हातकणंगले / प्रतिनिधी
दि.24/8/20
मिलींद बारवडे
जिल्ह्यातील माध्यमिक शाळांतील शिक्षक, शिक्षकेत्तर कर्मचाऱ्यांची सातव्या वेतन आयोगाप्रमाणे सेवापुस्तके तपासणी शिबिर मुख्याध्यापक संघात घेण्याचे आश्वासन कोल्हापूरचे नूतन लेखाधिकारी सागर वाळवेकर यांनी मुख्याध्यापक संघाच्या शिष्टमंडळास दिले. कोल्हापूर जिल्हा माध्यमिक, उच्च माध्यमिक शाळा मुख्याध्यापक संघाच्या वतीने सागर वाळवेकर यांचा संघाचे चेअरमन सुरेश संकपाळ यांच्या हस्ते सत्कार करण्यात आला.
यावेळी माध्यमिक विभागाचे नूतन उपशिक्षणाधिकारी श्री.डी.एस.पोवार यांचा कोल्हापूर जिल्हा माध्यमिक, उच्च माध्यमिक शाळा मुख्याध्यापक संघाच्या वतीने सत्कार करण्यात आला. यावेळी मुख्याध्यापक संघाचे चेअरमन सुरेश संकपाळ, व्हा.चेअरमन बी.आर. बुगडे, राज्य शाळा कृती समितीचे कार्याध्यक्ष बाबा पाटील, लोकल ऑडीटर मिलिंद पांगिरेकर, खजिनदार नंदकुमार गाडेकर, संपर्क प्रमुख अशोक हुबळे, रवींद्र मोरे, इरफान अन्सारी, सुरेश उगारे, अजित रणदिवे, पोपट पाटील आदी उपस्थित होते.
फोटो
माध्यमिक उपशिक्षणाधिकारी डी एस पोवार यांचा सत्कार करतांना मुख्याध्यापक संघाचे चेअरमन सुरेश संकपाळ व्हा.चेअरमन बी आर बुगडे कृती समितीचे कार्याध्यक्ष बाबासाहेब पाटील व इतर मान्यवर
