*
हेरले / प्रतिनिधी
कोल्हापूर जिल्हा माध्यमिक व उच्च माध्यमिक शाळा मुख्याध्यापक संघामार्फत घेण्यात आलेल्या *कोल्हापूर जिल्हा उत्कृष्ट शालेय समृद्ध ग्रंथालय* स्पर्धेचा निकाल जाहीर झाला आहे. यामध्ये आदर्श गुरुकुल विद्यालय व ज्युनि कॉलेज पेठ वडगाव या विद्यालयास शहरी विभागांतर्गत शैक्षणिक वर्ष 2021-22 चा तृतीय क्रमांक प्राप्त झाला आहे. ग्रामीण व शहरी अशा दोन विभागात ही स्पर्धा घेण्यात आली होती. सन्मानचिन्ह व विविध पुस्तकांची ग्रंथभेट असे या पुरस्काराचे स्वरूप होते. हा पुरस्कार शिवम फाऊंडेशनचे संस्थापक मा. श्री. इंद्रजीत देशमुख साहेब यांच्या हस्ते प्रदान करण्यात आला.हा पुरस्कार आदर्श शिक्षण संकुलाचे संस्थापक डॉ.डी.एस. घुगरे, सचिव सौ.एम.डी.घुगरे, ग्रंथपाल सौ. एस.बी.पाटील यांनी स्वीकारला.
या पुरस्कार वितरण सोहळा करिता मुख्याध्यापक संघाचे चेअरमन सुरेश संकपाळ, सचिव दत्ता पाटील व मुख्याध्यापक संघाचे सर्व संचालक पदाधिकारी उपस्थित होते
