हेरले / प्रतिनिधी
दि.13/5/21
हेरले ( ता. हातकणंगले) येथील प्राथमिक आरोग्य केंद्रामध्ये कोरोना प्रतिबंध उपाययोजना विषयी आरोग्य कर्मचारी हेरले मेडिकल असोसिएशनचे खासगी वैद्यकीय व्यावसायिक व कोरोना ग्राम दक्षता समिती यांच्या संयुक्त विद्यमाने वैद्यकिय अधिकारी डॉ. राहूल देशमुख यांच्या प्रमुख उपस्थित सभा होऊन विविध उपचार विषयावर चर्चा झाली.
या सभेमध्ये पुढील विषयावर चर्चा होऊन निर्णय घेण्यात आले.गृह विल - गीकरनात असणारे लक्षणे विरहीत रुग्णांना खाजगी वैद्यकिय व्यावसायिक यांचे मार्फत उपचार सुरु करणेत येणार असून हे उपचार माफक बाराशे रुपयामध्ये केले जाणार आहेत. तसेच त्यांना आरोग्य कर्मचारी व आशा स्वयंसेविका या दररोज भेट देतील.
खाजगी वैद्यकिय व्यावसायिक यांचे ओपीडीमध्ये आढळणारे संशयीत ताप, इली व सारी रुग्णाची माहिती आरोग्य कर्मचारी तसेच ग्राम दक्षता समितीला कळवणेत येणार आहे.त्यानुसार या रुग्णांना मराठी शाळेत विलगीकरण करुन त्यांचे रॅपिड अँटिजेन टेस्ट करणेत येणार आहे.ही टेस्ट घेण्यासाठी येणाऱ्या कर्मचाऱ्याचे मानधन हे हेरले मेडिकल असोसिएशन मार्फत देण्यात येणार आहे.
गृह विलगीकरनात असणाऱ्या रुग्णांना घरात निर्जंतुकीकरण करण्यासाठी ५० बोटल सोडियम हाइपोक्लोराइड हे मेडिकल असोसिएशन मार्फत देण्यात येणार आहे. त्यांच्या मार्फत मराठी शाळेत फेवर क्लिनिक सुरु करण्यात येणार आहे.तसेच ज्यांचे स्वॅब टेस्ट रिपोर्ट पॉजिटिव्ह येतील त्यांना घोडावत कोविड सेंटरमध्ये उपचारासाठी भरती करण्यात येणार आहे.
या प्रसंगी मुनिर जमादार, तलाठी एस. ए. बरगाले, ग्रामविकास अधिकारी संतोष चव्हाण, हेरले मेडिकल असोसिएशनचे डॉ. इमरान देसाई ,डॉ. महावीर पाटील , डॉ.प्रवीण चौगुले, डॉ. अमोल चौगुले, डॉ. आलमान, डॉ.आर. डी.पाटील, डॉ.अमित पाटील आदी मान्यवर उपस्थित होते. अशी माहिती प्रसिध्दीस वैद्यकिय अधिकारी डॉ. राहुल देशमुख यांनी दिली.
