कोल्हापूर प्रतिनिधी
काल रात्री कोल्हापूरहून शिये कडे जाणाऱ्या स्वीफ्ट डिझायर कार MH10 BM 1222 ने कसबा बावडा येथे भगवा चौक व चव्हाण गल्ली जवळ तीन दुचाकींना धडक दिली.
यामुळे संतप्त झालेल्या नागरिकांनी पाठलाग करून पिंजार गल्ली जवळ कारला थांबवून जाब विचारला. यावेळी मद्यपान केलेला चालक भेदरला. तो बाहेर येत नाही हे पाहून नागरिक आक्रमक झाले.
यावेळी घाबरुन चालकाने गाडी सुसाट पळवून पलायनाचा प्रयत्न केला पण समोरुन आलेल्या ट्रकला धडक दिल्याने गाडी ट्रक खाली गेली.
यावेळी नागरिकांनी मद्यधुंद चालकाला बाहेर ओढून बेदम मारहाण केली व संतप्त होऊन कारची प्रचंड तोडफोड केली.
सदर प्रकार रात्री 10.30 पासून सुरू होता नंतर तासाभराने आलेल्या पोलिसांनी नागरिकांना पांगवले व कार रस्त्यावरून बाजूला केली तोपर्यंत कारचा चक्काचूर झाला होता.
या सर्व पाश्र्वभूमीवर कोल्हापूर करांना पुन्हा एकदा ड्रंक अँड ड्राईव्ह चा थरार अनुभवायला मिळाला. कारण असेच मागे एकदा मद्यधुंद ट्रक चालकाने अनेकांना उडवून जखमी केले होते.
व अजुनही वाहन चालक सर्रास मद्यपान करून वाहन चालवताना दिसत आहेत. तर पोलीस फक्त 31 डिसेंबरलाच कारवाई करतात काय असा प्रश्न उपस्थित होतो.
