उदगीर प्रतिनिधी गणेश मुंडे
दहावीच्या परीक्षेतील यशाने लातूरची गुणवत्ता पुन्हा एकदा झळाळली असून १००% मार्क घेणाऱ्या विद्यार्थ्यांच्या संख्येत भर घालणारा निकाल राज्याला पथदर्शक असल्याची प्रतिक्रिया लातूर जि.प.चे अध्यक्ष राहुल केंद्रे यांनी व्यक्त केली.दहावीच्या परीक्षेत लातूर बोर्डाने मिळविलेले यश अभिनंदनीय असल्याचे केंद्रे म्हणाले.राज्यात १००% गुण मिळविणा-या विद्यार्थ्यांमध्ये ६२% विद्यार्थी लातूर बोर्डाचे आहेत हा गौरवाचा विषय आहे.लातूर जिल्ह्याचा निकाल 96.51% असून राज्यात १००% पेक्षा जास्त गुण घेऊन उत्तीर्ण होणाऱ्या 242 ,पैकी 151 विद्यार्थी लातूर विभागातील असून यापैकी 129 विद्यार्थी लातूर जिल्ह्यातील आहेत.तसेच अनेक शाळांचे निकाल ९०% पेक्षा जास्त आहेत. निकालाची टक्केवारी व विद्यार्थ्यांची गुणवत्ता ही पुन्हा एकदा सिद्ध झाली असून यामुळे जिल्ह्याच्या शैक्षणिक शिरपेचात मानाचा तुरा खोवला गेला आहे.विद्यार्थी,शिक्षक,पालक,संस्थाचालक,अधिकारी मुख्याध्यापक,शिक्षक या स सर्वांचे यात योगदान आहे असे जि.प.अध्यक्ष राहूलजी केंद्रे म्हणाले. जि.प.अध्यक्ष राहुल केंद्रे,जिल्हा मुख्य कार्यकारी अधिकारी मा.अभिनव गोयल,जिल्हा परिषद उपाध्यक्ष श्रीमती भारतबाई साळूंके,कृषी सभापती गोविंदराव चिलकुरे,महिला व बालविकास सभापती ज्योतीताई राठोड,बांधकाम सभापती संगीताताई घुले,समाजकल्याण सभापती रोहिदास वाघमारे,शिक्षणाधिकारी माध्य.यांनी जि,प,च्या वतीने सर्वांचे अभिनंदन केले आहे.
