'
कोल्हापूर / प्रतिनिधी
'कोजिमाशी ' पतसंस्था स्वखर्चाने सभासदांचा १० लाख रुपयांचा अपघाती विमा उतरणार असून कर्जमर्यादा ३५ लाख रुपये तर व्याजाचा दर ११टक्यावरून १० टक्के करणे , भागभांडवल मर्यादा ३० हजारावरून ३५ हजार रुपये करणे, २४ टक्के दराने विक्रमी लाभांश देणे , वरिष्ठ महाविद्यालयाशी संलग्न असणाऱ्या कनिष्ठ महाविद्यालयीन कर्मचाऱ्यांना सभासदत्व देणे , असे महत्वाचे निर्णय कोजिमाशि पतसंस्थेच्या ५१ व्या वार्षिक सर्वसाधारण सभेत मंजूर करण्यात आले .
कोल्हापूर जिल्हा माध्यमिक शिक्षक ( कोजिमाशि) पतसंस्थेची ५१वी वार्षिक सर्वसाधारण सभा रविवार २६ रोजी संस्थेच्या शाहूपुरी प्रधान कार्यालयातून व्ही .सी. द्वारे खेळीमेळीच्या वातावरणात संपन्न झाली . सकाळी ११ वाजता सुरू झालेली सभा तब्बल साडेतीन तास चालली . यावेळी विविध विषयावर चर्चा होऊन सभासद व संस्थाहिताचे निर्णय घेण्यात आले . शिक्षकनेते व तज्ञ संचालक दादासाहेब लाड , संस्थेचे चेअरमन बाळ डेळेकर , मुख्यकार्यकारी अधिकारी अरविंद पाटील यांनी सभासदांनी विचारलेल्या प्रश्नांना समाधानकारक उत्तरे दिली .
सभेच्या अध्यक्षस्थानी चेअरमन लक्ष्मण उर्फ बाळ डेळेकर होते . प्रारंभी अहवाल सालातील दिवंगत सभासदांना श्रध्दांजली वहाण्यात आली . शिक्षकनेते व सहकार तज्ञ संचालक दादासाहेब लाड यांनी स्वागत केले .मार्च २०२१ या अहवाल सालात संस्थेला ४ कोटी २२ लाख ७२ हजार ५८० रुपये इतका नफा झाला असून सभासदांना विक्रमी २४ टक्के लाभांश दिला जाणार आहे . संस्थेच्या ठेवी ४६६ कोटी ३९ लाख ५३ हजार रुपये इतक्या असून गुंतवणूक १६२ कोटी ६९ लाख ८३ हजार रुपये तर भागभांडवल १९ कोटी ४० लाख ६९ हजार इतके आहे . असा संस्थेच्या प्रगतीचा आढावा चेअरमन बाळ डेळेकर यांनी प्रास्ताविकातून विषद केला . मुख्य कार्यकारी अधिकारी अरविंद पाटील यांनी अहवाल वाचन केले . अहवालावरील सर्व विषयावर चर्चा होऊन सभासदांनी सर्वानुमते मंजूरी दिली..
सर्व शाखात सिसीटीव्ही कॅमेरे बसविण्यात यावेत , सभासदांच्या मुली पाल्यासाठी शहरात मुलींचे वसतिगृह सुरु करावे , दिपावली भेट म्हणून १५ किलो तेलाचा डबा द्यावा , वैद्यकिय उपचार कर्ज योजना सुरू करावी , मंगळवार पेठ शाखा इमारतीचे नुतनीकरण करण्यात यावे, जुन्या पेन्शन योजनेसह शैक्षणिक समस्यावर विचारविनिमय व्हावा या उद्देश्याने सातही शिक्षक आमदारांना कोल्हापूरात बोलावून गोलमेज परिषदेचे संस्थेमार्फत आयोजन करावे असे अनेक प्रश्न सभासदांनी विचारले .
विरोधक कर्जाचा व्याजदर ८ टक्के करण्याची मागणी करीत आहेत मात्र हेच संचालक ज्या संस्थेत नेतेगरी करतात त्या संस्थेचा व्याजदर बारा टक्के आहे . मग तेथील सभासदांनी दाद कुणाकडे मागायची ? असा खोचक सवाल चेअरमन बाळ डेळेकर यांनी विरोधकांच्या प्रश्नास उत्तर देताना केला व सात हजार कोटी ठेवी असणारी केडीसीसी बँक ११ टक्के व्याजदराने कर्जपुरवठा करते . मग कोजिमाशिने ८ टक्के व्याजदर केला तर संस्थेच्या आर्थिक प्रगतीला खीळ बसेल याबाबत विरोधकांनी आत्मपरिक्षण करावे ..
ऑनलाईन सभेत संजय परीट, सूर्यकांत चव्हाण, निशिकांत चव्हाण ,सुधाकर डोणोलीकर ,रमजान मुल्ला, अशोक मानकर, सचिन पाटील ,नामदेव घोलपे ,एस .पी .पाटील ,विनोद उत्तेकर ,दत्ता जाधव, रमाकांत बुध्दीसागर, राजेंद्र पाटील, एन .जी नलवडे, संजय रोडे, तात्यासाहेब गोते ,सुहास पाटील, यासिम सय्यद, अकबर पन्हाळकर ,प्रतापराव पाटील ,गोरक्ष पाटील ,अनंत भोगम ,रफिक पटेल ,संजय देसाई, सचिन शिंदे, संदिप मगदूम, नेताजी डोंगळे , जीवन पाटील , राजू भोरे , प्रकाश कोकाटे , राजाराम शिंदे , विनायक सपाटे , किसन डोंगळे , मनोहर पाटील , आदीसह सभासदांनी सहभाग घेतला .
यावेळी संस्थेचे सर्व संचालक उपस्थित होते .
आभार व्हाईस चेअरमन सुभाष पाटील यांनी मानले .
चौकट-१ ) महिलांचा उत्स्फूर्त सहभाग ..
या सभेत सौ . सुषमा पाटील , निशा साळोंखे ऋतुजा पाटील उज्ज्वला सातपुते यांनी सहभाग घेऊन सूचना मांडल्या व संस्थेच्या पारदर्शी कारभाराचे कौतुक केले .
२ ) सन २०-२१ अहवाल सालात संस्थेने मयत सभासदांचे २ कोटी ८० लाख, २३ हजार ४४७ रूपये कर्जमुक्ती निधितून माफ केले आहे असा निर्णय घेणारी राज्याच्या सहकार क्षेत्रातील एकमेव संस्था आहे .तसेच कन्या योजनेअंतर्गत ९३ सभासदांना २ लाख३२ हजार रूपयांचे वाटप केले आहे . अशी माहीती तज्ञ संचालक दादासाहेब लाड यांनी विचारलेल्या प्रश्नांना दिली .
३ )कोविड महामारीच्या काळात २८५ सभासदांना १४ लाख २५ हजार रुपयांची मदत धनादेशाद्वारे वाटप केले त्याचबरोबर पुरग्रस्त शाळा व सभासदांना १३ लाख २ हजार रुपये अदा केले आहेत तसेच जिल्हा आपत्ती व्यवस्थापन समितीकडे २ लाख ५० हजार इतकी रक्कम संस्थेने प्रदान करून सामाजिक बांधिलकी जोपासली आहे .
४ ) कर्जाचा व्याजदर ११टक्यावरून १० टक्के करणे तसेच कर्जमर्यादा ३५ लाख रूपये करणे , भागभांडवल मर्यादा ३५ हजार करणे असे सभासदाभिमुख निर्णय होऊन येत्या दिपावलीला हि सुखद भेट असेल असे दादा लाड यांनी घोषित केले
५ ) कोरोना संसर्गग्रस्त सभासद व पुरगस्त शाळा व सभासद यांना आर्थिक मदत दिल्याबद्दल संचालक मंडळाच्या अभिनंदनाचा ठराव एस .पी. पाटील , पी .डी. जाधव यांनी मांडला.
६ ) दादांची धास्ती ... ?
सभासदांच्या प्रश्नांना उत्तरे देण्यास तज्ञ संचालकासह सर्व संचालक मंडळ बांधिल असते . दादांची समर्पक उत्तरे सभासदांना भावतात असे असताना दादां लाड यांच्या हस्तक्षेपाबाबत विरोधकांना दादांची धास्ती का ? असा सवाल डेळेकर यांनी केला .
७ ) जे विरोधी सभासद , संचालक , नेते अन्य शिक्षक संस्थेत नेतेगिरी करतात मात्र कर्ज कोजिमाशितून काढतात आणि याच मातृसंस्थेची विविध प्रसारमाध्यमाद्वारे बदनामी करून संभ्रम निर्माण करतात . अशांचे सभासदत्व रद्द करण्याचा ठराव प्रा .पी .एस . पाटील यांनी मांडला .
७ ) शिक्षकनेते दादासाहेब लाड हे कोजिमाशि परिवारातील सर्व सभासदांच्या सुख : दुःखात सहभागी होणारा मराठी मनाचा दिलदार माणूस आहे अशी बिरुदावली यासिन सय्यद ( आजरा ) यांनी केली . -
फोटो -ऑनलाईनसभेत सभासदांना समर्पक उत्तरे देताना तज्ञ संचालक दादासाहेब लाड ,चेअरमन बाळ डेळेकर, मुख्यकार्यकारी अधिकारी अरविंद पाटील . इनसेटमध्ये प्रश्न विचारणारे सभासद .
-
