फोटो
मौजे वडगांव -डॉ. बाबासाहेब आंबेडकर यांना अभिवादन करतांना सरपंच काशिनाथ कांबळे, उपसरपंच किरण चौगुले ग्रामविकास अधिकारी विठ्ठल कांबळे, अवधूत मुसळे, अविनाश पाटील व इतर मान्यवर.
हेरले / प्रतिनिधी दि. १५/४/१८
हेरले परिसरात विश्वरत्न डॉ. बाबासाहेब आंबेडकर यांची १२७वी जयंती विविध उपक्रमांनी मोठ्या उत्साहात साजरी करण्यात आली.
सकाळी माणगांव येथून भिम अनुयायांनी ज्योत आणली व कार्यक्रमाच्या ठिकाणी ज्योत प्रज्वलीत केली. विविध व्याख्यात्यांची डॉ. बाबासाहेब आंबेडकर यांचे जीवन कार्यावर व्याख्यांने संपन्न झाली.सायंकाळी 'जय भिमच्या ' जयघोषात शांततेने मिरवणूका संपन्न झाल्या.
हेरले ( ता. हातकणंगले) येथील ग्रामपंचायतीमध्ये डॉ. बाबासाहेब आंबेडकर यांच्या प्रतिमेचे पूजन व पुष्पाहार अर्पण सरपंच अश्विनी चौगुले व उपसरपंच विजय भोसले यांच्या हस्ते करण्यात आले. यावेळी ग्रामविकास अधिकारी संतोष चव्हाण, ग्रामपंचायत सदस्य राहूल शेटे, सतिश काशिद,रणजित इनामदार, मज्जीद लोखंडे, शरद आलमान, बटुवेल कदम, फरीद नायकवडी, अर्पणा भोसले, अशा उलस्वार, विजया घेव्हारे, शोभा खोत, स्वरूपा पाटील,मिनाताई कोळेकर, निलोफर खतीब, रिजवाना पेंढारी, आरती कुरणे आदी उपस्थित होते.
मौजे वडगांव ग्रामपंचायतमध्ये डॉ. बाबासाहेब आंबेडकर, छ्त्रपती शिवाजी महाराज, राजर्षि शाहू महाराज यांच्या पुतळ्याचे पुजन व पुष्पाहार अर्पण सरपंच काशिनाथ कांबळे व उपसरपंच किरण चौगुले यांच्या हस्ते करण्यात आले. यावेळी ग्रामविकास अधिकारी व्ही.व्ही. कांबळे, ग्रामपंचायत सदस्य अवधूत मुसळे, अविनाश पाटील, सुभाष अकिवाटे, अश्विनी लोंढे, वैशाली गोरड, सरताज बारगीर, सरिता यादव, माधुरी सावंत, सुनिता मगदूम, मायावती तराळ, तंटामुक्ती अध्यक्ष राजू थोरवत, मुबारक बारगीर, प्रकाश कांबरे आदी मान्यवर उपस्थित होते.
मौजे मुडशिंगी येथील बौद्ध समाजाच्या वतीने डॉ. बाबासाहेब आंबेडकर जयंतीचे आयोजन केले होते. ध्वजारोहण उज्वला चौगुले यांच्या हस्ते झाले. प्रतिमापूजन उपसरपंच गजानन जाथव यांच्या हस्ते तर ज्योत पूजन सरपंच मिनाक्षी खरशिंगे यांच्या हस्ते करण्यात आले. याप्रसंगी ग्रामपंचायत सदस्य नामदेव अणुसे, दादासो इंगवले, रविराज मंडले,मिनाक्षी वरिंगे, स्नेहल गुरव, नंदा पाटील, मुमताज शेख, व समस्त बौध्द समाज उपस्थित होता.
मौजे माले येथील बौध्द समाजाच्या वतीने जयंतीचे आयोजन केले होते.डॉ. बाबासाहेब आंबेडकर प्रतिमेचे पूजन गटनेते माजी उपसरपंच बंटी पाटील यांच्या हस्ते झाले. यावेळी माजी सभापती राजेश पाटील, उपसरपंच सुनिल कांबळे, पोलीस पाटील संदीप साजणकर, ग्रामपंचायत सदस्या रोहिणी गावडे, अर्चना पाटील, सुनिता कांबळे, अनिता माने आदीसह बौध्द बांधव उपस्थित होते.
चोकाक येथील बौद्ध समाजाच्या वतीने जयंती साजरी केली. ध्वजारोहण व्याख्याते अनिल मम्हाणे यांच्या हस्ते झाले.डॉ. बाबासाहेब आंबेडकर प्रतिमेचे पूजन माजी सभापती अविनाश बनगे यांच्या हस्ते झाले. यावेळी उपसरपंच विकास चव्हाण, ग्रांमपंचायत सदस्य विकास कुंभार, कृष्णात पाटील, सुकुमार पाटील, महावीर पाटील, स्मिता सरदार, उज्वला जाधव, दत्ता हलसवडे, योगेश चोकाककर आदीसह बौद्ध बांधव उपस्थित होते.
