हेरले / प्रतिनिधी
हेरले (ता. हातकणंगले) येथील प्राथमिक आरोग्य केंद्रामध्ये आरोग्य वरधिनी केंद्राचा चौथा वर्धापन दिवस दोन दिवस विविध आरोग्य तपासणी शिबीराच्या आयोजनातून उत्साहात साजरा करण्यात आला.
केंद्र शासनाच्या आयुष्यमान भारत योजनेअंतर्गत आरोग्य वरधिनी केंद्र रूपांतर करण्यात आले. याला १४ एप्रिल२०२२ रोजी ४ वर्षे पूर्ण झाल्याबद्दल दि.१६ व १७ रोजी विविध प्रकारच्या आरोग्य विषयक कार्यक्रमाचे प्राथमिक आरोग्य केंद्रामध्ये आयोजन करण्यात आले आले होते.
यामध्ये " इ संजीवनी च्या माध्यमातून आरोग्य वरधिनी केंद्राच्या ठिकाणी टेलीकनसलटेशन सेवा " या माध्यमातून बी.पी., शुगर, कॅन्सर या आजाराने त्रस्त असलेल्या रुग्णांना तपासणी करून सेवा उपलब्ध करून देण्यात आल्या. या सेवा दि. १६ एप्रिल रोजी रुकडी, अतिग्रे, चौकाक, माले व हेरले येथील ६ उपकेंद्रवर तसेच पीएचसी मार्फत देण्यात आले. यामध्ये ३५ टेलीकनसलटेशन, १६६ हेल्थ आय. डी., याखेरीज ३० वर्षावरील २४७ लाभार्थीची आरोग्य तपासणी करण्यात आली. तसेच १७ एप्रिल रोजी उपकेंद्र व पीएचसी पातळीवर योगा शिबिराचे आयोजन करण्यात आले होते. या कार्यक्रमाचे संयोजन वैद्यकिय अधिकारी डॉ. राहुल देशमुख यांचे मार्गदर्शनाखाली व, उपकेंद्र कडील सर्व सीएचओ, आरोग्य सेवक, सेविका यांनी परिश्रम घेतले.
फोटो
हेरले: प्राथमिक आरोग्य केंद्र येथे आरोग्य वरधिनी केंद्राचा चौथ्या वर्धापना निमित्त आरोग्य तपासणी करतांना वैद्यकिय अधिकारी डॉ.राहूल देशमुख सीएचओ आरोग्य सेवक सेविका व रुग्ण.
