हेर्ले / वार्ताहर दि. १७/१२/१७
हातकणंगले तालूक्यातील मौजे वडगांव येथील बालावधूत हायस्कूलमध्ये एमसीसी गटपातळी स्पर्धेत हेरले हायस्कूलने प्रथम क्रमांक पटकाविला.
हातकणंगले पंचायत समितीच्या शिक्षण विभागाच्या मार्फत समन्वयक कुमार पाटील यांनी एमसीसी गटपातळीची स्पर्धा आयोजित केली होती. या स्पर्धेत परिसरातील माध्यमिक शाळांनी सहभाग घेतला होता. यामध्ये प्रथम क्रमांक हेरले हायस्कूल हेरले, द्वितीय क्रमांक राष्ट्रसेवा प्रशाला, तृतीय क्रमांक बालावधूत हायस्कूलने पटकाविला. स्पर्धेचे उद्घाटन सरपंच काशिनाथ कांबळे, उपसरपंच किरण चौगुले यांच्या हस्ते करण्यात आले. बक्षिस वितरण ग्रामपंचायत सदस्य अवधूत मुसळे, माजी उपसरपंच शाखाप्रमुख सुरेश कांबरे यांच्या हस्ते करण्यात आले.परिक्षक म्हणून अध्यापक नरसोडे, गवंडी, पाटील, कांबळे आदींने केले. याप्रसंगी प्रशालेचे मुख्याध्यापक एस.जी. पाटील, क्रीडा विभागप्रमुख संजय चौगुले,शिक्षक वृंद, विदयार्थी उपस्थित होते.
फोटो - मौजे वडगांव येथील बालावधूत हायस्कूलमध्ये एमसीसी गट पातळी स्पर्धेतील विजेते सहमान्यवर.
