बिट कॉईनचा भूलभुलैया

कोल्हापूर - ज्ञानराज पाटील,

तुम्हाला Whats app किंवा अन्य मार्गाने बिटकॉईनबाबत किंवा इतर कॉईन ट्रेडिंग करणाऱ्या ग्रुप कडून अथवा इतर कोणाकडूनही अमुक अमुक कॉईन मध्ये गुंतवणूक करण्याबद्दल सांगितले तर गुंतवणुकीच्या आधी इंटरनेटवर त्याविषयी पूर्ण माहिती काढा.
पंप आणी डम्प सारख्या स्कीम मध्ये तुमचे पैसे गुंतवू नका, हि स्कीम म्हणजे कॉईन ची किंमत हळू हळू वाढवत नेली जाते आणी एका क्षणात ० होते, त्याने कॉईनच्या संचालकांचा फायदा होतो आणी इतरांचे नुकसान, तेव्हा काहीही झाले तरी स्वतः माहिती मिळवा, इतरांच्या माहितीवर विश्वास ठेऊ नका.. ‘जो दुसऱ्यावर विसंबला त्याचा कार्यभाग बुडाला’ हे लक्षात असुद्या..!!

बिटकॉईनबाबत सध्या देशातील गुंतवणूकदारांमध्ये आकर्षण वाढले असून भारतीय रिझर्व्ह बँकेने त्याच पार्श्वभूमीवर गुंतवणूकदारांना बिटकॉइनपासून दूर राहण्याचा सल्ला दिला आहे.

बिट कॉईन्स आणि इतर कॉईन करन्सीचा वापर करणे बेकायदेशीर असून, वापरकर्त्यांवर सावकारी, तसेच दहशतवादाला पैसा पुरविल्याच्या आरोपाखाली कारवाई केली जाऊ शकते, असा इशारा रिझर्व्ह बँकेने दिला आहे. बिट कॉईन किंवा इतर कोणत्याही कॉईन करन्सीची खरेदी, विक्री आणि साठेबाजी करण्याशी संबंधित प्रकरणाची रिझर्व्ह बँकेकडून चौकशी करण्यात येत आहे.

भारतातच नव्हे, तर जगभरात अनेक देशांनी अशा कॉईन करन्सीबद्दल चिंता व्यक्त केली आहे. अशा परिस्थितीत सर्व सामान्य माणसाने कोणत्याही भूलथापांना बळी न पडलेले उत्तम !