Monday 26 February 2018

mh9 NEWS

स्वाभिमानी शिक्षक संघाच्या वतीने शिक्षण विभागास थकित वेतनासाठी निवेदन

कोल्हापूर / प्रतिनिधी
      मिलींद बारवडे    दि.२६/२/१८

कोल्हापूर जिल्हयातील काही शाळांतील शिक्षक व शिक्षकेत्तर कर्मचाऱ्यांचे नियमित वेतन अदा न झालेने त्यांच्यावर आर्थिक अरिष्ट आले आहे. तरी शिक्षण विभागाने तात्काळ त्यांचे वेतन अदा करावे असे लेखी निवेदन स्वाभिमानी प्राथमिक माध्यमिक उच्च माध्यमिक शिक्षक संघाच्या वतीने शिक्षण विभागास दिले आहे.
     निवेदनातील आशय असा आहे की, कोल्हापूर जिल्ह्यातील बहुतांश शाळांतील शिक्षक व शिक्षकेत्तर कर्मचाऱ्यांचे जानेवारी महिन्याचे वेतन ऑफलाईनने आदा केलेले आहे. मात्र अजुनही बारा तालूक्यातील प्राथमिक, माध्यमिक, उच्च माध्यमिक काही शाळांच्या शिक्षक व शिक्षकेत्तर कर्मचाऱ्यांचे नोव्हेबंर ते जानेवारी अखेर तीन महिन्याचे वेतन आदा झालेले नाही.तसेच काही अतिरिक्त शिक्षकांचे ऑक्टोबंर पासून त्यांना आज अखेर वेतन मिळाले नाही.
     त्यामुळे त्यांचे कर्जाचे हप्ते थकीत असून त्यांच्यावर आर्थिक अरिष्ट आले आहे.तरी शिक्षण विभागास विनंती आहे की, जिल्ह्यातील एकूण शाळापैकी उर्वरीत किती शाळांचे वेतन थकीत आहे. याची आपण सहानुभूती व लक्षपूर्वक पाहणी करून तात्काळ त्या शाळांचे वेतन आदा करावे आणि  त्यांच्या आर्थिक समस्यांचे निराकरण करावे अशी आम्ही स्वाभिमानी शिक्षक सेवाभावी संघाच्या वतीने लेखी निवेदनाद्वारे नम्र विनंती करीत आहोत.
       जिल्ह्यातील  ९४ शाळांचे वेतन थकीत असून त्यांना तात्काळ वेतन आदा करण्यासाठी शासन पातळीवर योग्य ती कारवाई सुरू आहे. लवकरच त्यांना वेतन मिळेल अशी ग्वाही शिक्षण उपनिरीक्षक डी.एस. पोवार उपशिक्षणाधिकारी एल.एस. पाश्चापुरे, वित्त लेखाधिकारी व.कृ. पाटील वेतन पथक अधिक्षक शंकरराव मोरे यांनी लेखी निवेदन स्विकारून सकारात्मक चर्चा केली.
       निवेदनच्या प्रती शिक्षण उपसंचालक एम.के. गोंधळी  कोल्हापूर विभाग,माध्यमिक शिक्षणाधिकारी  किरण लोहार  जि.प. कोल्हापूर, प्राथमिक शिक्षणाधिकारी सुभाष चौगुले  जि.प. कोल्हापूर,शंकराव मोरे वेतन पथक व भविष्य निर्वाह कार्यालय कोल्हापूर आदी शिक्षण विभागातील उच्च पदस्थ अधिकाऱ्यांचे नावे  लेखी निवेदन दिले आहे. निवेदनावर संस्थापक अध्यक्ष सुधाकर निर्मळे, जिल्हा अध्यक्ष मिलींद बारवडे यांच्या सह्या आहेत.
         फोटो
शिक्षण उपनिरीक्षक डी.एस.पोवार व उपशिक्षण अधिकारी एल.एस. पाश्चापुरे यांना लेखी निवेदन देताना संघाचे संस्थापक अध्यक्ष सुधाकर निर्मळे, जिल्हाध्यक्ष मिलींद बारवडे

mh9 NEWS

About mh9 NEWS

Author Description here.. Nulla sagittis convallis. Curabitur consequat. Quisque metus enim, venenatis fermentum, mollis in, porta et, nibh. Duis vulputate elit in elit. Mauris dictum libero id justo.

Subscribe to this Blog via Email :