फोटोग्राफर ), राधानगरी - पी. जी. कांबळे ( दै. तरुण भारत ), गगनबावडा - महादेव कांबळे ( स्पिड न्यूज लाईव्ह २४ )असे आहेत. 

यावेळी उपाध्यक्ष अभिजित कुलकर्णी, सचिव सुरेश पाटील, खजानीस नंदकुमार कुलकर्णी, अतूल मंडपे,  रविंद्र पाटील, सतिश पाटील, सुरेश कांबरे आदी उपस्थित होते. 

...................................................................................................

हेरले (ता हातकणंगले) येथे कौतुक विद्यालयाचे वार्षिक स्नेहसंमेलन उत्साहात संपन्न

हेरले /प्रतिनिधी

हेरले:-

हेरले (ता हातकणंगले) येथे कौतुक विद्यालयाचा वार्षिक स्नेहसंमेलन कार्यक्रम उत्साहात संपन्न झाला. दीपप्रज्वलन आजी आजोबा व सस्थापक अध्यक्ष विश्वास पवार  व शिंदे सर याचे हस्ते श्रीपळ वाढवून उदघाटन  यांच्या हस्ते करण्यात आले.

      यावेळी कौतुक विद्यालयाचे अध्यक्ष विश्वास पवार  म्हणाले अभ्यासक्रमातील शिक्षण घेत असतानाच विद्यार्थ्यांनी आपल्या अंगभूत सुप्त गुणांना वाव देण्यासाठी सांस्कृतिक कार्यक्रमांमध्येही सहभाग घेणे आवश्यक आहे.

      कौतुक विद्यालयाच्या प्रत्येक इयतेतील मुलांनी पारंपारीक सांस्कृतिक गीत, चित्रपटातील गीतांवर नृत्ये सादर केली, एकपात्री व नाटीकाही सादर केल्या. अत्यंत उत्साहात नृत्यांची परीपूर्ण तयारीने चिमुरड्यांनी नृत्यांचा अविष्कार सादर केला.

या प्रसंगी संचालक  शिंदे  सुनील भोसले, मुख्याध्यापक ए . एन. पाटील विभाग प्रमुख के. ए. खतीब व शिक्षक शिक्षकेत्तर पालकवर्ग उपस्थित होते.

      फोटो 

हेरले येथील कौतुक विद्यालयाच्या विदयार्थी सांस्कृतिक कार्यक्रमात कला सादर करतांना.

माझी शाळा येथील शिक्षकांवर प्राणघातक हल्ला करणा-याना त्वरीत अटक करा - जिल्हा शैक्षणिक व्यासपीठ

कोल्हापूर / प्रतिनिधी

दोन दिवसात हल्लेखोरांना अटक झाली नाही तर कोल्हापूर जिल्ह्यातील सर्व शाळा व महाविद्यालये बंद ठेवून   जिल्हाधिकारी कार्यालयावर  पालक व शिक्षक यांचा भव्य मोर्चा काढण्यात येईल असा इशारा कोल्हापूर शैक्षणिक व्यासपीठाचे अध्यक्ष एस. डी लाड यांनी दिला.आज  मुख्याध्यापक संघाच्या विद्याभवन येथे झालेल्या  कोल्हापूर जिल्हा शैक्षणिक व्यासपीठाच्या सभेत 

अध्यक्षस्थानावरून बोलत होते.

  स्व. मीरासाहेब मगदूम यांनी स्थापन केलेली माझी शाळा ही अत्यंत उपक्रमशील व विद्यार्थ्यांवर उत्तम संस्कार करणारी असून या शाळेतील संजय सुतार या शिक्षकांवर काल प्राणघातक हल्ला करून त्यांना जीवे मारण्याचा प्रयत्न केला. याचा कोल्हापूर जिल्हा शैक्षणिक व्यासपीठ तीव्रपणे निषेध करत आहे व हल्लेखोरांना त्वरीत पोलीसांनी अटक करून त्यांच्यावर तातडीने खटले दाखल करावेत अशी मागणी आज झालेल्या कोल्हापूर जिल्हा शैक्षणिक व्यासपीठाच्या सभेत करण्यात आली. 

    माझी शाळा येथील संजय सुतार या शिक्षकांवर झालेला प्राणघातक हल्ला कोल्हापूरच्या शिक्षण क्षेत्राला काळीमा फासणारा आहे.असे प्रकार होत राहिल्यास शिक्षकांच्यामध्ये भितीचे वातावरण निर्माण होऊन त्यांचेकडून अध्यापनाचे कार्य व्यवस्थित होणार नाही. म्हणून हल्लेखोरांना त्वरीत पकडून त्यांच्यावर गुन्हे दाखल केल्यास शिक्षण क्षेत्रातील भितीचे वातावरण नष्ट होईल, हल्लेखोरांना अटक करण्याच्या बाबतीत राजकीय हस्तक्षेप होऊ नये, जिल्हा पोलिस प्रमुखांच्या कार्यालयावर विद्यालयातील विद्यार्थी पालकांचा मोर्चा नेण्यात यावा, शाळा महाविद्यालयांच्या सभोवताली उपद्रव करणाऱ्या टोळक्यांचा बंदोबस्त करावा, शालेय शिक्षण मंत्री दीपक केसरकर यांना लेखी निवेदन द्यावे, शिक्षकांच्या सुरक्षिततेसाठी शिक्षण विभागाने पावले उचलावीत अशा विविध प्रकारच्या सूचना सभेत शैक्षणिक संघटनांच्या पदाधिका-यांनी केल्या.

    या सभेस शिक्षक नेते दादा लाड, भरत रसाळे, डॉ. डी एस घुगरे, खंडेराव जगदाळे, प्रा. सी. एम. गायकवाड, प्रभाकर हेरवाडे, शिवाजी माळकर, इरफान अन्सारी, सुधाकर निर्मळे, मिलींद बारवडे, काकासाहेब भोकरे,राजेश वरक, संतोष आयरे, सुधाकर सावंत, उमेश देसाई, जगदीश शिर्के, राजेंद्र कोरे,दत्तात्रय जाधव आदीसह विविध शैक्षणिक संघटनेचे पदाधिकारी व माझी शाळेतील संस्थेचे पदाधिकारी व शिक्षकवृंद उपस्थित होते.

      

हल्लेखोरांना त्वरीत अटक करण्यात यावी या विषयी शैक्षणिक व्यासपीठाच्या वतीने बुधवार दि. २८ डिसेंबर रोजी सायंकाळी ५.३० वाजता  शाहुपुरी पोलीस स्टेशनला निवेदन देण्यात येणार आहे. तरी कोल्हापूर शहर व लगतच्या सर्व शाळा महाविद्यालयातील शिक्षक शिक्षकेत्तर सेवकांनी सहभाग घ्यावा असे आवाहन करण्यात आले.

     फोटो 

कोल्हापूर जिल्हा शैक्षणिक व्यासपीठाच्या सभेत बोलतांना अध्यक्ष एस डी लाड शिक्षक नेते दादासाहेब लाड व अन्य मान्यवर

हेरले (ता. हातकणंगले) येथील ग्रामपंचायत निवडणूकीत तिरंगी लढतीत स्वाभिमानी शेतकरी ग्रामविकास आघाडीचे राहुल शेटे सरपंचपदी विजयी

हेरले /प्रतिनिधी

हेरले (ता. हातकणंगले) येथील ग्रामपंचायतीच्या निवडणूकीत तिरंगी लढत होऊन माजी सभापती  राजेश पाटील यांच्या स्वाभिमानी शेतकरी 

ग्रामविकास आघाडीचे सरपंच उमेदवार राहुल महावीर शेटे यांनी राजर्षी छ. शाहु  ग्रामविकास आघाडीचे

महमंदबख्तियार बालेचाँद जमादार यांच्यावर अटीतटीच्या लढतीत १३ मतांनी विजय संपादन केला. 

  या विजयासह स्वाभिमानी शेतकरी 

ग्रामविकास आघाडीचे सरपंचपदासह ६ ग्रामपंचायत सदस्य निवडून आले.

माजी सभापती राजेश पाटील,माजी सभापती डॉ. पद्माराणी पाटील, मुनीर जमादार, प्रा. राजगोंड पाटील, माजी उपसभापती अशोक मुंडे, कपिल भोसले यांनी आघाडीचे नेतृत्व करीत निवडणुक हाताळली.

   माजी सरपंच बालेचाँद जमादार व जवाहर साखर कारखान्याचे संचालक आदगोंडा पाटील यांच्या नेतृत्वाखालील राजर्षी छ. शाहु  ग्रामविकास आघाडीचे ११ ग्रामपंचायत सदस्य निवडून आले आहेत.

  माजी ग्रामपंचायत सदस्य अमरसिंह वड्ड यांच्या नेतृत्वाखाली युवा लोकजनशक्ती गाव विकास आघाडीचे सरपंच पदाचे उमेदवार स्वतः होते. त्यांनी पॅनेल करून  तिरंगी लढत दिली. मात्र त्यांना स्वतःसह सर्वच सतरा जागांवर अपयश आले. मात्र त्यांनी या आघाडीच्या माध्यमातून गावांमध्ये तिसरा पर्याय आहे हे त्यांनी दाखवून दिले.

            

   सरपंचपदाच्या उमेदवारांना मिळालेली मते

१)अनिल उपाध्ये - ४४७

२) महमंदबख्तियार जमादार - ३२४३

३) अमर वडु - १०३२

४) राहुल शेटे - ३२५६ - विजयी

५) नोटा - ५८

झालेले एकूण मतदान - ८०३६ 

    विजयी उमेदवार

हिरालाल कृष्णा  कुरणे,सुशीला सुभाष परमाज,बानू अस्लम खतीब,मनोज मलगोंडा पाटील,वनिता अशोक खाबडे,रंजना मानसिंग माने,विजय रवींद्र भोसले,गीतांजली सुभाष चौगुले, अर्जुन कृष्णात पाटील, अमीन हिम्मत बारगिर,शुभांगी राहुल चौगुले,राकेश सर्जेराव जाधव,सविता बाळगोंडा पाटील,महमंदबख्तियार बालेचाँद जमादार ,अमित आदगोंडा पाटील,निलोफर इब्राहिम खतीब,उर्मिला प्रकाश कुरणे आदी विजयी झाले.

हेरले गावामध्ये दोन्ही ग्रामविकास आघाडीच्या कार्यकर्त्यांनी गुलालाची उधळण करीत आनंदोत्सव साजरा केला.

मौजे वडगाव येथील ग्रामपंचायत निवडणुकीत जय शिवराय ग्रामविकास आघाडीचा विजय

हेरले /प्रतिनिधी

मौजे वडगाव येथील ग्रामपंचायत निवडणुकीत जय शिवराय ग्रामविकास आघाडीच्या लोकनियुक्त सरपंच सौ. कस्तुरी अविनाश पाटील यांचेसह आठ सदस्य विजयी झाले व सत्ताधारी संयुक्त ग्रामविकास आघाडी व मौजे वडगाव ग्रामविकास आघाडी यांचा पराभव करून सत्तांतर घडवले.

येथील ग्रामपंचायत निवडणुक सत्ताधारी संयुक्त ग्रामविकास आघाडी, जय शिवराय ग्रामविकास आघाडी व मौजे वडगाव ग्रामविकास आघाडी अशी तिरंगी लढत झाली होती. 

यामध्ये जयशिवराय आघाडीच्या लोकनियुक्त सरपंच पदी सौ. कस्तुरी अविनाश पाटील या ११९ मतांनी विजयी झाल्या.व  आठ सदस्य विजयी झाले. तर सत्ताधारी संयुक्त आघाडीचे तीन सदस्य विजयी झाले.

जय शिवराय आघाडीचे विजयी उमेदवार पुढीलप्रमाणे:-

सौ. सुवर्णा श्रीकांत सुतार, स्वप्नील रावसाहेब चौगुले, सौ.  दिपाली दयानंद तराळ, सौ.सविता तानाजी सावंत, सुनिल सर्जेराव खारेपाटणे, सुरेश मनोहर कांबरे, सौ.सुनिता दगडू मोरे, रघुनाथ यशवंत गोरड, 

सत्ताधारी गटाचे नितीन संभाजी घोरपडे, सौ. मधुमती सचिन चौगुले, सौ.अश्विनी संतोष आकीवाटे.

निकाल घोषित होताच विजयी उमेदवारांच्या समर्थकांनी जल्लोष केला.

हेरले गावासाठी १५ कोटी रुपयांची विकास कामे पूर्ण.'मी नाही बोलत, माझे काम बोलते - माजी सभापती राजेश पाटील

कोल्हापूर / प्रतिनिधी

हेरले गावामध्ये जिल्हा परीषद, पंचायत समिती व ग्रामपंचायतीच्या माध्यमातून पाच वर्षात पंधरा कोटी रुपये पेक्षाही जास्त विकास निधी मंजूर करून विकास कामे पूर्ण केली आहेत. गावाचे रुपडे पालटून शहराचे रूप विकास कामांच्या माध्यमातून गावास प्राप्त झाले आहे. 'हे मी नाही बोलत माझे काम बोलते'. असे प्रतिपादन माजी सभापती राजेश पाटील यांनी केले. ते हेरले ( ता. हातकणंगले ) येथील ग्रामपंचायत समोर आयोजित स्वाभिमानी शेतकरी ग्रामविकास आघाडीच्या ग्रामपंचायत निवडणूकीच्या प्रचारसभे प्रसंगी बोलत होते.

    माजी सभापती राजेश पाटील पुढे म्हणाले,प्राथमिक आरोग्य केंद्रासाठी ७ कोटी ५० लाख , गाव तलाव सुशोभिकरणासाठी १ कोटी ८० लाख रुपयांचा निधी,  वाढीव नळ पाणी पुरवठा योजनेसाठी २ कोटी रुपयांचा निधी

आदी विकास कामांचा निधी मंजुरीच्या अंतिम टप्प्यात आहे. कन्या शाळेची ७ खोल्यांची ५० लाखाची इमारत पूर्णत्वास येत आहे. या विकास निधीसह  अन्य  विविध  विकास कामाची ध्येय पूर्ती साध्य करायची आहे. ग्रामपंचायत १९२७ साली स्थापन झाली. स्थापनेपासून माझ्या पाटील घराण्यातील माझे पणजोबा, आजोबा , वडील यांनी  सरपंच पदाच्या माध्यमातून गावाचा विकास केला आहे. त्यांचीच परंपरा आम्ही जपून गेली पंधरा वर्षे गावाचा विकास करीत आहोत. या निवडणूकीत जनतेने आम्हास लोकनियुक्त सरपंच पदासह १७ ग्रामपंचायत सदस्य उमेदवारांना निवडून देऊन सत्ता द्यावी. २०२२ ते २०२७ पर्यंत पाच वर्षात विकास कामाचा डोंगर रचून ग्रामपंचायतीचे शतक महोत्सवी वर्ष साजरे करूया असे आवाहन माजी सभापती राजेश पाटील यांनी हेरले गावातील मतदार बंधू भगिनींना केले. ते हेरले ( ता. हातकणंगले ) येथील ग्रामपंचायत समोर आयोजित स्वाभिमानी शेतकरी ग्रामविकास आघाडीच्या ग्रामपंचायत निवडणूकीच्या प्रचारसभे प्रसंगी बोलत होते.

   जिल्हा परिषद महिला व बालकल्याण समितीच्या माजी सभापती डॉ. पद्माराणी पाटील म्हणाल्या, माजी सभापती राजेश पाटील यांनी गेल्या पंधरा वर्षामध्ये ग्रामपंचायत इमारत,अंतर्गत रस्ते, गटर्स, नळपाणी पुरवठा योजना, नविन बालवाड्या इमारती, घरकुल योजना, ग्रामस्थांसाठी वैयक्तिक लाभार्थ योजना, शाळांच्या इमारती दुरुस्ती, समाज मंदिर दुरुस्ती व रंगरंगोटी,मागास वर्गिय समाजांना कार्यक्रमांसाठी भांडी व इतर वस्तू भेट योजना, आदी सार्वजनिक विकास कामांसाठी कोट्यावधी रुपयांचा निधी  ग्रामपंचायत, पंचायत समिती व जिल्हा परिषदेच्या माध्यमातून मंजूर करून आणला आणि गावची  विकास कामे पूर्णत्वास आणली. म्हणून ' मी नाही बोलत माझे काम बोलते' हे घोषवाक्य आम्ही सिद्ध करून दाखविले आहे. म्हणून गावची जनता आमच्या आघाडीच्या पाठीशी असल्याने आमच्या आघाडीचा विजय निश्चित असल्याचे स्पष्ट केले.

     या प्रचार सभेमध्ये स्वाभिमानी शेतकरी ग्रामविकास आघाडीचे लोकनियुक्त सरपंच पदाचे उमेदवार राहुल शेटे यांनी ई ग्रामपंचायतीच्या माध्यमातून व नविन आधुनिक विविध तंत्रज्ञानाच्या माध्यमातून ग्रामस्थांना सर्व सोयी सुविधा घर बसल्या कशा प्राप्त होतील या कार्याचा संकल्प जाहिर करून विविध विकास कामे करण्याचे बळ देण्यासाठी बहुमोल मतदान करून आघाडीस निवडून देण्याचे आवाहन केले.

     स्वाभिमानी शेतकरी संघटनेचे हातकणंगले तालुका सरचिटणीस मुनीर जमादार म्हणाले, पंचायत समितीच्या माध्यमातून गावातील पाणंद रस्त्यांच्या विकासासाठी लाखो रुपयांच्या निधी मंजूर करून आठ पाणंद रस्त्यांचे मुरुमीकरन केल्याने शेतकऱ्यांची वाहतूकीची व्यवस्था झाली आहे. गावातील शेतकऱ्यांच्या उन्नतीसाठी आपली स्वाभिमानी शेतकरी ग्रामविकास आघाडी कशी प्रयत्नशील आहे ते स्पष्ट केले.

        प्रा. राजगोंड पाटील व माजी उपसभापती अशोक मुंडे यांनी पुढील पाच वर्षात गावांमध्ये माध्यमिक व उच्च माध्यमिक शिक्षणाची सोय करून गावातील मुलांना उत्तमोत्तम शिक्षण देण्यासाठी प्रयत्नशील राहण्याचा निर्धार केला. या प्रसंगी चेअरमन निलोफर खतीब, वंदना चौगुले,पोपट चौगुले,प्रा. प्रभूदास खाबडे, माजी सरपंच रियाज जमादार, माजी उपसरपंच विजय भोसले, संदीप चौगुले, माजी ग्रामपंचायत सदस्य  मज्जिद लोखंडे, संजय खाबडे, आदींनी विरोधकांचा खरपूस समाचार घेत स्वाभिमानी आघाडीस विजयी करण्याचे आवाहन केले. या वेळी ॲड. राजू पाटील, कपील भोसले, स्वप्नील कोळेकर आदी मान्यवरांसह १७ ग्रामपंचायत सदस्य उमेदवारसह मोठ्या संख्येने ग्रामस्थ उपस्थित होते. सूत्रसंचालन सुरेश चौगुले यांनी केले.

   फोटो 

हेरले : स्वाभिमानी शेतकरी ग्रामविकास आघाडीच्या प्रचार सभेत बोलतांना माजी सभापती राजेश पाटील शेजारी अन्य मान्यवर.

खेळातूनच सक्षम विद्यार्थी घडणार आहेत.-- वृक्षप्रेमी सरदार पाटील

 

प्राथमिक शिक्षण समिती महानगरपालिका कोल्हापूर संचलित राजश्री शाहू विद्यामंदिर शाळा क्रमांक 11 कसबा बावडामध्ये आंतरशालेय स्पर्धा घेण्यात आल्या.शाळेचे केंद्रमुख्यध्यापक डॉ अजितकुमार पाटील यांनी स्वागत व प्रास्तविक केले.

 आजच्या स्पर्धेमध्ये लिंबू चमचा, कबड्डी, लंगडी,रिले,9,11,14 वर्षे वयोगटात स्पर्धा घेण्यात आल्याप्राथमिक शिक्षण समितीचे प्रशासनाधिकारी एस के यादव यांच्या प्रेरणेने व शैक्षणिक पर्यवेक्षक उषा सरदेसाई, विजय माळी, बाळासाहेब कांबळे,क्रिडा निरीक्षक सचिन पांडव यांच्या मार्गदर्शनाखाली स्पर्धेचे उद्घाटन कसबा बावडा वृक्षप्रेमी ग्रुपचे अध्यक्ष सरदार पाटील ,पोलीस हवालदार कृष्णात पिंगळे ,सामाजिक कार्यकर्ते सचिन चौगले, अध्यक्ष दीपक भोसले,राजू चौगले, राहुल आळवेकर ,सामाजिक कार्यकर्ते संजय लाड ,अनिल सुतार, संतोष गायकवाड, अमृता चौगले, मधुकर पोवार,संजय पोवार यांच्या प्रमुख उपस्थितीत शालेय क्रीडा स्पर्धेचे उद्घाटन जोरदारपणे झाले.

शालेय स्पर्धेमध्ये गणेश घाटगे यांनी क्रीडा शपथ घेतली 9 11 14 वयोगटातील विद्यार्थ्यांचे प्रथम क्रमांक द्वितीय क्रमांक तीन क्रमांक विद्यार्थ्यांचे अभिनंदन केले ज्येष्ठ शिक्षक उत्तम कुंभार ,सुशील जाधव उत्तम पाटील ,आसमा तांबोळी, तमेजा मुजावर, विद्या पाटील ,बालवाडी मुख्याध्यापिका कल्पना पाटील, मदतनीस सावित्री काळे यांनी सहकार्य केले

 कार्यक्रमासाठी शालेय व्यवस्थापन समिती अध्यक्ष रमेश सुतार, अनुराधा गायकवाड ,दिपाली चौगुले, नीलम पाटोळे, वर्षा दाभाडे, इलाई मुजावर इत्यादी शाळा व्यवस्थापन समितीचे सदस्य उपस्थित होते आभार जान्हवी ताटे ने मांडले

सद्गुरु निरंजन महाराज आश्रम, मौजे वडगांव यांच्या वतीने विविध धार्मिक कार्यक्रमांचे आयोजन

हेरले /प्रतिनिधी

 सद्गुरु निरंजन महाराज आश्रम, मौजे वडगांव यांच्या वतीने गुरुवार दि. १५ डिसेंबर रोजी श्री सद्गुरु निरंजन महाराज यांच्या २५ वी पुण्यतिथी व शारदामाता जयंती निमित्त आश्रमामध्ये दोन दिवस विविध धार्मिक  कार्यक्रमाचे आयोजन केले आहेत.

   बुधवार, दि. १४ रोजी सकाळी ९:०० ते १२:०० ज्ञानेश्वरी अध्याय १२. पारायण व चिंतन मार्गदर्शक: ह.भ.प. वेदांताचार्य उदयशास्त्री महाराज, गोटखिंडी

 सकाळी १० ते २ मोफत वैद्यकीय शिबीर निदान व मार्गदर्शन (साई कार्डीयाक सेंटर, कोल्हापूर.) रात्री ०८:०० ते ११:०० एकतारी भजन- श्री. दत्तात्रय कुंभार व सहकारी, घालवाड, कोल्हापूर

   गुरुवार, दि. १५ रोजी सुर्योदय ७:०६ वा.'श्री' चे पादुकांना अभिषेक

सकाळी ८:०० ते ९:००नोंदणी व चहापान सकाळी ९:०० ते ११:००: भजन श्री भजनी मंडळ, हेरले ,सकाळी ११:०० ते १२:०० प्रवचन: परमार्थभूषण ह.भ.प. श्री. नारायण एकल,

दुपारी १२:०० ते १२:०५ : श्री सद्गुरु निरंजन महाराज पुण्यतिथी सोहळा  श्री शारदामाता जयंती : फोटोपूजन व पुष्प अर्पण महाराज, जोगेवाडी.

दुपारी १२:०५ ते ०१:००: प्रवचन: ह.भ.प. श्री. मधुकर पाटील महाराज, कावणे, कोल्हापूर

दुपारी १० ते १:१५ आर्शिवचन गुरुवर्य श्री. शामनाथ बत्ते महाराज, इचलकरंजी -

दुपारी १:१५ ते १:३० सत्कार समारंभ स्वामीभक्त श्री नंदुआण्णा माणगांवकर, शिरोळ,दुपारी १:३० ते ३  महाप्रसाद

दुपारी ०३:०० ते ५:०० भजन : श्रीधर महिला भजनी मंडळ, कोल्हापूर.

यांच्या अमृत हस्ते, ५:०० ते ६:०० प्रवचन: ह.भ.प. श्री. अनंत कुंभार महाराज, बुधगाव, सांगली.

६:०२: सुर्यास्त व आरती

या कार्यक्रमास सद्भक्तांनी उपस्थित राहून लाभ घ्यावा असे आवाहन श्री सद्गुरु निरंजन महाराज चॅरिटेबल ट्रस्ट, मौजे वडगांव 'ट्रस्टच्या वतीने प्रसिद्धी पत्रकाद्वारे  केले आहे.

मुरगुड विद्यालय ज्युनिअर कॉलेजच्या संघाची जिल्हास्तरीय खो-खो स्पर्धेसाठी निवड

कोल्हापूर / प्रतिनिधी

कागल येथे संपन्न झालेल्या तालुकास्तरीय क्रीडा स्पर्धेत खो खो क्रीडा प्रकारात 19 वर्षाखालील मुलींच्या गटात मुरगुड विद्यालय जुनियर कॉलेज मुरगुड च्या खेळाडूंनी विजेतेपद पटकावले या संघाची जिल्हास्तरीय खो-खो स्पर्धेसाठी निवड झाली आहे. 

     यामध्ये अनुराधा शिंदे, अनुष्का तहसीलदार, अरुणा रेपे, उत्कर्षा पाटील, गायत्री मसवेकर, दिपाली गुरव, मृण्मयी खराडे, विशाखा कांबळे, शर्वरी मगदूम, सरिता लोहार, सरिता कळमकर ,सृष्टी पाटील या खेळाडूंचा समावेश आहे या खेळाडूंना क्रीडाशिक्षक व्ही. आर. गडकरी यांचे मार्गदर्शन तर शिक्षण प्रसारक मंडळ कोल्हापूरचे सचिव प्रा. जयकुमार देसाई अध्यक्ष शिवानीताई देसाई, उपाध्यक्ष शिवाजीराव सावंत, चेअरमन मंजिरी देसाई मोरे, युवा नेते दौलतराव देसाई कोजीमाशीचे जेष्ठ संचालक बाळ डेळेकर  प्राचार्य एस. आर. पाटील, उपप्राचार्य एस. पी. पाटील, उपमुख्याध्यापक एस. बी. सूर्यवंशी, पर्यवेक्षक एस. एच. निर्मळे यांचे प्रोत्साहन लाभले.

 

फोटो...

मुरगुड... मुरगुड विद्यालयाच्या जिल्हास्तरीय क्रीडा स्पर्धेसाठी निवड झालेल्या संघासमवेत प्राचार्य एस. आर. पाटील उपप्राचार्य एस. पी. पाटील क्रीडा शिक्षक व्ही. आर. गडकरी.

केंद्रस्तरीय क्रिडा स्पर्धेत केंद्रीय प्राथमिक शाळा हेरलेचे घवघवीत यश

हेरले / प्रतिनिधी

शैक्षणिक वर्ष २०२२-२३ साठी मौजे वड‌गाव (ता. हातकणंगले)येथे घेण्यात आलेल्या केंद्रस्तरिय क्रिडा स्पर्धेत केंद्रिय प्राथमिक शाळा हेरलेच्या वि‌द्यार्थ्यांनी विविध क्रिडा प्रकारात पदकाची लयलूट करीत घवघवीत यश मिळवले. 

  दि. 30 नोव्हेंबर व १ डिसेंबर या कालावधीत झालेल्या  स्पर्धेत  विद्यार्थ्यांनी लहान गट आणि मोठ्या गटात उल्लेखनीय कामगिरी केली. या स्पर्धेत मोठा गट सांघिक स्पर्धा कबड्डीत प्रथम विजेता ठरत तालुकास्तरीय सर्वेक्षण पात्र ठरला. सांघिक खो-खो मोठा गट द्वितीय क्रमांक, मोठा गट लांब उडीत आदर्श कटकोळे याने द्वितीय क्रमांक पटकावला, मोठा गट 200 मी धावणे आर्यन लोहार द्वितीय क्रमांक पटकाविला, कुस्ती   ४५ कि. वजनी गटात प्रवर्तक हाबळे याने प्रथम क्रमांक पटकावत तालुक्याच्या स्पर्धेसाठी पात्र ठरला. तर लहान गटाने सांघिक खो-खो प्रकारात द्वितीय क्रमांक पटकावला.  ५० मी. धावणेमध्ये रुद्र खोत याने प्रथम क्रमांक पटकाविला,१०० मीटर धावणे मध्ये रूद्र खोत याने द्वितीय क्रमांक पटकाविला,२५कि. वजनी गटात कुस्तीत अनुकल्प डोरले याने द्वितीय क्रमांक मिळवला.

 केंद्रशाळा  शाळेत शाळा व्यवस्थापन समिती व पालक, मान्यवरांच्या उपस्थितीत आयोजित कौतुक कार्यक्रमामध्ये विविध बक्षीसे देऊन या विद्यार्थ्यांना सन्मानित करण्यात आले.

  या स्पर्धेसाठी मुख्याध्यापक  रावसाहेब चोपडे, शिक्षक सय्यद , कोरे ,  प्रेरणा चौगुले, निगार कराडे,  जी. एम लोंढे ,  पूनम चव्हाण  यांचे मार्गदर्शन विद्यार्थ्यांना लाभले. या यशाबद्दल विद्यार्थी व शिक्षकांचे पालकांमधून कौतुक होत आहे.

      फोटो 

हेरले केंद्रिय प्राथमिक शाळेचे  केंद्रस्तरिय क्रिडा स्पर्धेत घवघवीत यश संपादन करणाऱ्या विद्यार्थ्यांसोबत मुख्याध्यापक रावसाहेब चोपडेसह शिक्षकवृंद

डॉ कमळकर यांच्या पुस्तकास बन्सल पुरस्कार

कोल्हापूर /प्रतिनिधी       

 कागल चे गटशिक्षणाधिकारी डॉ गणपती कमळकर(रा मळगे बुद्रुक) यांच्या ऑनलाइन शिक्षण पद्धती या पुस्तकाला यावर्षीचा डॉ कुमुद बन्सल उत्कृष्ठ शैक्षणिक ग्रंथ पुरस्कार जाहीर झाला आहे.यशवंतराव चव्हाण सेंटर मुंबई मध्ये चार डिसेंबर ला होणाऱ्या शिक्षण परिषदेत हा पुरस्कार वितरीत होणार आहे.रोख रु पाच हजार सन्मान चिन्ह व प्रशस्ती पत्र असे पुरस्काराचे स्वरूप आहे.           यशवंतराव चव्हाण सेंटर मुंबई च्या वतीने दरवर्षी शैक्षणिक विषयावरील लेखनाला प्रोत्साहन मिळावे यासाठी डॉ कुमुद बन्सल उत्कृष्ठ शैक्षणिक ग्रंथ पुरस्कार दिला जातो.यावेळी महाराष्ट्रातील पाच पुस्तकांना पुरस्कार जाहीर झाला आहे.यामध्ये डॉ कमळकर यांच्या ऑनलाइन शिक्षण पद्धती या पुस्तकाचा समावेश आहे.कोरोना काळापासून ऑनलाइन शिक्षण पद्धती किती महत्वाची आहे याची जाणीव सर्वच क्षेत्राला झाली आहे.या ऑनलाइन शिक्षण पद्धतीने शिक्षण क्षेत्रात आमूलाग्र बदल करता येतात यावर सुंदर विवेचन कमळकर यांनी या पुस्तकात केले आहे.या पुस्तकाचे शिक्षण क्षेत्रात जोरदार स्वागत झाले होते.या पुरस्काराने या पुस्तकाचे महत्व अधोरेखित झाले आहे. 

मातोश्री वृद्धाश्रमातील वृद्धांनी अनुभवली लक्ष्मी पाटील यांची आभाळमाया

हेरले /प्रतिनिधी

ज्ञानदान करत असतानाच सामाजिक जबाबदारीचे भान ठेवून कार्यरत राहणे सगळ्यांना जमते असे नाही,

 पण आभाळमाय संस्थेच्या संस्थापिका अध्यक्ष व प्राथमिक शिक्षक बँकेच्या माजी संचालिका  लक्ष्मी पाटील या याला अपवाद आहेत किंबहुना म्हणून त्यांनी आपल्या 43 वा वाढदिवस रत्नाप्पा कुंभार नगर येथील शिवाजीराव पाटोळे यांच्या मातोश्री वृद्धाश्रमात साजरा केला, यावेळी सर्व वृद्धांसाठी त्यांनी मायेने स्वेटर्स वितरण दिलासा संस्थेच्या अध्यक्षा प्रा .डॉ.रूपा शहा यांच्या समवेत केले.

वाढदिवस साजरा करायचा म्हणजे तो केवळ आपल्या नातेवाईक मित्र मैत्रिणी समवेत दिमाखात करायचा असे न करता  लक्ष्मी पाटील यांनी आपले आई-वडील तसेच बहिणी यांच्या समवेत आणि "आभाळमाय "संस्थेतील सहकाऱ्यांना सोबत घेऊन मातोश्री वृद्धाश्रमात जाऊन तेथील आपल्या माणसांच्या मायेपासून वंचित वृद्धांना आपल्या आनंदात सहभागी करून घेतले हे करत असताना त्यांनी या सर्व वृद्धांना थंडीचे दिवस लक्षात घेऊन स्वेटर्स वितरण केले तसेच त्यांना भोजनही दिले.

वाढदिवसाच्या छोटेखानी कार्यक्रमात प्रारंभी  वर्षा येजरे  यांनी कार्यक्रमामागील भूमिका स्पष्ट केली शरद पाटोळे यांनी मातोश्री  वृद्धाश्रमाची वाटचाल कशी झाली याविषयी माहिती दिली,स्मिता व सुनील पुनवतकर यांनी सुरेल गीतगायन केले. तर वृद्धाश्रमाचे संस्थापक शिवाजीराव पाटोळे यांनी सध्या वृद्धाश्रमासमोर असणाऱ्या अडचणीविषयी सांगून  लक्ष्मी पाटील यांनी दिलेल्या मदतीच्या हाताविषयी कृतज्ञता व्यक्त केली कार्यक्रमात पाहुण्या म्हणून उपस्थित असणाऱ्या प्रा. डॉ. रूपा शहा यांनी  लक्ष्मी पाटील यांच्याकडून सातत्याने राबविण्यात येणाऱ्या सामाजिक कार्यक्रमात बद्दल त्यांचे कौतुक केले.

कार्यक्रमात  लक्ष्मी पाटील यांनी आपल्या भावना व्यक्त केल्यानंतर सर्व वृद्धांनी वाढदिवशी आपली आठवण ठेवून आणि हिवाळ्याचा काळ लक्षात घेऊन  लक्ष्मी पाटील यांनी जे दातृत्व दाखवले त्याबद्दल त्यांना मनापासून आशीर्वाद दिले हा कार्यक्रम यशस्वी करण्यासाठी आभाळमाया संस्थेचे सचिव अजित वारके उपाध्यक्ष सविता पाटील,बाजीराव पाटील मुख्याध्यापक राहुल ढाकणे शिक्षक बाजीराव कुंभार, राजू दाभाडे, सविता पोतदार,स्मिता पुनवतकर, जयश्री पाटील,शैलजा गरडकर,विद्या जाधव, शुभांगी सुतार,अश्विनी मगदूम,मंगल सुतार,मनोहर बावडेकर,विष्णू काटकर, यांचे सहकार्य लाभले.

फोटो 

मातोश्री वृद्धाश्रमातील वृद्धांना स्वेटर वितरण करताना लक्ष्मी पाटील ,बाजीराव पाटील ,प्रा. डॉ.रूपा शहा,शिवाजीराव पाटील व मान्यवर

जय हनुमान दुध संस्थेतर्फे २७ लाख रु . फरक बीलाचे वाटप

हेरले /प्रतिनिधी 

मौजे वडगाव (ता. हातकणगले ) येथील जय हनुमान दुध संस्थेच्या वतीने दिपावली निमित्त हातकणंगले तालुक्यामध्ये म्हैस दुधाला उच्चांकी प्रतिलिटर १०रू १० पै . व गाय दुधाला प्रतिलिटर ५ रु प्रमाणे एकूण २७ लाख रुपये रकमेचे वाटप करण्यात आले . इतर दुध संस्थेंच्या तुलनेत उच्चांकी फरकबीलं देणारी सस्था म्हणून सभासदामध्ये आनदाचे वातावरण आहे

               यावेळी संस्थेचे चेअरमन व संचालक मंडळाच्या हस्ते संस्थेला उच्चांकी दुध पुरवठा करणारे दुध उत्पादक म्हणून अनुक्रमे श्रीकृष्ण थोरवत ३ लाख पासष्ट हजार सातशे रु ,. शकील हजारी २लाख बेचाळीस हजार आठशे रु ,  राहूल सावंत १ लाख एकतीस हजार एकशे रु ,. तर म्हैस दुध उत्पादकांमध्ये अनुक्रमे लियाकत मुजावर ५९ हजार दोनशे , आनंदा पोवार ४८ हजार , सुरज नायकवडी ४६ हजार दोनशे , इतकी रक्कम  देऊन त्यांचा सत्कार करण्यात आला 

                यावेळी चेअरमन सतिश चौगुले म्हणाले की, जय हनुमान दुध संस्थेच्या वतीने गोकूळच्या सर्व योजनांची दुध उत्पादकांना सेवा दिली जाते . संस्थेचे संचालक मंडळ कर्मचारी व दुध उत्पादकांच्या सहकार्याने अल्पकाळात १३०० लिटर संकलनाचा टप्पा पार केला असून भविष्यात या सर्वाच्या सहकार्याने म्हैस दुध वाढीवर भर देणार आहे असे ते यावेळी म्हणाले .

               योवेळी चेअरमन सतिश चौगुले, व्हा.चेअरमन नेताजी माने, बाळासो थोरवत, जयवंत चौगुले, बाळासो चौगुले, शकील हजारी, श्रीकृष्ण थोरवत, सुनिल सुतार, सुभाष मुसळे ,  अविनाश पाटील, आनंदा थोरवत, सुरज नायकवडी, मलगोंडा चौगुले , यांचेसह दुध उत्पादक सभासद , कर्मचारी , पदाधिकारी व ग्रामस्थ उपस्थित होते . स्वागत संस्थेचे सचिव आण्णासो पाटील यांनी केले . प्रास्ताविक महादेव शिंदे यांनी केले तर आभार सुरेश कांबरे यांनी मानले .

फोटो 

 जय हनुमान दुध संस्थेच्या वतीने संस्थेला उच्चांकी दुध पुरवठा करणारे दुध उत्पादक श्रीकृष्ण थोरवत यांना फरक बीलाचा धनादेश देताना संस्थेचे पदाधिकारी व मान्यवर

आदर्शअधिकारी,शिक्षक,सेवक व शिष्यवृत्तीप्राप्त विद्यार्थ्यांचा शिक्षक संघाकडून सत्कार

कोल्हापूर दि.१९-१०-२०२२ 

महाराष्ट्र राज्य प्राथमिक शिक्षक संघ शहर शाखा कोल्हापूरच्या वतीने राजर्षी छत्रपती शाहू स्मारक भवन येथे आयोजित *आदर्श शिक्षक-सेवक व स्कॉलरशिपप्राप्त विद्यार्थी सत्कार सोहळ्यात* कोल्हापूर मनपा शिक्षकांचे कार्य कौतुकासाद असल्याचे मत कार्यक्रमाचे अध्यक्ष तथा शिक्षक संघाचे राज्य सल्लागार व मार्गदर्शक  *मा.श्री राजाराम वरुटे* यांनी व्यक्त केले. कोल्हापूर महानगरपालिका शाळांच्या गुणवत्तेचा डंका राज्यात वाजतोय आणि गाजतोय याचे संपूर्ण श्रेय  प्रशासन-शिक्षक- सेवक विद्यार्थी आणि पालक यांचे असल्याचे त्यांनी सांगितले. 

 राज्य कोषाध्यक्ष पदी निवड झालेबद्दल *मा.श्री. संभाजी बापट* यांचा सत्कार करणेत आला, यावेळी मनपा शाळांचा आम्हाला अभिमान वाटत असल्याचे मत त्यांनी मांडले.

 संपूर्ण शाळा डिजिटल व गुणवत्ता पूर्ण बनवण्याचे आपले ध्येय असल्याचे मत *प्रशासनाधिकारी मा.श्री. डी. सी. कुंभार* यांनी व्यक्त कोले.

  शिक्षक संघाचे शहराध्यक्ष *श्री.राजेंद्र पाटील* यांनी  हृदयस्पर्शी व तडफदार भाषणाने सर्वांची मने जिंकली. 

यावेळी शैक्षणिक पर्यवेक्षक *श्री.विजय माळी व श्री.बाळासाहेब कांबळे* उपस्थित होते.प्राथमिक शिक्षक बँकेचे माजी उपाध्यक्ष श्री.बजरंग लगारे व *Kop माझा न्युज* चे *श्री.राजेंद्र कोरे* कार्यक्रमास उपस्थित होते. 

सर्व मान्यवरांच्या उपस्थितीत आदर्श शिक्षक, सेवक, अधिकारी व शिष्यवृत्ती  प्राप्त विद्यार्थी अशा  जवळपास १६० गुणवंतांचा यावेळी सत्कार करण्यात आला. 

 आदर्श पटवाढ शाळा ल.कृ.जरग विद्यामंदिर, हिंद विद्यामंदिर व रावबा विचारे विद्यालय या शाळांतील स्टाफचा यावेळी सत्कार करण्यात आला. 

 तहसिलदार मा.श्री.स्वरूप कंकाळ यांचे दिवंगत पत्नीचे स्मरणार्थ ट्रॉफी देण्यात आल्या.

 याप्रसंगी  सेवा निवृत्त संघटनेचे अध्यक्ष. श्री.व.प.चव्हाण, श्री.बरगे, महिला आघाडी प्रमुख सौ. वैशाली अ-पाटील, श्रीम.आशालता खाडे, महिला संघटक श्रीम.जयश्री कांबळे, कोषाध्यक्ष विजय सुतार, उपाध्यक्ष कमलाकर काटे, सुनिल कुरणे ,किरण पाडळकर, साताप्पा पाटील, सुभाष मराठे, नेताजी फराकटे, अमित जाधव संघटनेचे पदाधिकारी, कार्यकर्ते  पुरस्कार प्राप्त शिक्षक,सेवक ,विद्यार्थी व त्यांचे पालक मोठ्या संख्येने  उपस्थित होते. 

 कार्यक्रमाचे सुत्र संचालन सौ. सारिका पाटील व श्री.संतोष  मोरमारे यांनी केले. प्रास्ताविक सरचिटणीस श्री.दिलीप माने  यांनी तर राज्यप्रतिनिधी अजितकुमार पाटील यांनी आभार मानले.

छत्रपती सोसायटीच्या वतीने सभासदांना लाभांश वाटप

    हेरले / प्रतिनिधी

हेरले (ता हातकणंगले)येथील छत्रपती शिवाजी विकास सेवा सोसायटीच्या वतीने दिवाळीचे औचित्य साधून २०२० ते २१ सालचे ५ टक्केप्रमाणे सभासदांना लाभांश वाटप व तेल, बाटली,साबण व उटणे याचे वाटप करण्यात आले.हे वाटप मार्गदर्शक संचालक माजी सभापती  राजेश पाटील,चेअरमन उदय चौगुले,जेष्ठ संचालक अशोक मुंडे ,शशिकांत पाटील,राजेंद्र कदम यांच्या हस्ते करण्यात आले. या प्रसंगी सचिव नंदकुमार माने, रवी मिरजे आदीसह संचालक, सभासद उपस्थित होते.

     फोटो 

हेरले येथे मार्गदर्शक संचालक माजी सभापती  राजेश पाटील यांच्या हस्ते सभासदांना लाभांश व दिपावली भेट  सभासदांना वाटप करतांना शेजारी चेअरमन उदय चौगुले,जेष्ठ संचालक अशोक मुंडे ,शशिकांत पाटील,राजेंद्र कदम आदी मान्यवर.

लोकसहभाग हा आपत्ती व्यवस्थापनाचा आत्मा आहे - दौलत देसाई

हेरले प्रतिनिधी

आपत्तीच्या काळात लोक सहभागाचे प्रमाण वाढणे गरजेचे आहे. याबद्दलची जाणीव जागृती नागरिकांमध्ये करून क्षमता बांधणी केली तर नागरिक कोणत्याही आपत्तीचा सामना करण्यासाठी सज्ज राहतील. आपत्ती काळात जीवित हानी टाळायची असेल तर लोकसहभाग महत्त्वाचा आहे आणि तो आपत्ती व्यवस्थापनाचा आत्मा आहे, असे उद्गार माजी जिल्हाधिकारी व महाराष्ट्र शासनाचे माजी आपत्ती व्यवस्थापन संचालक दौलत देसाई यांनी संजय घोडावत विद्यापीठातील आपत्ती व्यवस्थापन या आंतरराष्ट्रीय कार्यशाळेत काढले. त्याचबरोबर कोल्हापूरचे  जिल्हाधिकारी म्हणून कार्यरत असताना आलेल्या महापूर व कोव्हिडं 19 आपत्तीच्यावेळी जनतेने केलेल्या सहकार्यामुळे या आपत्तीचा चांगल्या प्रकारे आपण  सामना करू शकलो असे नमूद करून कोल्हापूरच्या नागरिकांचे त्यांनी यावेळी आभारही मानले.

   कार्यशाळेत मार्गदर्शन करताना ते म्हणाले, की नैसर्गिक आपत्तीच्या काळात शासन महत्त्वाची जबाबदारी पार पाडत असते. अशावेळी शासन आणि जनता यांनी एकत्र येऊन सुयोग्य व्यवस्थापन केले तर त्यातून जीवित हानी टाळता येऊ शकते. कोल्हापुरातील महापूर आणि कोविड काळात कार्य करत असताना शासकीय अधिकारी म्हणून कोणकोणत्या समस्यांना तोंड द्यावे लागले, त्यातून कशाप्रकारे मार्ग काढला याबद्दल त्यांनी कार्यशाळेत उहापोह केला. आपल्या अनुभवाचा फायदा कार्यशाळेतील सहभागीतांना व्हावा यासाठी अनेक उदाहरणातून त्यांनी आपत्ती व्यवस्थापनाचे धडे दिले. यासाठी त्यांनी भारत सरकारच्या आपत्कालीन व्यवस्थापन कायद्याविषयीची माहिती दिली.

संजय घोडावत समूह आणि विद्यापीठाच्याद्वारे महापूर व कोविड काळात कोल्हापूर जिल्ह्यात महत्त्वाची भूमिका बजावली आहे. त्यासाठी समूहाचे चेअरमन संजय घोडावत आणि विश्वस्त विनायक भोसले यांच्या बद्दल त्यांनी गौरवोद्गार काढले. अन्नधान्याचे वाटप असो, रुग्णांची सेवा असो या काळात घोडावत समूह सामाजिक कार्यात अग्रेसर राहिला आहे. त्यांनी केलेले हे कार्य इतर संस्थांसाठी मार्गदर्शक आहे. सर्वांनी अशा कार्यासाठी तत्पर असायला हवे तरच आपत्तीच्या काळात शासन, सामाजिक संस्था, आणि लोकसहभागातून उत्तम व्यवस्थापकीय कार्य घडू शकेल.

डिझास्टर रेसिलियंट इन्फ्रास्ट्रक्चर या थीमवर ब्रिटिश कौन्सिलच्या जागतिक सहभागी स्तरावर देण्यात येणाऱ्या अनुदानाचा भाग म्हणून टीसाईड विद्यापीठ युके, संजय घोडावत विद्यापीठ,एस.आर.एम इन्स्टिट्यूट ऑफ सायन्स अँड टेक्नॉलॉजी तमिळनाडू आणि अजिंक्य डी. वाय. पाटील विद्यापीठ, पुणे यांच्या संयुक्त विद्यमाने घोडावत विद्यापीठात आपत्ती व्यवस्थापन या विषयावरील आंतरराष्ट्रीय कार्यशाळेचे आयोजन संजय घोडावत विद्यापीठात करण्यात आले आहे. यावेळी दौलत देसाई यांचा सत्कार स्मृतिचिन्ह व भेटवस्तू देऊन विद्यापीठाचे कुलगुरू डॉ. अरुण पाटील आणि टीसाईड विद्यापीठाचे आंतरराष्ट्रीय सहयोगी अधिव्याख्याते डॉ.सायमन लिंच यांनी केले.तर हि कार्यशाळा २१ ओक्टोबर पर्यंत चालणार असल्याची माहिती समन्वयक प्रा. इंगळे यांनी दिली

पुरस्कार मिळाल्याने जबाबदारी वाढते संजय घोडावत यांना समाज भूषण पुरस्कार प्रदान

हेरले प्रतिनिधी

कोल्हापूर जिल्ह्यातील जयसिंगपूर येथील उद्योजक संजय घोडावत यांना ‘जय आनंद ग्रुप’ तर्फे यावर्षीचा ‘समाज भूषण पुरस्कार’ प्रदान करण्यात आला. व्यवसायासोबतच सामाजिक बांधिलकी जपणारे घोडावत यांनी लोक कल्याणाचा आदर्श सामाजिक उपक्रमाद्वारे पुढे नेला आहे. त्यांच्या कार्याचा गौरव हा पुरस्कार देऊन करण्यात आला. पुरस्कार मिळाल्यानंतर आपली जबाबदारी वाढते असे ते यावेळी म्हणाले. 

बिबवेवाडी येथील अण्णा भाऊ साठे सभागृहात झालेल्या या कार्यक्रमासाठी भारतीय जैन संघटनेचे संस्थापक-अध्यक्ष शांतिलाल मुथ्था, वरिष्ठ पोलीस अधिकारी आयजी मनोज लोहिया यांची प्रमुख उपस्थिती होती. झेडएफ स्टीअरिंग गिअर इंडिया लिमिटेड के चेअरमन दिनेश मुनोत यांच्या अध्यक्षतेखाली हा पुरस्कार वितरण सोहळा संपन्न झाला.

पुरस्कार मिळाल्यानंतर मनोगत व्यक्त करताना संजय घोडावत यांनी आपल्या आयुष्याचा आणि संघर्षाचा प्रवास मांडला. ‘पुरस्कार मिळाला असला तरी आपल्या एकूण स्वप्नांपैकी फक्त 0.5% कार्य आपल्या हातून झाले आहे, अजून बरीच भरारी घ्यायची आहे’, असा मनोदय त्यांनी बोलून दाखवला. घोडावत म्हणाले, ‘जय आणि आनंद’ हे दोन्ही शब्द किंवा या दोन्ही भावना फार महत्त्वाच्या असतात. ‘जय आनंद ग्रुप’ ने दिलेल्या या सन्मानामध्ये या दोन्ही भावना अंतर्भूत आहेत. ज्यामधून रोजगार निर्मिती होते, तो उद्योग करायला हवा’, असा आपला विचार असल्याचेही घोडावत म्हणाले.

‘सेवा करणे आणि सेवा करणाऱ्यांचा सन्मान करणे, या दोन्ही गोष्टी आनंद देणाऱ्या असतात. ‘जय आनंद ग्रुप’ ने आपल्या पुरस्कारांच्या माध्यमातून चांगल्या कार्यालाच प्रतिष्ठित केले आहे’, असे प्रतिपादन विश्व हिंदू परिषदेचे आंतरराष्ट्रीय उपाध्यक्ष हुकमचंद सावला यांनी केले. ते पुढे म्हणाले, ‘जीवनातील आनंद हा दान देण्यामध्ये असतो. ‘जैनीजम इज विजन ऑफ लाईफ’ अशी व्याख्या त्यांनी सांगितली. मनुष्य जन्माचे बीज हे संस्कार असते, असे ते म्हणाले. ‘सेवा के पथ पर आगे   होगा’, असा संदेश देत सावला यांनी भाषणाचा समारोप केला.

कार्यक्रमात मनोगत व्यक्त करताना भारतीय जैन संघटनेचे शांतीलाल मुथ्था म्हणाले, ‘सन्मान करण्यामागील हेतू हा सन्मानर्थींच्या जीवनप्रवासामधून उपस्थितांना काहीतरी शिकायला मिळावे, असा असतो. मूल्यांसह प्रगती करणे याला खूप महत्त्व आहे. स्वतःची इच्छा आणि व्यवसाय यांच्यात संतुलन साधता आले पाहिजे, ते संजय घोडावत यांनी करून दाखवले आहे. या पुरस्कार सोहळ्यामुळे ‘जय आनंद ग्रुप’ चा सन्मान वाढला आहे’.

वरिष्ठ पोलीस अधिकारी आयजी मनोज लोहिया म्हणाले, ‘जैन समाजातर्फे अनेक प्रकारची सामाजिक कार्य केली जातात. या कार्यांमुळे मी प्रभावित होत आलो आहे. आपण एकमेकांना मदत करायला हवी हा आत्मिक आवाज आहे. अशा कार्यक्रमांतून इतरांना प्रेरणा मिळणार आहे’.

कार्यक्रमाचे अध्यक्ष दिनेश मुनोत यांनी उद्योग जगत आणि आंतरराष्ट्रीय घडामोडींचा पट उपस्थितांसमोर मांडत, त्या विषयावर भाष्य केले. मुनोत म्हणाले, ‘पुढील दोन दशके भारताची असतील. जग भारताकडे आशेने पाहत आहे. पुढील पिढीला आपण पंख प्रदान करायला हवेत, जेणेकरून ते मनासारखी भरारी घेऊ शकतील. जैन धर्माबद्दल असलेल्या आस्था या आपण लोकांपर्यंत पोहोचवायला हव्यात. त्यासाठी चांगला संवाद घडायला हवा. जैन मूल्ये ही केवळ एखाद्या परिवारापुरती सीमित न ठेवता सर्वात शक्तिशाली माध्यमातून ती जगभर पोहोचवायला हवीत’, अशी अपेक्षा दिनेश मुनोत यांनी व्यक्त केली.

आचार्य सम्राट आनंद ऋषीजी म.सा. आणि आचार्य श्री तुलसीजी आदि संत-सती वृंद यांच्या मंगल आशीर्वादाने हा कार्यक्रम संपन्न झाला. ग्रुपचे कार्याध्यक्ष अनिल लुंकड यांनी सूत्रसंचालन केले तर गणेश कटारिया यांनी उपस्थितांचे आभार मानले

आपत्ती व्यवस्थापनाचे शिक्षण काळाची गरज: जिल्हाधिकारी रेखावारसंजय घोडावत विद्यापीठात आंतरराष्ट्रीय कार्यशाळेचे उद्घाटन

हेरले प्रतिनिधी

 कोणत्याही आपत्कालीन परिस्थितीत सरकार महत्त्वाची भूमिका बजावत असते. या काळात नागरिकांना सतर्क राहण्याचे आदेश आपत्कालीन विभागाकडून देण्यात येतात. नागरिकांना अशा परिस्थितीत काय करावे कळत नाही. या काळात मानव, प्राणी यांचे जीव वाचवणे गरजेचे असते. परंतु प्रशिक्षित कर्मचारी, अधिकारी यांची तुलनेने संख्या कमी असल्यामुळे व या विषयाचे शिक्षण नसल्यामुळे मर्यादा येतात. यासाठी आपत्कालीन व्यवस्थापनाचे शिक्षण ही काळाची गरज आहे. पदवी आणि पदव्युत्तर विभागात हे शिक्षण विद्यार्थ्यांना मिळाल्यास नागरिकांचा जीव वाचण्यास नक्कीच मदत होईल, असे मत जिल्हाधिकारी राहुल रेखावार यांनी संजय घोडावत विद्यापीठातील आपत्कालीन व्यवस्थापन या विषयावरील आंतरराष्ट्रीय कार्यशाळेच्या उद्घाटन प्रसंगी मांडले.

डिझास्टर रेसिलियंट इन्फ्रास्ट्रक्चर या थीमवर ब्रिटिश कौन्सिलच्या जागतिक सहभागी स्तरावर देण्यात येणाऱ्या अनुदानाचा भाग म्हणून टीसाईड विद्यापीठ युके, संजय घोडावत विद्यापीठ,एस.आर.एम इन्स्टिट्यूट ऑफ सायन्स अँड टेक्नॉलॉजी तमिळनाडू आणि अजिंक्य डी. वाय. पाटील विद्यापीठ, पुणे यांच्या संयुक्त विद्यमाने घोडावत विद्यापीठात आपत्ती व्यवस्थापन या विषयावरील आंतरराष्ट्रीय कार्यशाळेचे उद्घाटन प्रमुख पाहुणे जिल्हाधिकारी राहुल रेखावार, टीसाईड विद्यापीठचे आंतरराष्ट्रीय सहयोगी अधिव्याख्याते डॉ. सायमन लिंच, डॉ.केविन थॉमस, एस.आर.एम.विद्यापीठाचे डॉ.विघ्नेश के.एस, घोडावत विद्यापीठाचे कुलगुरू डॉ.अरुण पाटील, कार्यक्रमाचे अध्यक्ष विश्वस्त विनायक भोसले यांच्या हस्ते झाले.

यावेळी बोलताना जिल्हाधिकारी म्हणाले, कि आपत्कालीन काळात कोणाचाही जीव वाचवणे खूप गरजेचे असते. यासाठी सार्वांकडून प्रयत्न होणे गरजेचे आहे. या पाच दिवसीय कार्यशाळेत सहभागी झालेल्या सर्वांनी या विषयाचे उत्तम शिक्षण घेण्यासाठी तयार व्हावे. तुम्ही एका चंगल्या कार्यशाळेत सहभाग घेतल्याचे सांगत, समाधान व्यक्त केले. कोल्हापूर जिल्ह्याविषयी सांगताना ते म्हणाले, कि हा जिल्हा देशालील सर्व राज्यात एक समृद्ध जिल्हा आहे.परंतु येथे काही वार्षापासून आपत्कालीन परिस्थिती उद्भवत आहे. यावर मात करण्यासाठी अशा प्रकारच्या कार्यशाळा आणि शिक्षण गरजेचे आहे. यासाठी अनुदान देणाऱ्या ब्रिटीश कौन्सिल चे आणि यासाठी पुढाकार घेणाऱ्या विद्यापिठांचे त्यंनी कौतुक केले.

     कार्यक्रमाच्या सुरुवातीला घोडावत विद्यापीठाचे कुलगुरू डॉ.अरुण पाटील यांनी उपस्थित सर्व अतिथी मार्गदर्शकांचे, सहभागी विद्यार्थ्यांचे स्वागत केले. यावेळी बोलताना त्यांनी कार्यशाळेच्या उद्देशाविषयी संगितले. याचा उद्देश 'प्रशिक्षकांना प्रशिक्षित करा' असा असून, या माध्यमातून टीसाईड विद्यापीठ युके येथे शिक्षणासाठी जाणाऱ्या विद्यार्थ्यांना, सहभागी शिक्षकांना त्यांनी शुभेच्छा दिल्या.

टीसाईड विद्यापीठाचे आंतरराष्ट्रीय सहयोगी अधिव्याख्याते डॉ.सायमन लिंच याप्रसंगी बोलताना म्हणाले, कि मागील वर्षापासून या कार्यशाळेसाठी आमचे प्रयत्न सुरु होते. ब्रिटिश कौन्सिल व घोडावत विद्यापीठाने यासाठी पुढाकार घेतल्याने हि कार्यशाळा पार पडत असल्याचे समाधान व्यक्त केले. जर सहभागी विद्यापीठांनी या संधीचा चांगल्याप्रकारे फायदा करून घेतला तर येणाऱ्या काळात विद्यार्थ्यांच्या करियरसाठी याचा नक्कीच उपयोग होईल.

कार्यक्रमाचे अध्यक्ष विश्वस्त विनायक भोसले यांनी हवामान बदलामुळे आपत्कालीन परिस्थितीचे प्रमाण वाढल्याबद्दल चिंता व्यक्त केली. यातून बचाव करण्यासाठी अशा प्रकारच्या शिक्षणाची गरज आहे. यासाठी लागणाऱ्या पायाभूत सोयी सुविधा देण्यासाठी आम्ही तत्पर आहोत. आपत्कालीन परिस्थितीला सामोरे जाताना नागरिकांची मानसिकता बदलणे गरजेचे असल्याचे सांगत संजय घोडावत फौंडेशनन व विद्यापीठाने आपत्कालीन परिस्थितीत केलेल्या सामाजिक कार्याची सर्वाना ओळख करून दिली. लोकांनी आपल्याला नेहमी चांगल्या कार्यासाठी लक्षात ठेवायला हवे असे कार्य विद्यार्थ्यांनी करावे असा उपदेश दिला.

या कार्यशाळेसाठी महत्वाचा दूवा म्हणून कार्य करणारे शैक्षणिक सल्लागार आनंद हंदूर व कोल्हापूर जिल्हा आपत्ती व्यवस्थापन अधिकारी प्रसाद संकपाळ यांचा विशेष सत्कार करण्यात आला. यावेळी ब्रिटिश हाय कमिशन गव्हर्मेंट ऑफ युके चे शौभीक गांगुली, घोडावत विद्यापीठातील सर्व अधिव्याख्याते, ६० हून अधिक प्रशिक्षणार्थी, शिक्षक उपस्थित होते. कार्यक्रमाचे सूत्रसंचालन व आभार सोहम तिवडे यांनी मानले.

घोडावत विद्यापीठात आंतरराष्ट्रीय कार्यशाळेचे आयोजन

हेरले / प्रतिनिधी

डिझास्टर रेसिलियंट इन्फ्रास्ट्रक्चर या थीमवर ब्रिटिश कौन्सिलच्या जागतिक सहभागी स्तरावर देण्यात येणाऱ्या अनुदानाचा भाग म्हणून टीसाईड विद्यापीठ युके, संजय घोडावत विद्यापीठ, एस.आर.एम इन्स्टिट्यूट ऑफ सायन्स अँड टेक्नॉलॉजी तमिळनाडू आणि अजिंक्य डी. वाय. पाटील विद्यापीठ, पुणे यांच्या संयुक्त विद्यमाने घोडावत विद्यापीठात आपत्ती व्यवस्थापन या विषयावर आंतरराष्ट्रीय कार्यशाळेचे आयोजन करण्यात आले आहे. ही कार्यशाळा 17 ते 21 ऑक्टोबर दरम्यान 'प्रशिक्षकांना प्रशिक्षित करा' या उप विषयावर आधारित आहे.

आपत्ती व्यवस्थापनामध्ये पदव्युत्तर शिक्षण घेऊ इच्छिणाऱ्या विद्यार्थ्यांना, प्रशिक्षकांना उत्तम प्रशिक्षण मिळावे या हेतूने कार्यशाळेचे आयोजन करण्यात आले आहे. या माध्यमातून एम.एस.सी डीझास्टर ममॅनेजमेंट विषयाचा अभ्यासक्रम सहभागी विद्यापीठाच्या शिक्षकांकडून आणि विद्यार्थ्यांना आलेल्या अनुभवावर, प्रशिक्षकांच्या सल्ल्याने तयार करण्यात येणार आहे. त्याचबरोबर सहभागी विद्यापीठाच्या निवडक विद्यार्थ्यांना टीसाईड विद्यापीठ युके आणि भारतात एम.एस.सी डीझास्टर ममॅनेजमेंट या विषयाचे शिक्षण घेण्याची आणि १२ आठवड्यांची इंटर्नशिप करण्याची संधी मिळणार आहे. याचा सर्वतोपरी खर्च विद्यापीठाचा असणार आहे. ज्याच्यामध्ये प्रवास खर्च, राहण्याची सोय आहे. संजय घोडावत विद्यापीठातील पदव्युत्तर शिक्षणासाठी निवडण्यात आलेल्या विद्यार्थ्यांना ब्रिटिश कौन्सिल कडून देण्यात येणाऱ्या अनुदानाचा लाभ मिळणार आहे. यामुळे भारत आणि युके यांच्यामध्ये पदव्युत्तर शिक्षण घेऊ इच्छिणाऱ्या विद्यार्थ्यांची देवाणघेवाण सुरु होईल. हा अभ्याक्रम पूर्ण करणाऱ्या विद्यार्थ्यांना राष्ट्र, राज्य, जिल्हा आपत्कालीन विभाग, स्वयंसेवी संस्था अशा ठिकाणी नोकरी करण्याची संधी प्राप्त होईल.

प्रशिक्षण कालावधीत विद्यार्थी आणि प्रशिक्षक कोल्हापूर आणि परिसरातील ज्या भागात आपत्कालीन परिस्थिती  निर्माण होते तिथे भेटी देणार आहेत. त्याचबरोबर कोल्हापुरातील वारसा स्थळांना भेट देऊन आपत्कालीन परिस्थिती निर्माण झाल्यास काय करता येईल या विषयी, यावेळी मार्गदर्शन करण्यात येणार आहे. देश विदेशातील 60 हून अधिक विद्यार्थी-विद्यार्थिनी, शिक्षक, प्रशिक्षक या कार्यशाळेत सहभाग घेणार असल्याची माहिती विद्यापीठाचे कुलगुरू डॉ.अरुण पाटील यांनी दिली आहे.

या कार्यशाळेचे उद्घाटन 17 ऑक्टोबर रोजी सकाळी 10 वाजता घोडावत विद्यापीठात होणार आहे. यासाठी प्रमुख पाहुणे म्हणून जिल्हाधिकारी तथा जिल्हा दंडाधिकारी राहुल रेखावार तर अध्यक्ष म्हणून विश्वस्त विनायक भोसले उपस्थित असणार आहेत. त्याचबरोबर टीसाईड विद्यापीठ चे आंतरराष्ट्रीय सहयोगी अधिव्याख्याते डॉ.सिमॉन लॅँच आणि डॉ.केविन थॉमस या उद्घाटन समारंभास अतिथी प्रशिक्षक म्हणून उपस्थित राहणार आहेत. 

या कार्यशाळेत घोडावत विद्यापीठाचे कुलगुरू डॉ.अरुण पाटील, डिझाईन सल्लागार दीपंकर भट्टाचार्य, एस.आर.एम.विद्यापीठाचे डॉ.विघ्नेश के.एस.,महाराष्ट्र राज्याचे माजी आपत्कालीन व्यवस्थापन विभागाचे संचालक आणि माजी जिल्हाधिकारी  दौलत देसाई, सायबर सिक्युरिटी विषयातील तज्ज्ञ आशुतोष कापसे, शास्त्रज्ञ एस.डी.पवार, व्हाईटवॉटर आर्किटेक्ट चे प्राचार्य आर्कि. दर्शन इंदानी, सी.डी.आर.आय व्यवस्थापन शाखेचे अविनाश व्यंकटा हे सर्व व्याख्याते सहभागीतांना प्रशिक्षण देणार आहेत. या कार्यशाळेस संस्थेचे चेअरमन संजय घोडावत यांनी शुभेच्छा दिल्या आहेत.

राजर्षी शाहू विद्यामंदिर कसबा बावडा मध्ये वाचन प्रेरणा दिन संपन्न

कोल्हापूर प्रतिनिधी 

माजी राष्ट्रपती व मिसाईल मॅन माननीय डॉक्टर एपीजे अब्दुल कलाम यांची वाचन प्रेरणा दिन जयंती निमित्त साजरी करण्यात आली. साईराज दाभाडे या विद्यार्थ्यांनी सायकल पुढारी पेपर फेरी वाचण्यात काढण्यात आली .इयत्ता पहिली ते सातवीतील विद्यार्थ्यांची मराठी हिंदी इंग्रजी वाचन स्पर्धा घेण्यात आली त्यामध्ये विद्यार्थ्यांनी उत्स्फूर्तपणे सहभाग नोंदवला.

विद्यार्थी आयुष केंगार व आदिती बिरणगे, प्रणित पाटील यांनी दैनिक पुढारी वृत्तपत्र याचे वाचन केले.

 शाळेचे केंद्र मुख्याध्यापक डॉअजितकुमार पाटील यांनी मिसाईल मॅन डॉक्टर ए पी जे अब्दुल कलाम यांची जयंतीनिमित्त चिंतन पर व उपदेश पर मौलिक विचार मांडले .

साईराज दाभाडे व आयुष केंगार या विद्यार्थ्यांनी डॉक्टर एपीजे अब्दुल कलाम यांची वेशभूषा परिधान केली होती ज्येष्ठ शिक्षक उत्तम कुंभार सुशील जाधव विद्या पाटील आसमा तांबोळी उत्तम पाटील मिनाज मुल्ला यांनी कार्यक्रम संपन्नतेसाठी विशेष सहकार्य केले शाळा व्यवस्थापन समितीचे अध्यक्ष रमेश सुतार व इतर सदस्य सुद्धा उपस्थित होते कार्यक्रमाचे आभार प्रणित पाटील या विद्यार्थ्याने मांडले

प्रयत्न, परिश्रम, चिकाटी, आत्मविश्वास हीच यशाची चतुःसुत्री - जीवन साळोखे

नरंदे विद्यालयात शिवाजीराव देशमुख व्याख्यानमाला

हातकणंगले प्रतिनिधी

"प्रत्येक विद्यार्थ्याला यशस्वी होण्याचा हक्क आहे. त्यासाठी कठोर परिश्रम,प्रयत्नातील सातत्य, चिकाटी आणि आत्मविश्वास या चतुःसुत्रीचा वापर  केला पाहिजे. स्वतःच्या क्षमता ओळखून आपण प्रयत्नशील राहिले पाहिजे. आळस आणि कामचुकारपणा हे विद्यार्थी जीवनात नेहमीच शत्रू आहेत, हे समजून सक्रिय झाले पाहिजे. " असे प्रतिपादन ज्येष्ठ पत्रकार आणि साहित्यिक जीवन साळोखे यांनी केले. 

   ते स्व.शिवाजीराव देशमुख व्याख्यानमालेत,नागनाथ शिक्षण संस्थेच्या नरंदे हायस्कूल नरंदे (ता.हातकणंगले ) येथे "यशस्वी होण्याचा राजमार्ग" या विषयावर  बोलत होते. यावेळी संस्थेच्या सेक्रेटरी नमिता देशमुख या अध्यक्षस्थानी होत्या.

   आपल्या भाषणात जीवन साळोखे पुढे म्हणाले,विद्यार्थी जीवनापासून यशस्वी होण्यासाठी ध्येय प्राप्तीचा ध्यास घेतला पाहिजे. योग्य दिशेने,सकारात्मक द्रुष्ट्या  सतत प्रयत्न आणि परीश्रम  केले तर , अशक्य काहीच नाही. तुमच्यातील

 कार्यक्षमता आणि गुणवत्ता या तुम्हाला वेळोवेळी कसोटीवर सिद्ध केल्या पाहिजेत. त्या बढाई मारण्याच्या गोष्टी नाहीत."

      यावेळी आपल्या भाषणात वाचनाचे महत्त्व विशद करून विद्यार्थ्यांनी वाचते होण्यासाठी शिक्षकांनी प्रयत्न करण्याचे आवाहन करून, प्राचार्य जीवन साळोखे यांनी आपल्या "ग्रंथदान उपक्रमांतर्गत" हायस्कूलच्या शालेय ग्रंथालयास पंधराशे रु.ची पुस्तके भेट दिली.

   प्रारंभी पर्यवेक्षिका सौ.एस.एस.निकम  यांनी स्वागत, मुख्याध्यापक बी.एस,खोत यांनी प्रास्ताविक व पाहुण्यांचा परिचय करून दिला.

सुस्मिता शिंदे यांनी सूत्रसंचालन तर सुरेश गावडे यांनी समारोप केला.

                             ◆◆

सामुदायिक महाकुंकूमार्चन उपासना सोहळा संपन्न

हेरले / प्रतिनिधी

 हिंदू युवा संघटना यांच्या वतीने हातकणंगले तालुक्यातील हेरले येथे नवदुर्गा महोत्सवानिमित्त प्रथमच सुवासिनींच्यासाठी सकल सौभाग्यदायी, महाकुंकूमार्चन उपासना सोहळा, हिंदू जनजागृती समितीच्या द्विदशक मूर्ती निमित्त आयोजित करण्यात आला होता. श्री दुर्गा देवी नमः हा जप एक हजार आठ वेळा म्हणून सर्व  सुवासिनींनी महाकुंकू मार्चन उपासना केली. यावेळी हिंदू जनजागृती संघटनेच्या  सौ.साधना गोडसे व सुजाता लोहार यांनी सुहासिनींना मार्गदर्शन केले  व माहिती सांगितली. यावेळी जवळ जवळ पाचशेहून अधिक सुहासिनीनी सहभाग नोंदवला होता. यावेळी मोफत साहित्य, वाटप करण्यात आले होते . कार्यक्रमाची सांगता नवदुर्गेच्या आरतीने केली . यावेळी हिंदू युवा संघटनेचे सर्व कार्यकर्ते उपस्थित होते.

शिरोली ग्रामपंचायतच्या वतीने तंटामुक्त अध्यक्षपदी राजू पाटील यांची निवड झाल्याबद्दल सत्कार

शिरोली प्रतिनिधी 

     गावातील तंटे गावातच मिटावेत त्यातून  जनतेचे आर्थिक नुकसान टळावे याकरीता महाराष्ट्र शासनाच्या प्रेरणेतून महात्मा गांधी तंटामुक्त समितीची निर्मिती झाली.या समितीच्या अध्यक्षपदी राजू पाटील या योग्य व्यक्तीची निवड झालेने ते या पदाचे माध्यमातून जनतेला नक्कीच न्याय देतील असा विश्वास शिरोली लोकनियुक्त सरपंच शशिकांत खवरे यांनी व्यक्त केला.                         

      शिरोली ग्रामपंचायतच्या वतीने तंटामुक्त अध्यक्षपदी राजू पाटील यांची निवड झाल्याबद्दल सत्कार  प्रसंगी बोलत होते. अध्यक्षस्थानी कोल्हापूर जिल्हा शैक्षणिक व्यासपीठाचे जिल्हाध्यक्ष एस डी लाड होते.                        

        यावेळी उर्मिलाताई जाधव, कृष्णात पाटील, ग्राम वि. अधिकारी व्ही .बी. भोगण यांची भाषणे झाली . स्वागत प्रकाश कौंदाडे  यांनी केले. सूत्रसंचालन बाबासो कांबळे,अविनाश कोळी यांनी केले. प्रस्ताविक सलीम महात, विनायक कुंभार यांनी केले. याप्रसंगी ग्रामपंचायत सदस्या पुष्पा पाटील, संध्याराणी कुरणे, श्वेता गुरव, मीनाक्षी खटाळे, न्यामतभी  मुल्ला ,अनिता कांबळे उपस्थित होत्या. आभार उपसरपंच सुरेशराव यादव यांनी मानले.       

    

फोटो 

शिरोलीच्या तंटामुक्त अध्यक्षपदी निवड झाल्याबद्दल राजू पाटील यांचा लोकनियुक्त सरपंच शशिकांत खवरे व उपसरपंच सुरेशराव यादव यांच्या हस्ते  सत्कार

मौजे वडगांव (ता. हातकणंगले)येथे जलजीवन योजना लोकार्पण सोहळा उत्साहात संपन्न

हेरले / प्रतिनिधी

मौजे वडगांव (ता. हातकणंगले)येथे मोठया उत्साहात भव्य जलजीवन योजना लोकार्पण सोहळा प्रमुख उद्घाटक माजी कृषी राज्यमंत्री सदाभाऊ खोत आमदार 

राजूबाबा आवळे माजी आमदार

राजीव आवळे माजी जिल्हा परिषद सदस्य दलित मित्र अशोकराव माने,

माजी सभापती राजेश पाटील आदी मान्यवरांच्या प्रमुख उपस्थित संपन्न झाला.

   या प्रसंगी सरपंच काशिनाथ कांबळे, उपसरपंच सुभाष आकिवाटे, नौशाद मुबारक बारगीर, डॉ.विजय गोरड, सरताज बारगीर,ग्रामपंचायत सदस्य वैशाली गोरड, अश्विनी लोंढे, तंटामुक्त अध्यक्ष महेंद्र कांबरे,  पोलीस पाटील आमिर हजारी,आघाडी प्रमुख मानसिंग रजपूत,उदय चौगुले,सुधाकर परमाज, बाबुराव सावंत,रांजा पटेल, राजकुमार थोरवत, सुभाष काकडे, विजय मगदूम, नितीन घोरपडे, संतोष लोंढे,हसन बारगीर, सचिन शेटे, अनंत जाधव,संकेत सोनवणे, विनोद चौगुले, रमेश लोंढे, सचिन थोरवत,सुभाष कांबळे, मंगेश गोरड, ग्रामसेवक एस. एम. कांबळे. चंदू बारगीर, सतीश कांबरे, महिला बचत गट अध्यक्ष पूनम खाडे, प्रताप रजपूत, महिला बचत गट,गावातील सर्व तरुण मंडळी सर्व पदाधिकार व ग्रामस्थ उपस्थित होते .

शैक्षणिक परिवर्तनाच्या पाऊलवाटा या पुस्तकास संकल्प फौडेशन यांचा राज्यस्तरीय पुरस्कार जाहिर

कोल्हापूर / प्रतिनिधी

 कागल तालुक्याचे गटशिक्षणाधिकारी डॉ. गणपती कमळकर यांच्या 'शैक्षणिक परिवर्तनाच्या   पाऊलवाटा ' या पहिल्या पुस्तकास संकल्प फौडेशन तिरपण महागाव ता. गडहिंग्लज यांचा राज्यस्तरीय पुरस्कार जाहिर झाला आहे.

      गटशिक्षणाधिकारी डॉ. गणपती कमळकर यांनी विविध तालुक्यात गरशिक्षणाधिकारी पदावर काम करत असताना विद्यार्थी व शिक्षक गुणवत्ता वाढीसाठी विविध नावीन्य पूर्ण उपक्रमांची अमल बजावणी केली आहे. यासाठी त्यांना न्युपाचा २०१५ चा नैशनल इनोव्हेशन अवॉर्ड देखील मिळाला आहे. अशा नावीन्य पूर्ण उपक्रमां ची माहिती त्यानी शैक्षणिक परिवर्तना च्या पाऊल वाटा या पुस्तकात दिली आहे.

   संकल्प फौडेशन तिरपण महागाव ता. गडहिंग्लज यांच्या वतीने शैक्षणिक क्षेत्रातील विविध साहित्यप्रकार समृद्ध करण्याच्या दृष्टीकोनातून तसेच साहित्यिकांच्या लेखणीला बळ देण्याच्या उद्देशाने व मराठी साहित्य समृद्ध करणाऱ्या लिहित्या हातांचा गौरव करण्याच्या उद्देशाने संकल्प परिवाराने या वर्षापासून राज्यस्तरीय साहित्य पुरस्कार सुरु केले आहेत.सध्या काश्मीर ते कन्याकुमारीपर्यंत भारतीय स्वातंत्र्याचा अमृत महोत्सव साजरा होत आहे. कोरोनानंतरचा पहिलाच कार्यक्रम मोठ्या प्रमाणात साजरा करण्यात येत आहे.

महागाव ता. गडहिंग्लज जि. कोल्हापूर येथे एका भव्य कार्यक्रमात या पुरस्काराचे वितरण करण्यात करण्यात येणार आहे, अशी माहिती निवड पत्रकाद्वारे संस्थेचे अध्यक्ष  युवराज आनंदराव सरनोबत, उपाध्यक्षा सौ. आदिती युवराज सरनोबत तसेच सचिव सौ. वैशाली जयंत मिसाळ यांनी दिली आहे.

विद्यार्थ्यांचा सर्वांगीण विकास हेच खरे शिक्षण - डॉअजितकुमार पाटील

कोल्हापूर प्रतिनिधी 

 प्राथमिक शिक्षण समिती महानगरपालिका कोल्हापूर संचलित राजर्षी शाहू विद्यामंदिर शाळा क्रमांक 11 कसबा बावडा सीआरसी क्रमांक सात मध्ये शिक्षण परिषद संपन्न झाली त्यामध्ये सीआरसी प्रमुख डॉक्टर अजित कुमार पाटील यांनी स्वागत व प्रास्ताविक केले  ,ज्येष्ठ तज्ञ कविता पाटील ,आरती नाईक , किशोर शिणगारे यांनी आपल्या विषयासंदर्भात व्याख्या नवोपक्रम ,मूलभूत संख्याज्ञान, माता पालकांचे गट या विषयावर मार्गदर्शन केले.

प्रास्ताविकेमध्ये डॉक्टर अजितकुमार पाटील यांनी "  विद्यार्थी देशाचे भवितव्य आणि संपत्ती आहेत त्यांचा सर्वांगीण विकासासाठी पोषक वातावरण निर्माण करणे ही आपली सामूहिक जबाबदारी आहे. भारत सरकारच्या निपून भारत प्रकल्पांतर्गत राज्यात पायाभूत साक्षरता व संख्या ज्ञान अभियानाचे अंमल बजावणी सुरू आहे त्या अंतर्गत इयत्ता पहिलीत येणाऱ्या मुलांसाठी पहिले पाऊल शाळा पूर्व तयारी देखील राबविण्यात येत आहे.

 पहिले पाऊल यशस्वी करण्यासाठी व्हिडिओ, कार्डद्वारे  आणि विविध उपाय योजना करून माता पालक गटांना मार्गदर्शन करून प्रशिक्षण देण्यात येत आहे.

 2026 व 27 पर्यंत राज्यातील तीन ते नऊ वर्षे वयोगटातील सर्व विद्यार्थ्यांसाठी निर्धारित शिक्षण लक्ष पूर्ण करतील व इयत्ता पाचवी पर्यंत कोणते मूल शैक्षणिक प्रवाहात मागे राहणार नाही याची दक्षता घेण्यात येत आहे या संदर्भात मार्गदर्शन केले

 शिक्षण परिषदेसाठी प्रमुख गोरख वातकर, टी आर पाटील, प्रदीप जानकर ,उत्तम कुंभार, मुख्याध्यापिका छाया हिरगुडे, सुनिता कांबळे, विमल जाधव, विजय कुरणे, सरदार पाटील ,दत्तात्रय डांगरे इत्यादी  शाळेतील मुख्याध्यापक शिक्षक उपस्थित होते आभार अनिल सरकसर यांनी मानले.निपुण भारत प्रतिज्ञा जोतिबा बामणे यांनी दिली.

तणावमुक्त जगण्यासाठी निसर्गाची सोबत महत्त्वाची : प्रा. टी. एस. पाटील

600 विद्यार्थ्यांचा समावेश, मंदीर परिसराची स्वच्छता

कोल्हापूर प्रतिनिधी

 

    विकारमुक्त व तणावमुक्त जीवन जगता येण्यासाठी आपण निसर्गाच्या सान्निध्यात राहून निसर्ग नियमाला बांधिल राहून वर्तन करणे गरजेचे आहे. निरोगी शरीर व ज्याचे मन प्रसन्न आहे, तोच आरोग्यसंपन्न होय. सुखासमाधानाच्या दीर्घायुषी जीवनासाठी पर्यावरण वाचवा, असे प्रतिपादन प्रा.टी.एस.पाटील यांनी केले.

       त्या मुरगूड विद्यालय ज्युनियर कॉलेजच्या वतीने चिमगाव (ता. कागल) येथील चिमकाई देवी मंदिर येथे आयोजित पर्यावरण व समाजसेवा शिबिरप्रसंगी 'निसर्गाचे सान्निध्य हीच आरोग्याची गुरुकिल्ली' या विषयावर बोलत होत्या. अध्यक्षस्थानी उपप्राचार्य एस. पी. पाटील होते.

    प्रारंभी दसरा सणाचे औचित्य साधून मंदिर परिसराची स्वच्छता करण्यात आली. प्रा. एस. एस. पाटील यांनी स्वागत केले. प्रा. पी. एस. पाटील यांनी प्रास्ताविक केले. प्रा. यु. पी. कांबळे, प्रा. एम. ए.बसर्गे,एम.डी.खांटागळे,जे.टी.पवार यांची भाषणे झाली. . यावेळी प्रा. टी. आर. शेळके, व्ही. आर. गडकरी, ए. जी. मुजावर, व्ही. व्ही. कुंभार, एल. के. पाटील, डी. एस. पाटील, आर. सी. कांबळे, राजकुमार हराळे आदी उपस्थित होते. अजित सावंत यांनी सूत्रसंचालन केले.. आनंदा मांगोरे यांनी आभार मानले..

फोटो.. 

चिमगाव... येथे पर्यावरण, समाजसेवा क्षेत्र भेट प्रसंगी तुळशी रोपांची लागण करताना उपप्राचार्य एस. पी. पाटील, सौ. टी. एस. पाटील, एम. ए. बोर्गेस आदि.

रा. शाहू विद्यामंदिर मध्ये राष्ट्रीय पोषण माह संपन्न

कोल्हापूर प्रतिनिधी 

 राष्ट्रीय पोषण माह सप्ताह अंतर्गत आज शुक्रवार दिनांक 22/09/2022 मनपा  राजर्षी शाहू विद्या मंदिर क्र 11 कसबा बावडा कोल्हापूर येथे पाककृती स्पर्धा  घेणेत आल्या. पाककृती साठी फळभाज्या व पालेभाज्या पासून तयार केलेले पदार्थ बनवून आणण्यास सांगितले होते.

या उपक्रमामध्ये सर्व विद्यार्थी व पालकांनी नाविन्यपूर्ण पद्धतीचे खाद्यपदार्थ व विद्यार्थ्यांनी स्वतः सजावट करून उस्फुर्त सहभाग नोंदवला. सदर पाककृती स्पर्धेचे परीक्षण  नगरसेविका सौ माधुरी लाड मॅडम, गीतांजली ठोंमके,स्नेहल सरगर ,उज्ज्वला चौगले,वैशाली जाधव मॅडम यांनी केले. कार्यक्रम यशस्वी होण्यासाठी शाळेचे मुख्याध्यापक डॉ. अजितकुमार पाटील सर, उत्तम कुंभार  यांनी मदत केली.कार्यक्रमाचे सूत्रसंचालन कल्पना मैलारी या विद्यार्थिनीने केले व आभार तमेजा मुजावर यांनी मानले.कार्यक्रमाची तयारी व नियोजन विद्या पाटील व कल्पना पाटील यांनी केले.

पाककला स्पर्धेतील विजेते पालक

रुपाली बडेकर - प्रथम

अनुराधा गायकवाड - द्वीतीय

वैशाली कोरवि- तृतीय

श्रावणी बेळवी- चौथा

संगीता ताटे - पाचवा

एकात्मिक बाल विकास सेवा योजना प्रकल्प कोल्हापूर ग्रामीण बीट हेरले एक अंतर्गत हेरले येथे सुदृढ बालक बालिका स्पर्धा व पाककृती स्पर्धा

हेरले / प्रतिनिधी

  एकात्मिक बाल विकास सेवा योजना प्रकल्प कोल्हापूर ग्रामीण बीट हेरले एक अंतर्गत हेरले येथे अनुसया मंगल कार्यालय मध्ये दिनांक 21 सप्टेंबर रोजी पोषण माह अंतर्गत सुदृढ बालक बालिका स्पर्धा व पाककृती स्पर्धा घेण्यात आल्या.  प्रमुख उपस्थिती माजी महिला बालकल्याण सभापती डॉ. पद्माराणी राजेश पाटील  प्राथमिक आरोग्य केंद्र हेरलेचे वैद्यकीय अधिकारी डॉ. राहुल देशमुख यांच्या प्रमुख उपस्थितीत संपन्न झाल्या.

     या स्पर्धेत पाककृती तयार करून आणणाऱ्या महिलांचे तीन क्रमांक काढण्यात आले. तसेच स्वस्थ बालक बालिका स्पर्धेमध्ये सहा महिने ते तीन वर्षे वयोगट तीन क्रमांक व तीन ते सहा वर्ष वयोगट तीन क्रमांक डॉक्टर राहुल देशमुख यांच्या मार्गदर्शनाखाली काढण्यात आले. तसेच पोषण महा - अंतर्गत पोषक आहाराविषयी डॉक्टर राहुल देशमुख यांनी तसेच  माजी महिला बालकल्याण सभापती  पद्माराणी पाटील यांनी मार्गदर्शन केले.

   या प्रसंगी हेरले ग्रामपंचायत सदस्या विजया घेवारी , आशा उलसार, आरती कुरणे , निलोफर खतीब , रिजवाना पेंढारी,  अपर्णा भोसले, ए एन एम, आर. मुल्लानी, आशा गटप्रवर्तक  दीपा भोसले अंगणवाडी पर्यवेक्षिका  ए. व्ही. पोवार ,अंगणवाडी सेविका व मदतनीस बीट हेरले -१ तसेच माता बालक व पालक मोठ्या संख्येने उपस्थित होते.  कार्यक्रमाची प्रस्तावना अंगणवाडी पर्यवेक्षिका  ए .व्ही.पोवार यांनी केली तर सूत्रसंचालन अंगणवाडी सेविका लता कदम यांनी केले.

        फोटो

हेरले येथे माजी महिला बालकल्याण सभापती डॉ. पद्माराणी राजेश पाटील  मार्गदर्शन करतांना शेजारी वैद्यकीय अधिकारी डॉ. राहुल देशमुख व अन्य मान्यवर.

मौजे वडगावची खंडित बससेवा पुर्ववत सुरु करा :शौमिका महाडिक यांच्या शिफारस पत्राद्वारे मागणी

हेरले /प्रतिनिधी 

 मौजे वडगाव ते कोल्हापूर के . एम . टी . बस सेवा काही दिवसापासून खंडित झाली असून ती पुर्ववत सुरु करावी अशी मागणी जि.प . च्या माजी अध्यक्षा शौमिका महाडिक यांच्या शिफारस पत्राद्वारे गावातील पदाधिकाऱ्याच्या शिष्टमंडळाने कोल्हापूर  महानगरपालिकाच्या आयुक्त डॉ. कादंबरी बलकवडे यांच्याकडे केली.

            मागील काही दिवसा पासून कोरोणाच्या कारणास्तव व कमी उत्पन्न मिळत आसल्याचे कारण देत मौजे वडगावात येणाऱ्या बसच्या सर्व फेऱ्या बंद करण्यात आल्या आहेत . कोल्हापूर हून संध्याकाळी मौजे वडगावात मुक्कामी येणारी बस सकाळी ६ वा ४५ मी  , 

९ .०० वा, १२ . ०० वा , ४  ०० वा .

 ६ . ० ० वा , यावेळेत ये - जा करित होती . हि बससेवा विध्यार्थांना अतिशय उपयुक्त ठरत होती . कारण सकाळी व दिवसभर भरणाऱ्या शाळेच्या तसेच शासकीय कामासाठी ये - जा करणाऱ्या नागरिकाना सोयीस्कर होती . परंतू कोरोणा काळात बंद झालेली बससेवा कोरोणानंतर उत्पन्न कमी मिळत आहे म्हणून बंद करण्यात आली आहे . त्यामुळे विध्यार्थांची गैरसोय होऊ लागली असून मानसिक त्रास सहन करावा लागत आहे . गावापासून फाट्यापर्यंत ये - जा हे ६ कि.मी. चेअंतर विध्यार्थांना पायपीट करणे जिकिरीचे झाले आहे . त्यामुळे ही बस सेवा पुर्ववत सुरु करावी अशी मागणी ग्रामस्थांच्या वतीने गावातील पदाधिकाऱ्यांच्या शिष्टमंडळाने केली आहे

          या शिष्टमंडळामध्ये माजी सरपंच सतिश चौगुले , माजी उपसरपंच सुरेश कांबरे ' ग्रा पं . सदस्य अवधूत मुसळे ' अविनाश पाटील , सामाजिक कार्यकर्ते सुनिल खारेपाटणे ' शौमिका महाडिक यांचे स्वीय सहाय्यक युवराज पुजारी , स्वप्नील चौगुले , महादेव चौगुले, अमोल झांबरे ,उपस्थीत होते . 

फोटो 

कोल्हापूर महानगरपालिकेच्या आयुक्त डॉ . कांदबरी बलकवडे यांना पुर्ववत बससेवा सुरु करणे संदर्भात निवेदन देताना शिष्टमंडळ

शौमिका महाडिक यांच्या फंडातून विविध विकास कामांचे उदघाटन व पाण्याच्या टँकरचा लोकार्पण सोहळा

हेरले /प्रतिनिधी 

पदभार स्विकारणे म्हणजे सगळं होत नसतं तर कार्यभार हा तितकाच महत्वाचा असतो त्यामुळे तो प्रामाणिक पणे उचलला पाहीजे. जितक्या प्रामाणिक पणे काम कराल तितक्या प्रामाणिक पणे दुसऱ्याच्या मनापर्यंत पोहचत असते हे मला माहित आहे . म्हणून मी माझं काम प्रामाणिक पणे करत राहते असे उदगार जि.प.च्या माजी अध्यक्षा शौमिका महाडिक यांनी काढले त्या मौजे वडगाव (ता. हातकणंगले) येथे जि .प . फंडातून झालेला विकास कामाच्या उदघाटन व पाण्याचा टँकर च्या लोकार्पण सोहळा प्रसंगी प्रमुख पाहुण्या म्हणून बोलत होत्या . कार्यकमाच्या अध्यक्षस्थानी श्रीकांत सावंत होते . तर प्रमुख उपस्थितीत रावसो चौगुले व सरपंच काशीनाथ कांबळे होते .

           त्या पुढे म्हणाल्या की, मी जो पाण्याचा टॅकर दिला आहे. त्याच्या मागे एक उदात्त हेतू आहे की ज्यावेळी कोल्हापुरात महापूर आला व चौहोकडे पाणीच पाणी होते पण माणसांना पिण्यासाठी पाणी नव्हते त्यासाठी आपण काहीतरी व्यवस्था केली पाहीजे पण ती ग्रामपंचायतीच्या हक्काची असवी त्यामुळे माझ्या मतदार संघामध्ये पाच गावे येतात त्या प्रत्येक गावात पाण्याच्या टँकरची व्यवस्था केली आहे.

      माझ्या मतदार संघातील प्रत्येक गावातील ग्रामस्थ माझ्या सोबत राहून मला मतदान केले . त्यामुळे मी तुमच्या मतावर जि.प मतदार संघाचे नव्हे तर जि .प .चे अध्यक्ष होऊन नेतृत्व करण्याची संधी दिली आहे . त्यामुळे भविष्यात मी पदावर असो वा नसो पण आपल्या मुलभूत गरजा भागविण्यासाठी तत्पर असेन . यावेळी जि.प शाळेतील खोली ,  प्राथमिक आरोग्य केंद्रातील खोली , मातंग समाज येथील आरसीसी गटर्स' व रस्ता , इत्यादी कामाचे उदघाटन त्यांच्या हस्ते करण्यात आले. तसेच गावासाठी कोट्यावधीची कामे करून वचनपूर्ती केलाचे समाधान वाटत आहे असेही त्या यावेळी म्हणाल्या . यावेळी माजी सरपंच सतिशकुमार चौगुले , . सविता सावंत , . अविनाश पाटील ,यांनी आपले मनोगत व्यक्त केले.

         यावेळी  अँड विजयकुमार चौगुले , सुनिल खारेपाटणे ,सतिश वाकरेकर ' माजी पोलिसपाटील मनोहर चौगले , आनंदा थोरवत , सुरेश कांबरे ' दादू अतिग्रे ,अमोल झाबरे , भूपाल कांबळे , पवन जाधव , माधूरी सावंत सरिता यादव , मायावती तराळ , आश्विनी लोंढे , यांच्यासह ग्रामस्थ मोठ्या संख्येने उपस्थित होते .स्वागत व प्रास्ताविक प्रदिप लोहर यांनी केले. तर आभार स्वप्नील चौगुले यांनी मानले .

फोटो 

शौमिका महाडिक यांच्या निधीतून पाण्याच्या टँकरचा लोकार्पण सोहळा प्रसंगी गावातील मान्यवर

हेरले येथे वर्षावास निमित्त श्रुंखलाबद्ध धम्म प्रवचन कार्यक्रमाचे आयोजन

हेरले / प्रतिनिधी

हेरले येथे वर्षावास निमित्त कोल्हापूर जिल्ह्यामध्ये आपण बौद्ध समन्वय समितीच्या माध्यमातून श्रुंखलाबद्ध धम्म प्रवचन कार्यक्रमाचे आयोजन  केले होते.

  रविवारी दि. ११सप्टेंबर २०२२ रोजी धम्म प्रवचन मालिकेतील ९ वे पुष्प कार्यक्रम संपन्न झाला

   धम्म चळवळ कृतिशील उपक्रमाने गतिमान होईल यावर विश्वास ठेऊन, वर्षावास निमित्ताने गावनिहाय धम्म प्रवचन कार्यक्रमाचे आयोजन  करण्यात आले. यामध्ये किमान १०० गावांचे उद्दिष्ट ठेवले आहे. आपण धम्म चळवळीतील प्रचारक, अभ्यासक, उपासक, उपासिका, कार्यकर्ता म्हणून या उपक्रमामध्ये सहभागी होऊन कोल्हापूर जिल्ह्यातील धम्मकार्य वाढीसाठी प्रयत्न सुरू आहे. या कार्यक्रमाचे दीप प्रज्वलन हातकणंगले पंचायत समितीचे माजी सभापती- श्रीमती जयश्री  कुरणे व सामाजिक कार्यकर्त्या श्रीमती. उर्मिला  कुरणे यांच्या हस्ते करण्यात आले.

 कार्यक्रमास प्रवचनकार आयु. कुलदीप जोगडे सर,   यांनी धम्मदेसना  देण्यात आली. त्यावेळी  कार्यक्रमाचे प्रस्तावना संदीप कोले यांनी केली व आभार हातकणंगले पंचायत समिती माजी सभापती- श्रीमती जयश्री कुरणे यांनी केले. त्यावेळी अक्षय कटकोळे , निखिल कुरणे, उर्मिला कुरणे, कृष्णात कटकोळे, नागावकर सर, सुरेश कदम ,प्रभुदास खाबडे, सुनील कुरणे, रवी लोकरे, मच्छिंद्र लोकरे, देवदान कांबळे, अमोल खाबडे, सतीश भोसले, राहुल कटकोळे,व  बौद्ध बांधव उपस्थित होते.

निधन वार्ता

हेरले / प्रतिनिधी

हेरले (ता. हातकणंगले ) येथील अतिष बाळासाहेब भोसले (वय ३४ ) यांचे मंगळवार दि. १३ रोजी आकस्मिक निधन झाले. त्यांचे पश्चात आई, वडील, भाऊ, बहीण, भाचे असा परिवार आहे. रक्षाविसर्जन गुरुवार दि. १५ सप्टेंबर रोजी आहे.

ग्रंथदान करणारी मंडळीच समाजाचे खरे हितचिंतक.... दादासो लाड

मुरगुड विद्यालयात ग्रंथ दान, प्रदर्शन उत्साहात संपन्न

कोल्हापूर / प्रतिनिधी

"वर्षानुवर्षे सातत्याने हजारो रुपयाचे ग्रंथ दान करणारे गुरुवर्य हेच विद्यार्थी, शिक्षक,शाळा आणि समाजाचे खरे हितचिंतक असतात. वाचनातून येणारी 'प्रगल्भता' आणि 'विवेक' ही आयुष्यभर न सरणारी संपत्ती आहे. असा संपन्न खजिना समाजासाठी खुला करणारे गुरुवर्य जीवन साळोखे यांचे कार्य सतत प्रेरणादायी ठरेल."असे गौरवोद्गार शिक्षक नेते दादा लाड यांनी काढले. 

   ते   शिक्षण प्रसारक मंडळ कोल्हापूर संचलित मुरगूड विद्यालय ज्यूनिअर कॉलेजमध्ये लेखक,पत्रकार,माजी मुख्याध्यापक जीवन साळोखे यांच्या पुढाकाराने ग्रंथदान आणि ग्रंथ प्रदर्शन कार्यक्रम प्रसंगी बोलत होते.  अध्यक्षस्थानी प्राचार्य एस. आर.पाटील होते.

     शिक्षक नेते दादा लाड, कोजिमाशीचे जेष्ठ संचालक, शिक्षक प्रतिनिधी बाळ डेळेकर यांच्या हस्ते पुस्तक प्रदर्शनाचे उद्घाटन झाले.याप्रसंगी जीवन साळोखे यांनी मुरगूड विद्यालयाच्या स्थापनेस 75 वर्ष पूर्ण झाली त्या निमित्त 25 हजार रुपयांची, शंभरावर ग्रंथ संपदा भेट दिली.

   माजी  प्राचार्य जीवन साळोखे म्हणाले," वाचन हे शिक्षकांचे कर्तव्य आहे. वाचनामुळे वाचा आणि मस्तक प्रगल्भ होते.मस्तक परिपूर्ण असणाऱ्या माणसाच्या हातातून चुकीची कृती होत नाही बदलत्या परिस्थितीत शिक्षकांना अत्याधुनिक तंत्रज्ञानाची सामना करताना स्वतःला ग्रंथ वाचनातून अद्ययावत ठेवावे लागेल.'शिवीगाळ' आणि 'अर्वाच्य भाषा' ही आपल्या समाजाची ओळख बनत चालली आहे. वाचन संस्कृती वाढली तर हा सामाजिक दुर्गुण घालवताता येईल". असे मौलिक मार्गदर्शन त्यांनी केले.

    यावेळी नामदार हसन मुश्रीफ फाउंडेशनचा 'आदर्श शिक्षक' पुरस्कार प्राप्त शिक्षक एम बी टिपुगडे व विक्रमसिंह घाटगे फौडेशनचा 'आदर्श शिक्षक' पुरस्कार विजेते आर.जी.पाटील यांचा सत्कार करण्यात आला.तसेच एन.एम.एम.एस.तसेच इयत्ता पाचवी आणि आठवी स्कॉलरशिप परीक्षेतील यशस्वितांचा व मार्गदर्शक शिक्षकांचा सत्कार करण्यात आला.

    कार्यक्रमास कोजिमाशीचे संचालक अविनाश चौगले,अभय वंटे,मुख्य लिपीक के.बी. वाघमोडे,इस्माईल नायकवडी,शिवाजीराव मोहिते,बाळासो किल्लेदार,उपमुख्याध्यापक संजय सूर्यवंशी,उपप्राचार्य एस.पी.पाटील,पी.बी. लोकरे,ए.एच.भोई, पी. एस. पाटील, जीवरक्षक दिनकर कांबळे, आदि मान्यवर हजर होते. स्वागत प्रास्ताविक एस. आर. पाटील यांनी तर सुत्रसंचालन अनिल पाटील यांनी तर आभार पर्यवेक्षक सुधाकर निर्मळे यांनी मानले.

मुरगुड विद्यालयाचे एन एम एम एस साठी 18 तर सारथी शिष्यवृत्तीसाठी 52 विद्यार्थ्यांची निवड.29 लाखाची मिळणार

 कोल्हापूर प्रतिनिधी

मुरगुड विद्यालय जुनियर कॉलेज मुरगुड मधील एन एम एम एस 18 तर सारथी शिष्यवृत्तीसाठी 52 विद्यार्थ्यांची निवड झाली आहे. या 70 विद्यार्थ्यांना चार वर्षासाठी 29 लाखाची शिष्यवृत्ती रक्कम प्राप्त होणार असल्याने पालक विद्यार्थी वर्गात समाधानाचे वातावरण पसरले आहे. आतापर्यंत विविध विभागातील 75 लाखांवर शिष्यवृत्ती विद्यार्थ्यांना प्राप्त केली आहे. 

 एन. एम. एम. एस. शिष्यवृत्ती पात्र विद्यार्थी...  स्वयम विजयकुमार जाधव, धनश्री बाळासो आगंज, श्रद्धा रामचंद्र पाटील  नेहा तानाजी गुरव, हर्षद तुलसीदास कुभांर  समृद्धी राजेंद्र नांदवडेकर, पृथ्वी राजाराम जठार, चिन्मय तानाजी कुभांर, धीरज अश्विनकुमार कांबळे,मुगेंद्र गणेश खांटागळे,आरती सर्जेराव कुभांर,ऋग्वेद विजय कांबळे, जीवन युवराज कांबळे, सिद्धीराज रोहिदास वाघमारे,सुशांत विलास कांबळे,ज्ञानेश्वर नामदेव लाड,साई संदीप वाडकर,पियुषा अशोक गुरव यांचा समावेश आहे.  

    सारथी शिष्यवृत्तीसाठी--  मगदूम सागर रंगराव ,गोरुले समृद्धी सुरेश ,तोरसे वेदांत विठ्ठल ,रेडेकर सार्थक जयवंत,पाटील नेहा विलास ,शिंदे अक्षता कृष्णात ,आरडे अथर्व दिलीप ,शिंदे प्रियांका विजय ,गोरुले उत्कर्षा सुनील,चौगुले सिद्धेश भैरवनाथ,पाटील नैतिक सुधीर,पाटील राजनंदिनी तानाजी

,पाटील समीक्षा सदानंद,कळमकर यश राजेंद्र,भोगले आदर्श मुकुंद,खराडे अर्जुन अरविंद,जठार प्रथमेश ज्योतीराम,आमते संचिता संदीप,सोरप श्रेया राजेंद्र,कळमकर वेदांत साताप्पा,जाधव स्वराली रवींद्र,ा रमल जानवी तानाजी,पाटील वेदिका विनायक,पाटील प्रथमेश दिलीप

 आरडे ऋग्वेद सर्जेराव,चव्हाण यश चंद्रकांत,भारमल साईराज सचिन,रेंदाळे अनुज आकाश,मिसाळ समीक्षा मोहन,पाटील अमृता अरुण,हळदकर ओंकार तानाजी,पाटील प्रणवी आनंदा, बाबर ऋग्वेद अमर,मातुगडे सोहम युवराज, हिरुगडे कोमल कृष्णात,पाटील प्रतीक उत्तम,पाटील अनिकेत विकास,पाटील सार्थक पांडुरंग,पाटील वेदांत राहुल,पाटील वेदांत अशोक,पाटील शुभंकर बाळासो,कोंडेकर आदर्श पुंडलिक

 ,मांडवे आदर्श परशराम,पाटील मंदार तानाजी,शेळके आदर्श विश्वनाथ,ताटे सुरज बापू ,नरके प्रतीक अविनाश,पाटील हर्षवर्धन राजेंद्र,खंडागळे रोहित नामदेव

 ,पाटील साक्षी धनाजी,पाटील समीक्षा दिनकर,पाटील कीर्ती बाळकृष्ण यांचा समावेश आहे. 

         या विद्यार्थ्यांना शिक्षण प्रसारक मंडळाचे सचिव प्रा. जयकुमार देसाई, अध्यक्षा श्रीमती शिवानीताई देसाई, 

उपाध्यक्ष शिवाजीराव सावंत, चेअरमन डॉ. प्रा. मंजिरी मोरे देसाई, युवा नेते दौलतराव देसाई, कोजीमाशी चे ज्येष्ठ संचालक शिक्षक प्रतिनिधी बाळ डेळेकर ,शालेय समिती चेअरमन प्रवीणसिंह पाटील प्राचार्य एस .आर.पाटील, उपप्राचार्य एस. पी. पाटील, उपमुख्यद्यापक एस. बी. सूर्यवंशी, पर्यवेक्षक एस. एच. निर्मळे, तंत्र विभाग प्रमुख पी. बी. लोकरे यांचे प्रोत्साहन तर एन. एन. गुरव,  ए. एस. चंदनशिवे ,सौ. एन. एम. पाटील सौ. के .एस.पाटील सौ. एस. जे. गावडे , श्री कचरे सर सर्व शिक्षक शिक्षकेतर यांचे मार्गदर्शन लाभले.

मुलीच्या शिक्षणासाठी सायकल भेट

 हेरले /प्रतिनिधी 

घर आणि शाळेतील अंतर हे मुलीच्या शिक्षणावर विपरित परिणाम करणारे ठरू नये या उद्देशाने कोल्हापूर येथील दानशूर व्यकतीमत्व व हॉटेल २४ K चे मालक राजेश करंदीकर मोहन पाटील संदीप सोनवलकर यांनी सायकल भेट दिली .

            नागाव (ता. हातकणंगले) येथील सुजाता कुंभार ही मुलगी आपल्या शेतमजूरआई वडिलांसह गावाबाहेर , शेतात  राहतात . तीने दहावीचे पर्यंतचे शिक्षण पूर्ण करून कोल्हापूर येथे महाविद्यालयात प्रवेश घेतला . पण तीला शेतातल्या घरापासून ते के . एम . टी . बस पकडण्यसाठी दररोजसुमारे पाच ते सहा किमी चे अंतर पायपीट करित जावे लागत होते. त्यामुळे तीचा वेळ वाया जाऊ नये व शिक्षणावर परिणाम होऊ नये तसेच तीला प्रोत्साहन मिळावे या उद्देशाने तीला सायकल भेट देण्यात आली.

          यावेळी माजी सरपच सतिश कुमार चौगुले , जयवंत चौगुले (अतिग्रे ), बाळासो थोरवत , माजी उपसरपंच सुरेश कांबरे , अविनाश पाटील ,गंगाराम कुंभार , ओंकार चौगुले , विनोद सौदे ' शुभम घुगरे , यांच्यासह मान्यवर उपस्थित होते .

आई वडील शेतमजूर असल्याने सायकल घेण्याची सुद्धा माझी परिस्थीती नव्हती दररोज पाच ते सहा किमी पायपीट करित मी के एमटी पर्यत पोहचत असे. आशा अडचणीच्या काळात मला सायकल दिल्याने माझा वेळ व शिक्षणाची चागली सोय झाली .

        सुजाता कुंभार ( विद्यार्थीनी 

)

फोटो 

हॉटेल २४ K चे मालक राजेश करंदीकर यांनी आपला मित्रांच्या व मान्यवराच्या हस्ते सायकल भेट दिली .

हेरले ( ता. हातकणंगले ) येथील श्री छत्रपती शिवाजी विकास सेवा संस्थेची २७ वी सर्वसाधारण सभा मोठ्या उत्साहात व खेळीमेळीत संपन्न

हेरले / प्रतिनिधी 

हेरले ( ता. हातकणंगले ) येथील श्री छत्रपती शिवाजी विविध कार्यकारी सहकारी (विकास) सेवा  संस्थेची २७ वी  सर्वसाधारण सभा मोठ्या उत्साहात व खेळीमेळीत संपन्न झाली.  संस्थेचे सचिव नंदकुमार माने  यांनी अहवाल वाचन केले तर सभेच्या अध्यक्षस्थानी चेअरमन उदय चौगुले होते .

    यावेळी बोलताना चेअरमन उदय चौगुले म्हणाले,गेली काही वर्षांमध्ये संस्थेमध्ये अत्यंत काटकसरीने कारभार केला असल्याने ठेवी  व कर्जामध्ये वाढ झाली असल्यामुळे संस्थेस ४ लाख ३  हजार इतका नफा झाला आहे. या प्रसंगी सभासदांना ५% डिव्हिडंट देण्याचे जाहीर करत,मयत सभासदाला अंत्यविधीसाठी   तीन हजार रुपयांची तरतूद केल्याचे जाहीर केले. या प्रसंगी माजी सभापती राजेश पाटील, माजी उपसभापती अशोक मुंडे, स्वाभिमानी शेतकरी संघटना सरचिटणीस मुनिर जमादार,सुरेश चौगुले  यांनी मनोगते व्यक्त केली.

        या सभेस चेअरमन  उदय चौगुले, व्हा .चेअरमन कपील भोसले, संचालक माजी सभापती राजेश पाटील , आदगोंडा पाटील,प्रकाश पाटील,सुनील खोचगे, शशिकांत पाटील , महावीर चौगुले, राजेंद्र कदम,स्वप्नील कोळेकर, अशोक मुंडे,श्रीमती शांतादेवी कोळेकर, श्रीमती रोहिणी पाटील आदी मान्यवरांसह  सभासद, संस्थेचे कर्मचारी, हितचिंतक मोठया संख्येंनी उपस्थित होते . आभार व्हा. चेअरमन कपिल भोसले  यांनी मानले.

लम्पी स्किन या आजाराची लागण झालेल्या जनावरांना गोकुळ दूध संघाच्या पशुसंवर्धन विभागामार्फत उपचार

हेरले / प्रतिनिधी

लम्पी स्किन या आजाराची लागण झालेल्या अतिग्रे गावातील शेतकऱ्यांच्या गोठ्यास कोल्हापूर जिल्हा सहकारी दूध उत्पादक गोकुळ संघाचे जेष्ठ संचालक अरुण डोंगळे यांनी भेट दिली. यावेळी गोकुळ दूध संघाच्या पशुसंवर्धन विभागामार्फत तयार करण्यात आलेल्या आयुर्वेदिक औषधाचे वाटप डोंगळे यांच्या हस्ते शनिवारी करण्यात आले.

हा आजाराची सुरुवात राजस्थान राज्यातून झाली आहे. हा संसर्गजन्य आजार असुन जनावरांचे आरोग्य धोक्यात येवू शकते व दूध उत्पादनात घट होते. या आजाराची भिती बाळगण्याची गरज नाही. हा आजार योग्य उपचार केल्यास बरा होतो.‌असे सांगून गोकुळ दूध संघाच्या पशुसंवर्धन विभागामार्फत योग्य ती काळजी घेतली जाईल असे आश्वासन डोंगळे यांनी दूध उत्पादक शेतक-यांना दिले.

यावेळी डॉ. मगरे व संतुलित आहार कार्यक्रमाचे प्रतिनिधी मुबारक हजारी उपस्थित होते.

फोटो......

अतिग्रे येथील आजारी जनावरांच्या गोठ्यास भेटी प्रसंगी माहिती घेताना अरुण डोंगळे,  डॉ. मगरे व मुबारक हजारी.

आमदार प्रशांत बंब यांनी शिक्षकांची माफी न मागितल्यास कोल्हापूर जिल्हा शैक्षणिक व्यासपीठ त्यांच्या विरोधात तीव्र आंदोलन करणार : आमदार प्रा. जयंत आसगावकर

कोल्हापूर / प्रतिनिधी

महाराष्ट्राच्या विधानसभेत आमदार प्रशांत बंब यांनी २३ऑगस्ट २०२२ रोजी शिक्षका विरोधी केलेल्या वक्तव्य विषयी त्यांना समज देऊन त्यांनी शिक्षकांची क्षमा याचना केली नाही तर कोल्हापूर जिल्हा शैक्षणिक व्यासपीठ त्यांच्या विरोधात आंदोलन करणार असा निर्णय कोल्हापूर जिल्हा शैक्षणिक व्यासपीठाच्या बैठकीमध्ये घेण्यात आला. या सभेच्या अध्यक्षस्थानी व्यासपीठाचे अध्यक्ष एस.डी.लाड होते तर शिक्षक आमदार प्रा. जयंत आसगावकर यांच्या मार्गदर्शनाखाली ही बैठक संपन्न झाली.

      महाराष्ट्राच्या विधानसभेमध्ये आमदार प्रशांत बंब यांची शिक्षकांविरोधी वक्तव्य त्यांचे शासनाचे शैक्षणिक धोरण व प्रचलित आदेश याविषयी अज्ञान सिद्ध करणारी आहेत. शिक्षकांना मुख्यालयी ठिकाणी राहणे  अनिवार्य करताना त्यांच्यासाठी शाळेजवळ निवास व्यवस्था करणे, शाळेतील मुला मुलींसाठी स्वतंत्र स्वच्छतागृहे उभारणे, आदी बाबी आरटी कायद्यानुसार शासनावर बंधनकारक आहेत. यासाठी शासन असमर्थ ठरले आहे. शासनाने दिनांक  ७ ऑक्टोबर  २०१६ रोजीच्या आदेशानुसार ग्रामीण विभागात शिक्षकांना मुख्यालयाच्या  ठिकाणी राहणे अनिवार्य नसल्याचा निर्णय घेतलेला आहे. शिवाय विद्यार्थ्यांची प्रगती कमी अधिक असण्यास केवळ शिक्षकांना जबाबदार धरण्याचा आमदार बंब यांचा जावई शोध त्यांच्या शैक्षणिक आकलन क्षमते विषयी प्रश्नचिन्ह निर्माण करणारा आहे. तसेच सभागृहातील व व्हायरल ऑडिओ मधील त्यांची शिक्षका विषयी वक्तव्य आमदार या नात्याने सभ्यता व विषयाचे गांभीर्य  या संबंधी त्यांची बेफिकिरी व सत्तेचा उन्माद दर्शवणारी आहे. तसेच प्रगतीशील महाराष्ट्रात असभ्य व बेमुर्वतखोर व अभ्यास न करता सवंग बकवास करणारे लोकप्रतिनिधी असणे हा महाराष्ट्राला लागलेला सांस्कृतिक कलंक असल्याने अशा वृत्तीचा व प्रवृत्तीचा निषेध होणे व त्यास प्रोत्साहन मिळणार नाही यासाठी  कारवाई होणे सामाजिक दर्जेदारपणा सुरक्षित  ठेवण्यासाठी आवश्यक आहे. अशी कोल्हापूर जिल्हा शैक्षणिक व्यासपीठाची धारणा आहे म्हणून आमदार प्रशांत बंब यांनी विधानसभा सभागृहात दिनांक २३ ऑगस्ट  २०२२ रोजी शिक्षकविरोधी जी मुक्ताफळे उधळी  याबद्दल कोल्हापूर जिल्हा शैक्षणिक व्यासपीठ आमदार प्रशांत बंब यांचा समस्त शिक्षकांच्या वतीने जाहीर निषेध करीत आहे. तसेच त्यांनी शिक्षकांची क्षमा याचना करावी अशी मागणी करीत आहोत.जर त्यांनी शिक्षकांची क्षमा याचना केली नाही तर त्या विरोधात कोल्हापूर जिल्हा शैक्षणिक व्यासपीठ तीव्र आंदोलन करणाच्या निर्णय घेण्यात आला.

      तसेच महाराष्ट्र शासनाने शाळेतील प्रत्येक वर्गात वर्गशिक्षकांचे  फोटो लावण्याचा जो निर्णय घेतला आहे तो शिक्षकांच्यावर अविश्वास निर्माण करणारा आहे. शाळेतील गुणवत्ता राखण्यासाठी शिक्षक सातत्याने प्रयत्न करत असतात. फोटो लावल्याने गुणवत्ता राखली जाईल हे धोरण असंविधानात्मक  आहे. कोल्हापूर जिल्हा शैक्षणिक व्यासपीठांनी या विरोधात  झालेल्या बैठकीमध्ये कोल्हापूर जिल्ह्यातील कोणत्याही शाळेमध्ये शिक्षकांचे फोटो लावू नयेत असा निर्णय घेण्यात आला.  

५ सप्टेंबर रोजी शिक्षण उपसंचालक कार्यालयासमोर कायम विनाअनुदानित शाळातील प्रश्नांसाठी शिक्षक दिन काळा दिन म्हणून साजरा करण्याचा जो निर्णय कायम विनाअनुदानित संघटनांनी घेतलेल्या निर्णयास पाठिंबा देण्याचा शैक्षणिक व्यासपीठाने निर्णय घेतला.

   या सभेस बी .जी. बोराडे, पी. एस. हेरवाडे, खंडेराव जगदाळे, बाबासाहेब पाटील, सुधाकर निर्मळे, उदय पाटील, शिवाजी माळकर, उमेश देसाई, सुधाकर सावंत, राजेंद्र कोरे, आदी मान्यवरांसह शिक्षक संघटनेचे पदाधिकारी उपस्थित होते.

    फोटो 

शिक्षक आमदार प्रा. जयंत आसगावकर यांना विविध मागण्यांचे निवेदन देतांना व्यासपीठ अध्यक्ष एस. डी. लाड यांच्यासह शिक्षक संघटनेंचे प्रमुख पदाधिकारी.