हातकणंगले/ प्रतिनिधी
कोल्हापूर - सांगली राज्यमार्गावर मौजे वडगाव व हेरले फाट्यावरती रस्त्याच्या लगत फळयांच्या डेपोतील फळयांचा ढिग रस्त्यालगतच टाकल्याने त्यातील खिळे मोळ्यामुळे वाहने पंक्चर होत असून वाहतुकीस अडथळा व धोकादायक ठरत असलेल्या या डेपोतील रस्त्याच्या लगतचा फळयांचा ढिग काढून घ्यावा अशी मागणी प्रवासी वर्गातून होत आहे.
कोल्हापूर सांगली राज्यमार्गावर मौजे वडगाव व हेरले गावभाग फाट्यावरती फळ्यांचा डेपो आहे. त्यातील काही फळ्या ,बडोदे, लाकडी चक्र रस्त्यापर्यंत टाकले असल्याने वाहतुकीस अडथळा ठरत आहे. तसेच या फळ्यांना मोठे खिळे - मोळे असल्याने वाहने पंक्चर होत आहेत. रस्त्यालगतच फळ्यांचे ढिग असल्याने वाहनांना ओव्हरटेक करताना साईड पट्टीवरती खाली घ्यायला अडचण ठरत आहे.हेरले फाट्यानजीकही असाच लाकडी फळ्यांचा डेपो आहे त्याही फळ्या रस्त्या लगतच टाकले असल्याने वाहतुकीस अडथळा ठरून या फळ्यांतील खिळ्या मोळ्यामुळे अनेक वाहने पंक्चर होत आहेत.
तरी सार्वजनिक बांधकाम विभाग, हातकणंगले पोलीस ठाणे,एमआयडीसी पोलीस ठाणे प्रशासनाने या दोन्ही फळ्यांच्या डेपो मालकास रस्त्यापासून दहा फूट दूर फळ्यांचा डेपो करण्यासाठी सूचना देऊन वाहतूकीस धोकादायक व अडथळा ठरणाऱ्या समस्यांचे निराकरण करावे अशी मागणी प्रवासी वर्गातून होत आहे.
कोल्हापूर -सांगली राज्य मार्गावरील मौजे वडगाव फाटा येथील वाहतुकीस अडथळा व धोकादायक ठरत असलेला फळयांचा ढिग.
