कागल तालुक्यामध्ये सिटुचा सुवर्ण महोत्सवी स्थापना दिन शारिरीक अंतर ठेवून मोठ्या उत्साहात साजरा करण्यात आल्याची माहिती सिटुचे जिल्हा उपाध्यक्ष कॉ शिवाजी मगदूम यांनी दिली.
कागल तालुक्यामध्ये सिटुच्या वतीने कामगारांनी संघटनेच्या कार्यालयासमोर, घरासमोर ध्वजारोहण करून तसेच कामाच्या ठीकाणी शारिरीक अंतर ठेऊन मानवी साखळी करून सिटुच्या घोषणांनी परीसर व गल्लीबोळ दणाणुन सोडला.
आपआपल्या तालुक्यातील सर्वच कार्यालयावर झेंडावंदन करून गावागातील कामगारांनी दहा दहाच्या संख्येने एकत्र येऊन शारीरिक अंतर ठेवून संघटनेचा झेंडा हातात घेऊन घोषणा द्यायच्या आहेत.
यावेळी सिआयटीयु झिंदाबाद, मी सिटूचा - - सिटू माझी,लाल बावटा कामगार संघटनेचा-विजय असो, कामगार एकजुटीचा विजय असाे, इन्किलाब जिंदाबाद, बांधकाम कामगार एकजुटीचा. - विजय असो, नोंदीत बांधकाम कामगारांना दहा हजार रुपये अर्थसहाय्य मिळालेच पाहिजे, बांधकाम कामगारांना घरासाठी अनुदान मिळालेच पाहिजे, बांधकाम कामगारांचे प्रलंबित योजनांचे लाभ तातडीने खात्यावर वर्ग करा,बांधकाम कामगारांना घरासाठी अनुदान मिळालेच पाहिजे, आशा व गटप्रवर्तक यांना सेवेत कायम करा, उसतोडणी कामगारांचे महामंडळ स्थापन करून नोंदणी करा, सेंट्रल किचन पद्धत रद्द करा,केंद्र सरकारने कामगार विरोधी धोरण मागे घ्यावे. या व इतर मागण्यांनी परीसर दणाणुन सोडला.
या वर्धापन दिनाच्या कार्यक्रमांमध्ये सिटु सलग्न लाल बावटा बांधकाम कामगार संघटना, कोल्हापूर जिल्हा आशा व गटप्रवर्तक युनियन, उस तोडणी कामगार संघटनांनी सहभाग नोंदवला.
हा संपुर्ण कार्यक्रम पाडण्यासाठी सिटुचे जिल्हा उपाध्यक्ष व राज्य सचिव कॉ शिवाजी मगदूम, विक्रम खतकर, उज्ज्वला पाटील, मनिषा पाटील, मोहन गिरी, राजाराम आरडे, सुप्रिया गुदले, सारीका पाटील, विनायक सुतार, जोतिराम मोंगणे, संगिता कामते, अनिता अनुसे,आनंदा डाफळे, दशरथ लोखंडे, दगडू कांबळे, गौस नायकवडी यांच्यासह पदाधिकाऱ्यांनी प्रयत्न केले.
