कोल्हापूर प्रतिनिधी
राज्याच्या विधानपरिषदेत प्राथमिक शिक्षकांचे विद्यार्थी व शाळेचे प्रतिनिधी म्हणून शिक्षक नेते श्री.संभाजीराव थोरात संधी द्यावी अशी मागणी महाराष्ट्र राज्य प्राथमिक शिक्षक संघाच्या महिला कमिटी कोल्हापूरच्या वतीने करण्यात आली असल्याची माहिती कोल्हापूर महिला कमिटी जिल्हा आध्यक्षा लक्ष्मी पाटील यांनी दिली आहे .
महाराष्ट्र राज्याचे मुख्यमंत्री ना.उद्धवजी ठाकरे, राष्ट्रवादी काँग्रेस चे राष्ट्रीय अध्यक्ष मा.शरदचंद्रजी पवार व राष्ट्रवादी काँग्रेस चे प्रदेशाध्यक्ष ना.जंयत पाटील यांना देण्यात आलेल्या निवेदनात म्हटले आहे की, राज्याच्या विधानपरिषदेत माध्यमिक, उच्चमाध्यमिक व महाविद्यालय शिक्षकांचे राज्यातून सहा प्रतिनिधी घेतले जातात तसेच पदवीधर व इतर क्षेत्रातील प्रतिनिधी विधानपरिषदेत घेतले जातात पण प्राथमिक शाळेचा व शिक्षकांचा प्रतिनिधी विधानपरिषदेत घेतला जात नाही.
म्हणून राज्यातील प्राथमिक शाळा विद्यार्थी व प्राथमिक शिक्षकांच्या व विद्यार्थ्यांच्या प्रश्नांची विधानपरिषदेत योग्य ती मांडणी करुन प्रश्नांची सोडवून करण्यासाठी प्राथमिक शिक्षकांचा प्रतिनिधी विधानपरिषदेत असणे गरजेचे आहे.
प्राथमिक शिक्षकांचा प्रतिनिधी म्हणून गेली ४५ प्राथमिक शिक्षक संघाच्या माध्यम तून प्राथमिक शिक्षक विद्यार्थी व शाळेचे प्रश्न अधिवेशन अंदोलनाध्या माध्यमातून सतत शासन दरबारी मांडणारे व राज्यातील ३ लाख सदस्य असलेल्या महाराष्ट्र राज्य प्राथमिक शिक्षक संघाचे नेते तथा राष्ट्रीय प्राथमिक शिक्षक महासंघाचे राष्ट्रीय अध्यक्ष मा.संभाजीराव थोरात यांना राज्यपाल कोट्यातून विधानपरिषदेत प्रतिनिधित्व करण्याची संधी द्यावी अशी मागणी करण्यात आली आहे .
महाराष्ट्र राज्य प्राथमिक शिक्षक संघ राज्यातील प्राथमि क शिक्षकांचे प्रतिनिधित्व करणारी शासन मान्यता प्राप्त संघटना असून या संघटनेच्या माध्यमातून शिक्षकांना हक्काबरोबरच कर्तव्याची ही जाणीव करन दिली जाते. तसेत गुणवत्ता वाढीसाठी प्राथमिक शाळेतील विद्यार्थी आणि शाळेच्या गरजा करण्यासाठी सतत प्रयत्न केले जातात.
संभाजीराव थोरात यांना विधानपरिषदेत प्रतिनिधित्व मिळाल्यास हे कार्य अधिक गतिमान होणार असल्याने नजीकच्या काळात राज्यपाल कोट्यातून विधानपरिषदेयरः घेण्यात येणाऱ्या १२ प्रतिनिधीत त्यांना संधी मिळायी अशी मागणी निवेदनात केली आहे.
निवेदनावर कोल्हापूर महिला कमिटी जिल्हाध्यक्षा लक्ष्मी पाटील यांच्यासह मोहन भोसले, बाळकृष्ण तांबारे, आप्पासाहेब कुल, जनार्दन निऊंगरे, एन.वाय पाटील, रविकुमार पाटील, सुनिल पाटील, संगिता खिलरी, पुजा मुराळी, नुतन सकट, निता पोतदार, बाळकृष्ण हळदकर, बाळासाहेब निंबाळकर, दूंडेश खामकर, अरूण चाळके आदींच्या सह्या आहेत.
