कोल्हापूर प्रतिनिधी
दिनांक 27 फेब्रुवारी 2024
मनपा एस्तर पॅटन प्राथमिक शाळा क्रमांक 73 कनान नगर कोल्हापूर येथे मराठी भाषा गौरव दिन साजरा करण्यात आला. यावेळी मनपा कोल्हापूरचे अतिरिक्त आयुक्त माननीय केशव जाधव साहेब यांच्या मार्गदर्शनाखाली प्रशासनाधिकारी प्राथमिक शिक्षण समिती श्री. एस के.यादव साहेब यांच्या प्रेरणेतून आजच्या दिवसाचे औचित्य साधत इयत्ता पाचवी स्कॉलरशिप परीक्षेत राज्यस्तरावर आपले गुणवत्ता सिद्ध करून इस्त्रो पाहिलेल्या विद्यार्थीनी कुमारी वसुंधरा सावंत आणि कुमारी ज्ञानेश्वरी साळुंखे यांचा विशेष सत्कार व मुलाखतीचा कार्यक्रम आयोजित करण्यात आलेला होता. या कार्यक्रमास सदरहू आती उच्च बुद्धिमत्ता धारक विद्यार्थिनींनी मनपा एस्तर पॅटन प्राथमिक शाळेतील इयत्ता पहिली ते चौथीच्या विद्यार्थ्यांशी *स्पर्धा परीक्षा व मी* या विषयावर सुसंवाद साधला बाल चमूच्या अनेक प्रश्नांना हसतमुखाने त्यांनी उत्तरे दिली व उपस्थित सर्व पालक शिक्षक भागातील नागरिक विविध संस्थांचे पदाधिकारी व्यवस्थापन समितीचे सर्व सदस्य , अध्यक्ष यांची मने जिंकली. कार्यक्रमाचे प्रास्ताविक सहाय्यक शिक्षिका प्रियांका चौगले यांनी केले तर आभार प्रदर्शन प्रभारी मुख्याध्यापक श्री आर जी कांबळे सर यांनी केले आयोजनांमध्ये टेंबलाईवाडी विद्यालयाचे मुख्याध्यापक श्री विलास पिंगळे सर, वर्ग शिक्षक श्री उमेश गाताडे सर ,श्री प्रभाकर लोखंडे सर यांचे विशेष सहकार्य लाभले.
