हेरले / प्रतिनिधी
सावित्रीबाई बहुउद्देशीय महिला सामाजिक संस्थेने हा राबविलेला उपक्रम समाज कार्यासाठी दिशा देणारा ठरेल. असे मत सरपंच सौ. पद्मजा करपे यांनी व्यक्त केले. त्या शिरोली येथील वीर सावरकर नगर मध्ये आयोजित गरीब व गरजू मुलींना सायकल वाटप कार्यक्रमात बोलत होत्या.
मानव हक्क सुरक्षा संघटनेच्या कोषाध्यक्ष सौ. राणी खोत, व भाजपच्या महिला आघाडी जिल्हा चिटणीस सौ. अश्विनी पाटील या प्रमुख पाहुण्या म्हणून उपस्थित होत्या.
त्या पुढे म्हणाले सामाजिक कार्यकर्ते व मानव हक्क संघटनेच्या जिल्हा अध्यक्षा सौ .अनिता रावण यांनी सावित्रीबाई बहुउद्देशीय महिला सेवाभावी संस्थेच्या माध्यमातून येथील गोरगरीब मुलींना शाळेला ये- जा करण्यासाठी सुमारे २० सायकली उपलब्ध करून दिल्या . हा उपक्रम अत्यंत स्तुत्य असून सामाजिक चळवळीला दिशा देणारा ठरेल.
यावेळी सौ. राणी खोत, सौ. कमल कौंदाडे, महमद महात आदींची भाषणे झाली.
या कार्यक्रमास माजी ग्रामपंचायत सदस्य प्रकाश कौंदाडे, सोनाली पोवार, नेत्रदिपा पाटील, चित्रलेखा पाटील, आशा जाधव, छाया खोत, माया घोरपडे, शाहीन भालदार, शितल मगदूम, छाया थोरवत, सुवर्णा शिंदे, गिता पोवार, अर्चना झांबरे, श्रीकांत कांबळे, प्रकाश शिंदे, संदीप शिंदे ,योगेश खवरे, विनोद आंची, राजू देसाई, आरीफ सर्जेखान, सागर कौंदाडे, बाळू पाटील आदीसह ग्रामपंचायत सदस्य, विद्यार्थी पालक व ग्रामस्थ मोठ्या संख्येने उपस्थित होते. स्वागत प्रास्ताविक मानव हक्क व सुरक्षा संघटनेच्या जिल्हा अध्यक्षा सौ. अनिता रावण यांनी केले, सुत्रसंचालन विजय जाधव यांनी केले, आभार
फोटो.....
पुलाची शिरोलीत गरीब मुलींना सायकल वाटप करताना सरपंच पद्मजा करपे, जिल्हा अध्यक्षा अनिता रावण, कमल कौंदाडे, अश्विनी पाटील, राणी खोत आदी.
